ຢ້ານກັນວ່າ ມີຜູ້ຄົນຫຼາຍເຖິງ 91 ຄົນ ເສຍຊີວິດ ໃນລັດ
Oklahoma ທາງພາກການຂອງສະຫະລັດ ບ່ອນທີ່ລົມ
ພາຍຸຫົວກຸດ ຫລື Tornado ທີ່ມີຄວາມໄວ 320 ກິໂລແມັດ
ຕໍ່ຊົ່ວໂມງນັ້ນ ໄດ້ພັດຜ່ານໄປທໍາລາຍເຮືອນຊານບ້ານຊ່ອງ
ເສຍຫາຍໜັກ.
ເວລານີ້ ພວກກູ້ໄພທັງຫຼາຍ ຍັງສືບຕໍ່ຊອກຄົ້ນຫາຜູ້ທີ່ອາດຍັງ
ລອດຊີວິດມາໄດ້ ໃນເມືອງ Moore ນອກນະຄອນ Oklahoma
city ບ່ອນທີ່ພາຍຸ Tornado ໄດ້ທໍາລາຍຫລາຍໆຄຸ້ມຢ່າງຮາບ
ຄາບ ແລະສົ່ງຊາກຫັກພັງ ຟົ້ງຂຶ້ນສູ່ອາກາດ.
ຈົນຮອດປະຈຸບັນນີ້ ມີການຍືນຍັນວ່າ ໄດ້ມີ 51 ຄົນ ເສຍຊີວິດໄປແລ້ວ ຊຶ່ງຮວມທັງ
ພວກເດັກນ້ອຍ ຢ່າງນ້ອຍ 20 ຄົນ ຢູ່ໃນໂຮງຮຽນແຫ່ງນຶ່ງທີ່ Tornado ປະທະນັ້ນ.
ໂຄສົກຍິງຂອງຫ້ອງການພິສູດຊາກສົບຂອງລັດ ກ່າວໃນເຊົ້າວັນອັງຄານມື້ນີ້ວ່າ ພວກທ່ານ
ຄາດວ່າ ຈະມີຜູ້ເສຍຊີວິດຕື່ມອີກ ຮອດ 40 ຄົນ ແລະມີຢ່າງນ້ອຍ 120 ຄົນໄດ້ຮັບບາດເຈັບ.
ພວກກູ້ໄພ ໄດ້ດຶງເດັກນ້ອຍຫຼາຍໆຄົນທີ່ຍັງມີຊີວິດລອດມານັ້ນ ອອກຈາກຊາກຫັກພັງ ຂອງ
ໂຮງຮຽນສອງຫຼັງ ທີ່ຖືກ Tornado ກະທົບນັ້ນ.
ຜູ້ປົກຄອງລັດ ທ່ານນາງ Mary Fallin ກ່າວຕໍ່ພວກນັກຂ່າວວ່າ “ທຸກໆຄົນແມ່ນຫົວໃຈ
ແຕກສະລາຍ” ສໍາລັບບັນດາພໍ່ແມ່ ທີ່ກໍາລັງຊອກຫາພວກເດັກນ້ອຍ ລູກເຕົ້າຂອງພວກ
ເຂົາເຈົ້ານັ້ນ. ທ່ານນາງໄດ້ມີຄໍາສັ່ງໃຫ້ສົ່ງກອງທະຫານພິທັກຊາດ ຫລື National
Guard ຂອງລັດແລະຕໍາຫຼວດເພີ້ມຕື່ມ ໄປຊ່ອຍກູ້ໄພ ໃນຄັ້ງນີ້.
ປະທານນາທິບໍດີ Barrack Obama ໄດ້ປະກາດໃຫ້ນະຄອນ Oklahoma City ເປັນ
ເຂດຫາຍະນະຮ້າຍແຮງ ຍ້ອນໄພພິບັດຈາກພາຍຸ Tornado ລູກນີ້ ແລະສັ່ງໃຫ້ທາງ
ຫ້ອງການຮັບມືກັບໄພສຸກເສີນຂອງລັດຖະບານກາງ ຫລື FEMA ໃຫ້ຄວາມຊ່ອຍເຫຼືອ
ແກ່ລັດ Oklahoma ໃນທຸກໆດ້ານທີ່ຕ້ອງການ.
![Massive Tornado Hits Oklahoma]()
Photo Gallery:
Oklahoma ທາງພາກການຂອງສະຫະລັດ ບ່ອນທີ່ລົມ
ພາຍຸຫົວກຸດ ຫລື Tornado ທີ່ມີຄວາມໄວ 320 ກິໂລແມັດ
ຕໍ່ຊົ່ວໂມງນັ້ນ ໄດ້ພັດຜ່ານໄປທໍາລາຍເຮືອນຊານບ້ານຊ່ອງ
ເສຍຫາຍໜັກ.
ເວລານີ້ ພວກກູ້ໄພທັງຫຼາຍ ຍັງສືບຕໍ່ຊອກຄົ້ນຫາຜູ້ທີ່ອາດຍັງ
ລອດຊີວິດມາໄດ້ ໃນເມືອງ Moore ນອກນະຄອນ Oklahoma
city ບ່ອນທີ່ພາຍຸ Tornado ໄດ້ທໍາລາຍຫລາຍໆຄຸ້ມຢ່າງຮາບ
ຄາບ ແລະສົ່ງຊາກຫັກພັງ ຟົ້ງຂຶ້ນສູ່ອາກາດ.
ຈົນຮອດປະຈຸບັນນີ້ ມີການຍືນຍັນວ່າ ໄດ້ມີ 51 ຄົນ ເສຍຊີວິດໄປແລ້ວ ຊຶ່ງຮວມທັງ
ພວກເດັກນ້ອຍ ຢ່າງນ້ອຍ 20 ຄົນ ຢູ່ໃນໂຮງຮຽນແຫ່ງນຶ່ງທີ່ Tornado ປະທະນັ້ນ.
ໂຄສົກຍິງຂອງຫ້ອງການພິສູດຊາກສົບຂອງລັດ ກ່າວໃນເຊົ້າວັນອັງຄານມື້ນີ້ວ່າ ພວກທ່ານ
ຄາດວ່າ ຈະມີຜູ້ເສຍຊີວິດຕື່ມອີກ ຮອດ 40 ຄົນ ແລະມີຢ່າງນ້ອຍ 120 ຄົນໄດ້ຮັບບາດເຈັບ.
ພວກກູ້ໄພ ໄດ້ດຶງເດັກນ້ອຍຫຼາຍໆຄົນທີ່ຍັງມີຊີວິດລອດມານັ້ນ ອອກຈາກຊາກຫັກພັງ ຂອງ
ໂຮງຮຽນສອງຫຼັງ ທີ່ຖືກ Tornado ກະທົບນັ້ນ.
ຜູ້ປົກຄອງລັດ ທ່ານນາງ Mary Fallin ກ່າວຕໍ່ພວກນັກຂ່າວວ່າ “ທຸກໆຄົນແມ່ນຫົວໃຈ
ແຕກສະລາຍ” ສໍາລັບບັນດາພໍ່ແມ່ ທີ່ກໍາລັງຊອກຫາພວກເດັກນ້ອຍ ລູກເຕົ້າຂອງພວກ
ເຂົາເຈົ້ານັ້ນ. ທ່ານນາງໄດ້ມີຄໍາສັ່ງໃຫ້ສົ່ງກອງທະຫານພິທັກຊາດ ຫລື National
Guard ຂອງລັດແລະຕໍາຫຼວດເພີ້ມຕື່ມ ໄປຊ່ອຍກູ້ໄພ ໃນຄັ້ງນີ້.
ປະທານນາທິບໍດີ Barrack Obama ໄດ້ປະກາດໃຫ້ນະຄອນ Oklahoma City ເປັນ
ເຂດຫາຍະນະຮ້າຍແຮງ ຍ້ອນໄພພິບັດຈາກພາຍຸ Tornado ລູກນີ້ ແລະສັ່ງໃຫ້ທາງ
ຫ້ອງການຮັບມືກັບໄພສຸກເສີນຂອງລັດຖະບານກາງ ຫລື FEMA ໃຫ້ຄວາມຊ່ອຍເຫຼືອ
ແກ່ລັດ Oklahoma ໃນທຸກໆດ້ານທີ່ຕ້ອງການ.
