ລິ້ງ ສຳຫລັບເຂົ້າຫາ

ວັນສຸກ, ໐໔ ເມສາ ໒໐໒໕

ລູກສອນໄຟ ແລະໂດຣນຂອງ ຣັດເຊຍ ໂຈມຕີ ນະຄອນຫຼວງກີຢິບ ຂອງຢູເຄຣນ


ເຈົ້າໜ້າທີ່ຕໍາຫຼວດ ຢືນໃກ້ກັບຮ່າງຂອງພົນລະເມືອງທີ່ເສຍຊີວິດ ລຸນຫຼັງການໂຈມຕີດ້ວຍລູກສອນໄຟຊີປະນາວຸດໃນນະຄອນຫຼວງກີຢິບ, ວັນທີ 12 ກຸມພາ 2025, ທ່າມກາງການໂຈມຕີຂອງ ຣັດເຊຍ ຕໍ່ ຢູເຄຣນ.
ເຈົ້າໜ້າທີ່ຕໍາຫຼວດ ຢືນໃກ້ກັບຮ່າງຂອງພົນລະເມືອງທີ່ເສຍຊີວິດ ລຸນຫຼັງການໂຈມຕີດ້ວຍລູກສອນໄຟຊີປະນາວຸດໃນນະຄອນຫຼວງກີຢິບ, ວັນທີ 12 ກຸມພາ 2025, ທ່າມກາງການໂຈມຕີຂອງ ຣັດເຊຍ ຕໍ່ ຢູເຄຣນ.

ເຈົ້າໜ້າທີ່ຢູເຄຣນກ່າວໃນວັນພຸດມື້ນີ້ວ່າ ກອງກຳລັງຂອງ ຣັດເຊຍ ໄດ້ທໍາການໂຈມຕີນະຄອນຫຼວງກີຢິບໃນຕອນຂ້າມຄືນ ໂດຍນໍາໃຊ້ລູກສອນໄຟຂີປະນາວຸດ ແລະໂດຣນຫຼາຍກວ່າ 120 ລຳ, ເຮັດໃຫ້ມີຜູ້ເສຍຊີວິດຢ່າງໜ້ອຍນຶ່ງຄົນ.

ຜູ້ປົກຄອງນະຄອນຫຼວງກີຢິບ, ທ່ານ ວິຕາລີ ກລິດຈ໌ໂກ (Vitali Klitschko) ກ່າວຜ່ານ Telegram ວ່າ ມີຜູ້ໄດ້ຮັບບາດເຈັບຍ້ອນການໂຈມຕີດັ່ງກ່າວອີກ 3 ຄົນ.

ໜ່ວຍບໍລິການສຸກເສີນຂອງນະຄອນຫຼວງກີຢິບ ໄດ້ລາຍງານເຫດການໄຟໄໝ້ ແລະຄວາມເສຍຫາຍອື່ນໆ ຢູ່ຕຶກອາຄານຫຼາຍ ໃນບໍລິເວນ 4 ຂົງເຂດຂອງເມືອງ.

ກອງທັບຢູເຄຣນກ່າວວ່າ ລູກສອນໄຟ ຍັງແນເປົ້າໝາຍໃສ່ເມືອງ ກຣີບຢີ ຣີ (Kryvyi Rih) ທີ່ຕັ້ງຢູ່ໃນພູມິພາກ ດນີໂປຣເປໂຕຣບກ໌ (Dnipropetrovsk).

ຜູ້ປົກຄອງພາກພື້ນ, ທ່ານ ເຊີຮິ ລິຊັກ (Serhiy Lysak) ກ່າວຜ່ານ Telegram ວ່າ ການໂຈມຕີຂອງ ຣັດເຊຍ ໄດ້ສ້າງຄວາມເສຍຫາຍໃຫ້ແກ່ໂຮງຮຽນ, ໂຮງແຮມ, ອາຄານລັດຖະບານ ແລະຕຶກອາພາດທ໌ເມັນ 3 ຫຼັງ.

ກອງກໍາລັງປ້ອງກັນທາງກາດຂອງຢູເຄຣນ ກ່າວວ່າ ໄດ້ຍິງລູກສອນໄຟ 6 ລູກ ແລະໂດຣນ 71 ລຳ ໃນຈຳນວນ 123 ລຳຕົກ ທີ່ກອງທັບຣັດເຊຍສົ່ງເຂົ້າມາປະຕິບັດງານ.

ການສະກັດກັ້ນໂດຣນດັ່ງກ່າວ ເກີດຂຶ້ນເໜືອພາກພື້ນ ເຊີກາຊີ, ເຊີນີຮີບ, ດນີໂປຣເປໂຕຣບກ໌, ຄາກີບ, ເຄີຊັນ, ກິໂລໂວຣາດ, ກີຢິບ, ມິໂຄລາອີບ, ໂປລຕາວາ, ຊູມີ, ແລະ ໄຊໂຕເມຍ.

ປະທານາທິບໍດີຢູເຄຣນ ທ່ານ ໂວໂລດີເມຍ ເຊເລັນສກີ ກ່າວໃນ Telegram ວ່າ “ທ່ານ ປູຕິນ ບໍ່ໄດ້ກະກຽມເພື່ອສັນຕິພາບ, ລາວຍັງຄົງສືບຕໍ່ຂ້າປະຊາຊົນຊາວຢູເຄຣນ ແລະທໍາລາຍເມືອງຕ່າງໆ. ນະເວລານີ້, ພວກເຮົາຈໍາເປັນຕ້ອງມີຄວາມສາມັກຄີ ແລະການສະໜັບສະໜູນຂອງບັນດາພາຄີຂອງພວກເຮົາທັງໝົດ ໃນການຕໍ່ສູ້ເພື່ອຍຸຕິສົງຄາມຄັ້ງນີ້.”

ກະຊວງປ້ອງກັນປະເທດຣັດເຊຍ ກ່າວໃນວັນພຸດມື້ນີ້ວ່າ ຕົນໄດ້ຍິງໂດຣນຂອງຢູເຄຣນເໜືອຂົງເຂດ ເບລໂກຣອດ ຕົກ 3 ລຳ.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

please wait
  • Auto
  • 240p
  • 360p
  • 480p
  • 720p
  • 1080p

No live streaming currently available

0:00 0:00 Live
  • Auto
  • 240p
  • 360p
  • 480p
  • 720p
  • 1080p

ສົດ ລາຍການວິທະຍຸ-ໂທລະພາບ ພາກພາສາລາວ

XS
SM
MD
LG