ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ວົງ​ດົນຕີ ​2 ໜຸ່ມຝຣັ່ງ ທີ່​ໃສ່​ໜ້າ​ກາກ ​ຫຸ່ນ​ຍົນ ໄດ້​ຮັບ 4 ລາງ​ວັນ Grammy (ວີດີໂອ/ສະໄລດ໌)


ວົງ​ດົນຕີ​ 2 ໜຸ່ມ​ຊາວຝຣັ່ງ ​ໃສ່​ໜ້າ​ກາກ​ຫຸ່ນ​ຍົນ ຫລື robot ຄະນະ Daft Punk
ວົງ​ດົນຕີ​ 2 ໜຸ່ມ​ຊາວຝຣັ່ງ ​ໃສ່​ໜ້າ​ກາກ​ຫຸ່ນ​ຍົນ ຫລື robot ຄະນະ Daft Punk
ວົງ​ດົນຕີ​ສອງໜຸ່ມ​ຊາວຝຣັ່ງ ທີ່​ໃສ່​ໜ້າ​ກາກ​ຫຸ່ນ​ຍົນ ຫລື robot
ຄະນະ Daft Punk ​ຍາດ​ເອົາ​ລາງ​ວັນ Grammy ​ໄ​ປ​ໄດ້ສີ່​ລາງ
ວັນ ຊື່​ງຮວມ​ທັງ​ລາງ​ວັນ​ໃຫຍ່ໆ ອາ​ລະ​ບໍ້າ​ແລະແຜ່ນສຽງ​ເດັ່ນ​ປະ
​ຈໍາປີ ຢູ່​ໃນ​ພິທີ​ມອບ​ລາ​ງວັນ Grammy Awards ປີ​ທີ 56 ທີ່​ນະ
ຄອນ Los Angeles ໃນ​ຄືນວັນ​ອາທິດ​ວານ​ນີ້.

ສອງ​ໜຸ່ມ ຄະນະ Daft Punk ທີ່ໃສ່​ໜ້າ​ກາກແລະ​ນຸ່ງ​ເຄື່ອງ​ຊຸດ
​ຫຸ່ນ​ຍົນ​ສີຂາວ ​ໄດ້​ຮັບ​ລາງວັນ​ ອາ​ລະ​ບໍ້າເດັ່ນ​ປະ​ຈໍາປີ​ ຍ້ອນ​ຜົນ
ງານ​ຊຸດ “Random Access Memories” ຂອງ​ເຂົາ​ເຈົ້າ ທີ່​ຍັງ​
ຄວ້າ​ລາງວັນ​ ການ​ເຕັ້ນ​ລໍາ​ແລະ​ອາ​ລະ​ບໍ້າ​ປະ​ເພດດົນຕີ
electronic ມາ​ໃຫ້​ເຂົາ​ເຈົ້າ​ອີກ. ນອກ​ນັ້ນ ສອງ​ສິນລະປິນ​ນີ້​ຍັງ
ໄດ້ ຮັບ​ລາງວັນ​ ​ແຜ່ນສຽງ​ເດັ່ນປະ​ຈໍາປີ ພ້ອມ​ກັບລາງວັນGrammy ປະເພດເພງ pop ​ແລະ
ວົງ​ດົນຕີ​ສອງ​ຄົນ ນໍາ​ອີກຍ້ອນ​ເພງ “Get Lucky.”

ນັກ​ຮ້ອງຍິງ Lorde ອາຍຸ 17 ປີ​ ຈາກປະ​ເທດ New Zealand ​ໄດ້​ຮັບລາງ ວັນ Grammy
​ສອງ​ອັນ ປະ​ເພດ​ເພງ​ເດັ່ນ​ປະ​ຈໍາປີ ​ແລະ​ຜົນງານ​ການ​ຮ້ອງ​ດ່ຽວ​ຍອດ​ຍ້ຽມທໍານອງ​ພ໊ອບ
ຍ້ອນ​ເພງ​ “Royals” ຂອງ​ນາງ.

US Grammy
please wait
Embed

No media source currently available

0:00 0:01:40 0:00

ສອງ​ນັກ​ຮ້ອງ​ເພງ rap ທ້າວ Macklemore ​ແລະ Ryan Lewis ​ໄດ້​ຮັບ​ລາງວັນ Grammy
ປະ​ເພດສິນລະປິນ​ໃໝ່​ ທີ່​ມີ​ຜົນງານ​ຍອດ​ຍ້ຽມ​ແຫ່ງ​ປີ ​ແລະ​ລາງວັນ​ຜົນງານ​ອາ​ລະ​ບໍ້າຍອດ​ຍ້ຽມ ​ທໍານອງ rap ຍ້ອນ​ອາ​ລະ​ບໍ້າ ຊຸດ “The Heist” ​ແລະ​ລາງວັນເພງ rap ​ແລະ​ການສະ​ແດງ​ເຕັ້ນ rap ​ເດັ່ນ​ປະ​ຈໍາປີ ຍ້ອນ​ເພງ “Thrift Shop” ທີ່ເຂົາ​ເຈົ້າ​ຮ້ອງ​ແລະ​ສະ​ແດງ​ຮ່ວມ​ກັນ Wanz ນັກ​ຮ້ອງ​ທໍານອງ R & B.

XS
SM
MD
LG