ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

5 ຄົນເສຍຊີວິດ ໃນເຫດ ລົດແລ່ນຕຳ ທາງເຂົ້າຈະຕຸລັດ Tiananmen (ວີດີໂອ/ສະໄລດ໌)


ຕຳຫຼວດ​ຈີນ​ກ່າວ​ວ່າ ມີ 5 ຄົນ​ເສຍ​ຊີວິດ ຫຼັງ​ຈາກລົດ SUV ​ຫລື
ລົດສະປອຕທີ່​ໃຊ້​ງານ​ໄດ້ ທີ່​ເຂົາ​ເຈົ້າ​ຂີ່​ໄປ ເກີດ​ອຸບັດ​ເຫດ​ແລ່ນ
​ຕຳ​ທາງ​ເຂົ້າຈະ​ຕຸ​ລັດ Tiananmen ​ໃນ​ກຸງ​ປັກ​ກິ່ງ ແລ້ວ​ເກີດ​ໄຟ
​ໄໝ້​ຂຶ້ນ.

ໜັງສືພິມ​ຊິນ​ຫົວຂອງທາງ​ການຈີນ ​ເວົ້າ​ວ່າ ຢ່າງ​ນ້ອຍ​ ມີ​ອີກ
11 ຄົນໄດ້​ຮັບ​ບາດ​ເຈັບ ​ເວລາ​ລົດ​ຄັນ​ດັ່ງກ່າວ​ແລ່ນ​ເຈືອກ​ເຂົ້າ​
ໄປ​ຕຳ​ພວກ​ປະຊາຊົນ​ ຢູ່​ປະຕູ​ທາງ​ເຂົ້າຈະ​ຕຸ​ລັດ Tiananmen
ກ່ອນ​ເກີດ​ໄຟ​ໄໝ້​ຂຶ້ນ​ໃນ​ວັນ​ຈັນ​ມື້​ນີ້. ຕຳຫຼວດໄດ້​ອົບ​ພະຍົບຜູ້
​ຄົນ​ອອກ​ໄປ​ໃນ​ທັນທີ ຫຼັງ​ຈາກ​ເກີດ​ອຸບັດ​ເຫດ​ແລ້ວແລະ​ໄດ້​ອັດ
ບໍລິ​ເວນ​ນັ້ນໃນ​ຂະນະ​ທີ່​ພວກ​ພະນັກງານສຸກ​ເສິນ​ ຮີ​ບຮ້ອນ​ໄປ
ຊ່ອຍ​ກູ້​ໄພ​ຢູ່​ບ່ອນ​ເກີດ​ເຫດ.
ຈະຕຸ​ລັດ Tiananmen ​ເປັນ​ສະຖານ​ທີ່ ທີ່ມີ​ການ​ປະ​ທ້ວງ​ເພື່ອ​ປະຊາທິປະ​ໄຕ​ ພາຍ​ໃຕ້
​ການ​ນຳພາ​ຂອງ​ພວກ​ນັກ​ສຶກສາ​ ​ໃນ​ປີ 1989 ທີ່ໄດ້​ຍຸດຕິ​ລົງ​ ຫລັງ​ຈາກ​ທີ່ພວກ​ເຈົ້າ​ໜ້າ​ທີ່​
ຈີນ​ເຂົ້າ​ທຳ​ການ​ທັບ​ມ້າງຢ່າງ​ນອງ​ເລືອດ. ຈະ​ຕຸ​ລັດ​ດັ່ງກ່າວ​ແມ່ນ​ຫ້ອມ​ລ້ອມ​ດ້ວຍສາລາ​ປະຊາຊົນ ກໍ​ຄື​ຕຶກສະພາແຫ່ງ​ຊາດຈີນ ​ແລະ​ອະນຸສາວະລີ​ບັນຈຸ​ສົບ​ຂອງ​ມື້​ລາງປະທານ​
ເໝົາ​ເຈີ​ຕຸ​ງ ຜູ້​ກໍ່​ຕັ້ງ​ຈີນ​ຄອມ​ມີ​ວນິສນັ້ນ.

XS
SM
MD
LG