ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

2 ຄົນ ເສຍຊີວິດ ໃນອຸບັດເຫດ ເຮືອບິນຕົກ ຢູ່ມຽນມາ


ເຮືອບິນໂດຍສານ​ Air Bagan ບັນທຸກ​ຜູ້​ໂດຍສານ 65 ຄົນ ​ແລະ​ພະນັກງານອີກ 6 ຄົນ ​ໄດ້​​ແລ່ນລົງ​​ຈອດ ​ຢູ່ຖະໜົນສາຍ​ນຶ່ງ ຫາງຂອງເຮືອບິນຫັກອອກ ເວລາຖືກກະທົບກັບພື້ນດິນ, ວັນທີ 25 ທັນວາ 2012.​
ເຮືອບິນໂດຍສານ​ Air Bagan ບັນທຸກ​ຜູ້​ໂດຍສານ 65 ຄົນ ​ແລະ​ພະນັກງານອີກ 6 ຄົນ ​ໄດ້​​ແລ່ນລົງ​​ຈອດ ​ຢູ່ຖະໜົນສາຍ​ນຶ່ງ ຫາງຂອງເຮືອບິນຫັກອອກ ເວລາຖືກກະທົບກັບພື້ນດິນ, ວັນທີ 25 ທັນວາ 2012.​
ມີສອງ​ຄົນເສຍ​ຊີວິດ ຫລັງ​ຈາກ​ເຮືອບິນ​ໂດຍສານອາຍພົ່ນ
ຂອງມຽນມາ ​ແລ່ນລົງ​ຈອດ​ສຸກ​ເສີນຢູ່ຖະໜົນ ໃນ​ຕອນ​ເຊົ້າ​
ຂອງວັນ​ອັງຄານ ມື້ນີ້ ຢູ່ທີ່ລັດ​ສາ​ນ ທາງ​ພາກ​ຕາ​ເວັນ​ອອກ​
ຂອງ​ປະ​ເທດ.

​ເຮືອບິນ​ໂດຍສານ​ ຂອງສາຍ​ການບິນ​ Air Bagan ທີ່​ບັນທຸກ​
ຜູ້​ໂດຍສານ 65 ຄົນ ​ແລະ​ພະນັກງານອີກ 6 ຄົນ ​ແລະ​ບິນ​ອອກ
​ຈາກນະ ຄອນ​ຢ່າງ​ກຸ້ງນັ້ນ ​ໄດ້ແລ່ນລົງຈອດ​ຢູ່ຖະໜົນສາຍ​ນຶ່ງ ​
ປະມານ​ສາມ​ກິໂລ​ແມດ​ ຫ່າງ​ຈາກ​ເດີ່ນບິນ Heho. ລັດ​ສານ​
ເປັນ​ບ່ອນ​ຕັ້ງຂອງທະ​ເລ​ສາບ Inle ຊຶ່ງເປັນ​ສະຖານ​ທີ່​ໆ​ພວກ
ນັກ​ທອງ​ທ່ຽວມັກ​ໄປ​ພັກຜ່ອນ​ຢ່ອນ​ໃຈກັນ.

ຜູ້​ເສຍ​ຊີວິດແມ່ນຮວມ​ທັງ ຜູ້​ໂດຍສານ​ເດັກນ້ອຍ​ອາຍຸ 11 ປີ ​
ແລະຜູ້​ຊາຍ​ຄົນ​ນຶ່ງ​ທີ່​ຂີ່​ລົດຈັກ​ຢູ່​ເທິງ​ຖະໜົນ. ​ເຈົ້າ​ໜ້າ​ທີ່​ກ່າວ​ວ່າ 11 ຄົນ​ໄດ້​ຮັບ​ບາດ​ເຈັບ ຮວມ​ທັງ​ຄົນ​ຂັບ​ເຮືອ​ບິນ ​ແລະ​ຜູ້​ໂດຍສານ​ຊາວ​ຕ່າງປະ​ເທດ​ສີ່​ຄົນ ຊຶ່ງທາງສາຍ​ການບິນກ່າວ​ວ່າ ​ເປັນຄົນອາ​ເມຣິກັນສອງ​ຄົນ ຄົນ​ສັນຊາດ​ອັງກິດ ​ນຶ່ງ ​ແລະ​ເກົາຫລີ​ນຶ່ງ.

ສາ​ເຫດຄັກ​ແນ່​ທີ່​ພາ​ໃຫ້​ເຮືອບິນ​ລຳ​ນີ້ຕ້ອງລົງ​ຈອດ​ສຸກ​ເສີນນັ້ນ ຍັງ​ບໍ່ທັນ​ຮູ້​ກັນ​ເທື່ອ ​ແຕ່​ມີ​ການອ້າງ​ຄໍາ​ເວົ້າ​ຂອງພວກເຈົ້າ​ໜ້າ​ທີ່​ລັດຖະບານ​ ​ທີ່​ກ່າວວ່າ ດິນ​ຟ້າ​ອາກາດ​ບໍ່​ດີ​ອາດ​ບັງຄັບ​ໃຫ້​ນັກ​ບິນເອົາ​ເຮືອບິນ​ລົງຈອດ ​ເທິງ​ຖະໜົນ. ພວກ​ເຫັນ​ເຫດການ​ກ່າວ​ວ່າ ຫາງ
ຂອງ​ເຮືອບິນຫັກ​ອອກ​ ​ແລະເກີດໄຟ​ໃໝ້ຂຶ້ນ​ເວລາເຮືອບິນຕົກ​ຖືກ​ພຶ້ນດິນ.

ສາຍ​ການບິນ Air Bagan ​ແມ່ນ​ນຶ່ງ​ໃນ​ຈໍານວນ​ຫ້າ​ສາຍ​ການບິນເອກ​ກະ​ຊົນ ທີ່ບິນບໍລິ
ການ​ຢູ່ພາຍໃນ​ມຽນມາ ​ແລະ​ເປັນ​ຂອງ​ນັກທຸລະກິດ​ໃຫຍ່ Tay Za ຊຶ່ງ​ມີ​ລາຍ​ງານ​ວ່າ ມີ​ຄວາມ​ສຳພັນ​ໃກ້​ຊິດ​ກັບອະດີດ ລັດຖະບານ​ທະຫານ​ມຽນມາ.
XS
SM
MD
LG