ລິ້ງ ສຳຫລັບເຂົ້າຫາ

ວັນສຸກ, ໒໔ ພຶດສະພາ ໒໐໒໔

ນົກ 1,000 ໂຕ ຕົກລົງມາຕາຍ ໃນສະຫະລັດ


ນົກສີດໍາ ທີ່ຕົກລົງມາຕາຍ 1,000 ກ່ວາໂຕ ໃນລັດ Arkansas, ກ່ອນທ່ຽງຄືນວັນສຸກ ທີ 31 ທັນວາ 2010.
ນົກສີດໍາ ທີ່ຕົກລົງມາຕາຍ 1,000 ກ່ວາໂຕ ໃນລັດ Arkansas, ກ່ອນທ່ຽງຄືນວັນສຸກ ທີ 31 ທັນວາ 2010.

ໃນ​ວັນ​ຈັນ​ມື້​ນີ້ ບັນດາ​ນັກ​ຄົ້ນຄວ້າ​ຄາດ​ວ່າ​ຈະ​ເລີ້ມທໍາ​ການ​ທົດ​ສອບ​ເບິ່ງ​ນົກ​ຕາຍ​ຈໍານວນ​ນຶ່ງ​ ທີ່​ຕົກລົງ​ໃນ​ໃນ​ເມືອງ​ນ້ອຍ​ແຫ່ງ​ນຶ່ງ​ໃນ​ສະຫະລັດ​ ໃນ​ເວລາ​ກ່ອນ​ທ່ຽງ​ຄືນ​ເລັກ​ນ້ອຍ ​ໃນ​ວັນ​ສົ່ງ​ທ້າຍ​ປີ​ເກົ່າ​ຕ້ອນຮັບ​ປີ​ໃໝ່​ນັ້ນ.

ພວກ​ເຈົ້າ​ໜ້າ​ທີ່ສືບສວນ​ໄດ້​ກູ້​ເອົາ​ຊາກ​ນົກສີດໍາ​ຕາຍແລ້ວ​ຈໍານວນ​ນຶ່ງມາ ​ຈາກ​ຈໍາ​ນວນ​ທັງ​ໝົດ ປະມານ 1 ພັນ​ໂຕ​ທີ່ຕົກລົງ​ມາຈາກ​ທ້ອງຟ້າ ​ສູ່ເຂດ​ນຶ່ງ​ທີ່ກວ້າງ 1 ຫລັກກິ​ໂລ​ແມັດ​ໃນ​ເມືອງ Beebe ​ລັດ Arkansas ​ໃນ​ພາກ​ໃຕ້​ຂອງ​ສະຫະລັດ​ໃນ​ຄືນ​ວັນ​ສຸກ​ຜ່ານ​ມາ.

ບັນດາ​ນັກ​ຊ່ຽວຊານ ກ່າວ​ວ່າ ພວກ​ກາ​ເຫລົ່າ​ນີ້​ອາດ​ໄດ້ຖືກ​ຟ້າຜ່າ ຫລື​ຖືກ​ໝາກ ​ເຫັບທີ່​ຕົກ​ໜັກ​ໃນ​ລະດັບ​ສູງ​ເທິງ​ອາກາດ​ນັ້ນ​ ​ແລະ​ວ່າ ການ​ຈູດ​ບັ້ງ​ໄຟ​ດອກ​ສະຫລອງວັນ​ສົ່ງ​ທ້າຍ​ປີ​ເກົ່າ​ຕ້ອນຮັບ​ປີ​ໃໝ່ນັ້ນ​ ກໍ​ສາມາດ​ເຮັດ​ໃຫ້​ພວກ​ກາ​ເຫລົ່າ​ນີ້​ຕື່ນຕົກ​ໃຈ ​ແລະ​ພາພວກມັນຕາຍ​ກໍ​ເປັນ​ໄດ້.

ຄາດ​ວ່າ ການກວດ​ເບິ່ງ​ຊາກ​ກາ​ຕາຍ ຈະ​ໃຫ້​ຄໍາ​ຕອບ​ແບບ​ໃດ​ແບບ​ນຶ່ງ​ກ່ຽວ​ກັບ​ປາກົດການ​ອັນນີ້.

XS
SM
MD
LG