ລິ້ງ ສຳຫລັບເຂົ້າຫາ

ວັນພຸດ, ໒໙ ພຶດສະພາ ໒໐໒໔

ນຶ່ງຄົນ ເສຍຊີວິດ ໃນເຫດກໍ່ຈະລາຈົນ ຢູ່ສູນຄຸມຂັງ ພວກຊອກຂໍລີ້ໄພ ທີ່ ປາປົວ ນິວກີເນຍ (ວີດີໂອ)


ຜູ້ຊາຍຄົນນຶ່ງ ກໍາລັງຢ່າງຜ່ານຕູບຜ້າເຕັ້ນ ຢູ່ສູນກັກຂັງ ທີ່ເກາະ Manus ໃນ Papua New Guinea.
ຜູ້ຊາຍຄົນນຶ່ງ ກໍາລັງຢ່າງຜ່ານຕູບຜ້າເຕັ້ນ ຢູ່ສູນກັກຂັງ ທີ່ເກາະ Manus ໃນ Papua New Guinea.
ບັນດາ​ເຈົ້າ​ໜ້າ​ທີ່ອອສ​ເຕ​ຣເລຍກ່າວ​ວ່າ ຜູ້​ຊອກ​ຫາບ່ອນ​ລີ້
​ໄພ​ຄົນ​ນຶ່ງ ​ໄດ້​ເສຍ​ຊີວິດ ​ແລະ​ອີກ 77 ຄົນ ໄດ້​ຮັບ​ບາດ​ເຈັບ​ ​
ໃນ​ຂະນະ​ທີ່​ເກີດ​ຄວາມ​ວຸ້ນວາຍ​ເທື່ອທີສອງ ​ໃນອາທິດ​ນີ້​ທີ່
ສູນກາງຄຸມຂັງຢູ່ Papua New Guinea.

ກໍລະນີ​ດັ່ງກ່າວ​ ໄດ້ເນັ້ນຢໍ້າໃຫ້ເຫັນ ອັນ​ທີ່​ພວກນັກ​ເຄື່ອນ
​ໄຫວບາງຄົນ​ກ່າວ​ວ່າເປັນສະພາບ​ການທີ່ບໍ່​ມີ​ຄວາມ​ປອດ
​ໄພທີ່​ສູນຄຸມຂັງ ຊຶ່ງຕັ້ງ​ຢູ່ສອກຫລີກຫ່າງ​ໄກເທິງເກາະ Ma-
nus ທີ່​ພວກ​ຊອກ​ຫາບ່ອນລີ້​ໄພ ​ຊຶ່ງພະຍາຍາມເດີນທາງ
ໄປປະ​ເທດ​ອອສ​ເຕຣ​ເລຍໄດ້ຖືກ​ສົ່ງ​ໄປ​ດຳເນີນການຢູ່ທີ່ນັ້ນ.

ລັດຖະມົນຕີກວດ​ຄົນ​ເຂົ້າ​ເມືອງ ​ອອສ​ເຕຣ​ເລຍ ທ່ານ Scott Morrison ກ່າວ​ວ່າ ຄວາມ​
ບໍ່​ສະ​ງົບ​ໄດ້​ເກີດ​ຂື້ນ ຫລັງ​ຈາກພວກ​ທີ່ອາດຈະເປັນອົບ​ພະ​ຍົບເຫຼົ່ານີ້​ໄດ້​ຖືກ​ແຈ້ງ​ໃຫ້​ຊາບ
ວ່າພວກ​ເຂົາ​ເຈົ້າຈະ​ໄດ້​ຕັ້ງ​ຖິ່ນ​ຖານໃໝ່ຢູ່ທີ່ Papua New Guinea ຊຶ່ງເປັນປະເທດທີ່
ທຸກຍາກ.

ແຜນທີ່ເກາະ Manus, Papua New Guinea
ແຜນທີ່ເກາະ Manus, Papua New Guinea

ທ່ານໄດ້​ຮ້ອງ​ເຫດການ​ນີ້ວ່າ ເປັນເລື່ອງທີ່ໜ້າ “ເສົ້າ​ສະ​ຫລົດ​
ໃຈ​ຢ່າງ​ໃຫຍ່​ຫຼວງ” ​ແຕ່​ໄດ້​ຖິ້ມໂທດໃສ່ພວກ​ຊອກ​ຂໍ​ລີ້ໄພ ທີ່
ຖືກກ່າວຫາວ່າພະຍາ​ຍາມ​ຫລົບ​ໜີ​ໄປຈາກ​ສະຖານ​ທີ່​ດັ່ງກ່າວ.

ກຸ່ມປົກປ້ອງ​ສິດທິ​ມະນຸດ​ບາງຄົນ ບໍ່​ເຫັນດ້ວຍ​ກັບຄຳຊີ້ແຈງ
ທີ່ກ່າວມານັ້ນ. ຄະນະກໍາມະການຊ່ວຍ​ເຫລືອ​ອົບ​ພະຍົບກ່າວ​
ວ່າ ບັນດາ​ຊາວບ້ານ​ໃນເຂດທ້ອງ​ຖິ່ນ​ ທີ່ມີ​ພ້າ​ອີ່​ໂຕ້ ທໍ່​ນໍ້າ ​ໄມ້
ຄ້ອນ ​ແລະ​ກ້ອນ​ຫີນເປັນອາວຸດ ໄດ້ບຸກເຂົ້າໄປໃນສູນດັ່ງກ່າວ ​
ແລະ​ໂຈມ​ຕີ​ບັນດາ​ຜູ້​ຊອກ​ຂໍລີ້​ໄພ.

ບໍລິສັດຮັກສາຄວາມ​ປອດ​ໄພສັນຍາຈ້າງຂອງ​ອັງກິດ G4S ທີ່​ຍາມ​ສະຖານ​ທີ່​ດັ່ງກ່າວ ​ໄດ້
​ປະຕິ​ເສດຕໍ່​ການ​ກ່າວ​ຫາ ​ໂດຍເວົ້າວ່າ ບັນດາ​ຜູ້​ຊອກ​ຂໍລີ້​ໄພ ບໍ່ໄ​ດ້ໜີອອກໄປຈາກສະຖານ
​ທີ່ຄຸມຂັງ​ຍ້ອນ​ຖືກ​ໂຈມ​ຕີ​ໂດຍປະຊາຊົນ​ໃນທ້ອງ​ຖິ່ນ.

ສາມ​ສິບ​ຫ້າ​ຄົນ ​ໄດ້​ພາກັນ​ລັກ​ໜີ​ອອກ​ຈາກ​ສະຖານ​ທີ່ແຫ່ງນີ້ ໃນອາທິດ​ແລ້ວ​. ຫລາຍ​ຄົນ​
ໄດ້​ຖືກ​ຈັບ ​ແລະນໍາມາຄຸມຂັງ​ຄືນອີກ.

AUSTRALIA
please wait
Embed

No media source currently available

0:00 0:02:00 0:00

ວີດີໂອພາສາລາວ ກ່ຽວກັບການເຊັນສັນຍາ ລະຫວ່າງອອສເຕຣເລຍ
ກັບ ປາປົວ ນິວ ກີເນຍ:
XS
SM
MD
LG