ເມື່ອວັນພຸຸດວານນີ້ ອົງ Dalai Lama ໄດ້ຊົງກ່າວວ່າ ພະອົງ “ບໍ່ມີຄວາມເປັນຫ່ວງຫຍັງ” ກ່ຽວກັບ ການທີ່ທ່ານ Donald Trump ຈະມາເປັນປະທານາທິບໍດີ ແລະ ພະອົງຢາກຈະ ພົບປະກັບ ທ່ານທຣຳ ໃນອະນາຄົດ.
ຜູ້ນຳທາງຈິດໃຈຂອງຊາວທິເບດ ທີ່ລີ້ໄພ ຢູ່ໃນຕ່າງປະເທດ ຊົງກ່າວວ່າ ພະອົງຄິດວ່າ ການກະທຳຂອງທ່ານທຣຳໃນຖານະເປັນປະທານາ ທິບໍດີ ອາດຈະແຕກຕ່າງໄປຈາກ ຄຳເວົ້າທີ່ມີການແບ່ງແຍກຈຳນວນນຶ່ງ ທີ່ທ່ານໄດ້ກ່າວອອກໄປໃນລະຫວ່າງ ການໂຄ
ສະນາຫາສຽງ.
ພະອົງຊົງກ່າວ ໃນລະຫວ່າງການໄປຢ້ຽມຢາມ ນະຄອນຫຼວງ Ulaanbaatar ຂອງ ປະເທດ Mongolia ວ່າ “ບາງເທື່ອ ຂ້າພະເຈົ້າ ຮູ້ສຶກ ໃນລະຫວ່າງການເລືອກຕັ້ງ
ວ່າ ຜູ້ສະໝັກ ໄດ້ມີອິດສະຫລະ ໃນການສະແດງອອກຄວາມຄິດເຫັນຫຼາຍກວ່າ. ໃນເມື່ອພວກເຂົາໄດ້ຖືກເລືອກເອົາແລ້ວ ໂດຍມີຄວາມຮັບຜິດຊອບ ເວລານັ້ນ ພວກເຂົາ ຈະວາງແຜນວິໄສທັດບາງຢ່າງ ວຽກງານຂອງພວກເຂົາເຈົ້າ ອີງຕາມ ຄວາມຈິງ.”
ພະອົງຊົງຕັດວ່າ “ດັ່ງນັ້ນ ຂ້າພະເຈົ້າຈຶ່ງບໍ່ມີຄວາມເປັນຫ່ວງ.”
ອົງດາໄລ ລາມະຊົງກ່າວວ່າ ພະອົງຄາດວ່າຈະເດີນທາງມາຍັງສະຫະລັດ ແລະ
ຫວັງວ່າ ຈະໄດ້ພົບປະກັບທ່ານທຣຳ ໃນລະຫວ່າງປີໜ້ານີ້.
ປະທານາທິບໍດີໂອບາມາ ໄດ້ເປັນເຈົ້າພາບຕ້ອນຮັບອົງດາໄລ ລາມະ ມາແລ້ວ 4 ຄັ້ງ
ໃນລະຫວ່າງ ທີ່ທ່ານເປັນປະທານາທິບໍດີ ຢູ່ທຳນຽບຂາວ ຊຶ່ງການພົບປະເທື່ອຫລ້າສຸດແມ່ນມີຂຶ້ນ ໃນເດືອນມິຖຸນາຜ່ານມາ.
ການພົບປະເຫລົ່ານີ້ແມ່ນໄດ້ຮັບການຄັດຄ້ານຢ່າງແຂງຂັນຈາກຈີນ ຊຶ່ງພວກຜູ້ນຳ
ຄອມມູນິສມອງເຫັນວ່າ ອົງດາໄລ ລາມະ ເປັນໄພຂົ່ມຂູ່ ຕໍ່ການແບ່ງແຍກດິນແດນ
ໂດຍຫວັງວ່າ ຈະແຍກປະເທດອອກຈາກກັນນັ້ນ
ຜູ້ນຳທາງດ້ານຈິດໃຈ ຂອງຊາວທິເບດ ຢືນຢັດວ່າ ພະອົງພຽງແຕ່ຊອກ ສະແຫວງ
ຫາການປົກຄອງຕົນເອງທີ່ແທ້ຈິງ ສຳລັບບ້ານເກີດຂອງພະ ອົງເທົ່ານັ້ນ.
ອ່ານຂ່າວນີ້ຕື່ມ ເປັນພາສາອັງກິດ
