ຕຳຫຼວດເດັນມາກ ກ່າວວ່າ ພວກເຂົາເຈົ້າໄດ້ຈັບກຸມຊາຍ 2 ຄົນ
ທີ່ສົງໄສວ່າໄດ້ໃຫ້ການຊ່ອຍເຫຼືອມືປືນຄົນນຶ່ງ ທີ່ສັງຫານ 2 ຄົນ
ໃນການຍິງໂຈມຕີສອງບັ້ນ ໃນນະຄອນຫລວງ Copenhagen
ເມື່ອວັນເສົາຜ່ານມານີ້.
ຕຳຫຼວດກ່າວໃນວັນຈັນມື້ນີ້ວ່າ ທາງການສົງໄສວ່າ ຊາຍ 2 ຄົນນີ້
ໄດ້ໃຫ້ການຊ່ອຍເຫຼືອ ແລະຍຸຍົງສົ່ງເສີມ ມືປືນ ໄວ 22 ປີ ໃຫ້ທຳ
ການໂຈມຕີ ຢູ່ໃນງານຊຸມນຸມສົນທະນາກັນຢ່າງເສລີ ຢູ່ຮ້ານອາ
ຫານແຫ່ງໜຶ່ງ ແລະໂບດຊາວຢິວແຫ່ງສຳຄັນ ໃນ Copenhagen ນັ້ນ.
.
ນາຍົກລັດຖະມົນຕີເດັນມາກ ທ່ານນາງ Helle Thorning-
Schmidt ເອີ້ນການຍິງໂຈມຕີທັງສອງບັ້ນນັ້ນວ່າ “ເປັນການ
ກໍ່ການຮ້າຍ ແບບຢຽດຍາມກຽດຊັງ ຕ້ານກັບເດັນມາກ.”
ຕຳຫຼວດໄດ້ສັງຫານມື ປືນຄົນນັ້ນ ທີ່ເກີດຢູ່ເດັນມາກ ໃນເຊົ້າ
ວັນອາທິດວານນີ້ ຫຼັງຈາກທີ່ຜູ້ກ່ຽວໄດ້ເປີດສາກຍິງ ໃສ່ພວກ
ເຈົ້າໜ້າທີ່ ຢູ່ໃກ້ໆກັບສະຖານນີລົດໄຟແຫ່ງໜຶ່ງ.
ປະຫວັດດ້ານອາຍາຂອງຜູ້ກ່ຽວກ່ອນໜ້ານີ້ ແມ່ນມີຮວມທັງ ການ
ກໍ່ຄວາມຮຸນແຮງ ແລະໃຊ້ອາວຸດ ອິງຕາມລາຍງານຂອງຕຳຫຼວດ.
ຫົວໜ້າໜ່ວຍສືບລັບຂອງເດັນມາກ ທ່ານ Jens Madsen ກ່າວວ່າ ພວກເຈົ້າໜ້າທີ່ສືບສວນ ເຊື່ອວ່າ ມືປືນແມ່ນໄດ້ແຮງດົນບັນດານໃຈ ຈາກພວກນັບຖືສາສະໜາອິສລາມຫົວຮຸນແຮງ
ຈັດ.
