ທ່ານ David Frost ນັກຂ່າວໂທລະພາບ ທີ່ມີຊື່ສຽງຂອງອັງກິດ ເສຍຊີວິດແລ້ວ (ວີດີໂອ)

ນັກ​ຂ່າ​ວ​ໂທລະພາບ ອັງກິດ ທີ່ມີ​ຊື່​ສຽງ ​ແລະ​ນັກວິເຄາະ​ຂ່າວ
ການ​ເມືອງ ທ່ານ David Frost ຜູ້​ທີ່​ຄັ້ງ​ນຶ່ງ​ໄດ້​ເຮັດ​ໃຫ້​ມີການ​
ຂໍ​ຂະ​ມາ​ໂທດ ກ່ຽວ​ກັບ​ຄະດີ ວໍ​ເຕີ​ເກດ ຈາກ ອະດີດ ປະທານາ
ທິບໍດີ Richard Nixon ນັ້ນ ​ໄດ້​ເສຍ​ຊີວິດແລ້ວ​ຍ້ອນໂຣກ​ຫົວ​
ໃຈວາຍ. ທ່ານ​ມີ​ອາຍຸ​ໄດ້ 74 ປີ.

ຄໍາ​ຖະ​ແຫລ​ງຂອງ​ຄອບຄົວ ກ່າວ​ວ່າ ທ່ານ Frost ​ໄດ້​ເສ​ຍຊີວິດ​
ໃນ​ຕອນ​ແລງ​ວັນເສົາ ຢູ່​ໃນກໍາ​ປັ່ນທ່ອງ​ທ່ຽວຫລູຫລາ Queen
Elizabeth ພຽງບໍ່​ເທົ່າ​ໃດ​ຊົ່ວ​ໂມງຫລັງ​ຈາກ​ໄດ້​ອອກຈາກ​ທ່າ
​ເຮືອອັງກິດ​ ທີ່ Southampton. ທ່ານ​ໄດ້​ມີ​ໝາຍກໍານົດທີ່​ຈະ
ກ່າວ​ຄໍາ​ປາໄສ​ໃນ​ລະຍະ 10 ວັນ​ຂອງ​ການ​ລ່ອງ​ເຮືອຄັ້ງ​ນີ້.

​ໃນອາຊີບນັກ​ຂ່າວ​ໂທລະພາບ​ ​ເປັນ​ເວລາ​ຫ້າ​ທົດ​ສະ​ວັດນັ້ນ ທ່ານ Frost ​ໄດ້​ສໍາພາດ ບຸກ
ຄົນ​ທີ່​ມີ​ອໍານາດຂອງ​ໂລກ ແລະ​ປະຊາຊົນ​ທີ່​ມີ​ຊື່​ສຽງ ຫລາຍໆ​ທ່ານ​ ຮ່ວມ​ທັງບັນດາ​ນາຍົກ
ລັດຖະມົນ​ຕີ ອັງກິດ ປະທານາທິບໍດີ ສະຫະລັດ ​ແລະ​ທ່ານ Nelson Mandela ຜູ້​ຕໍ່ຕ້າ​ນ
ການ​ແບ່ງ​ແຍກ​ຜີວພັນ.

ຢູ່​ໃນ​ລະຍະ​ໜ້າ​ທີ່​ການ ທ່ານ Frost ຍັງ​ໄດ້​ສໍາພາດ ຜູ້​ນໍາ​ໂຊ​ຫວຽດ ທ່ານ Mikhail
Gorbachev, ປະທານາທິບໍດີຣັດ​ເຊຍ ທ່ານ Vladimir Putin, ອະດີດປະທານາທິບໍດີ ອາຟຣິກາໃຕ້ ທ່ານ F.W de Klerk ທີ່ໄດ້​ຮັບ​ລາງວັນໂນ​ແບລຂະແໜງສັນ​ຕິ​ພາບ,
ອະດີດ​ປະທານາທິບໍດີຝຣັ່ງ ທ່ານ Jacques Chirac, ມື້ລາງນາບົກລັດຖະມົນຕີ Benazir Bhutto ​ແຫ່ງປາກິ​ສຖານ ​ແລະ​ມື້ລາງຜູ້​ນໍາປາ​ແລ​ສຕາຍນ໌ ທ່ານ Yasser Arafat.