ການຄົ້ນຫາແຮງກະຕຸນ ຫຼືແຮງດົນໃຈ ເພື່ອຮັກສາຮູບຊົງໄວ້ໃຫ້ຈົບງາມມັນບໍ່ແມ່ນເລື້ອງ
ງ່າຍ ແຕ່ວ່າ ແວ່ນສະຫຼາດແບບໃໝ່ ຈະບໍ່ຍອມປ່ອຍໃຫ້ພວກຜູ້ຊົມໃຊ້ເຫີນຫ່າງອອກໄປ
ດັ່ງ ທີນາ ທຣິນ (Tina Trin) ຈະມີລາຍງານເລື້ອງນີ້ ຊຶ່ງວັນນະສອນຈະນຳລາຍລະອຽດ
ມາສະເໜີທ່ານ ໃນອັນດັບຕໍ່ໄປ.
ສຳລັບພວກທີ່ຖ່າຍຮູບແຊລຟີ (selfie) ໃນຈິມໃນອິນສະຕຣາແກຣມແລ້ວ ບາງທີ່
ເວລາກໍອາດຈະເປັນສິ່ງດຽວເທົ່ານັ້ນ ກ່ອນທີ່ມັນຈະກາຍເປັນຄວາມຈິງຂຶ້ນມາ.
ທ່ານ ເອດ ສແກລັດເຕີຣ໌ ຜູ້ກໍ່ຕັ້ງຮ່ວມ ແລະເຈົ້າຂອງບໍລິສັດຮ່ວມ ຂອງບໍລິສັດ
ເນັກເກັດ ແລບ ກ່າວວ່າ “ເນັກເກັດ ແມ່ນແວ່ນແຍງແບບເຕັມໂຕ. ມັນມີ ເຊັນເຊີ
ແບບ 3 ມິຕິ ຕິດຢູ່ໃນນັ້ນ. ເວລາທ່ານຢືນຢູ່ຊິງຊັ່ງ ຊິງກໍພທ່ານໝູນໂຕ ອ້ອມໄປ
360 ອົງສາ ໃນເວລາ 15 ວິນາທີ.”
ມັນໃຊ້ເວລາພຽງແຕ່ 15 ວິນາທີ ເທົ່ານັ້ນ ທີ່ຈະສາມາດເຫັນຜົນຂອງການຄວບຄຸມ
ອາຫານ ແລະການອອກກຳລັງກາຍສຳລັບຕົນໂຕຂອງທ່ານ. ກະຈົກດັ່ງກ່າວແມ່ນສ້າງ
ຂຶ້ນດ້ວຍເຄື່ອງເຊັນເຊີຣ໌ ແບບ 3 ມິຕິຢູ່ໃນໂຕ.
ການດາວໂລດເອົາຂໍ້ມູນ ເປັນກະແຈສຳຄັນ ເຊັ່ນກ່ຽວກັບໄຂມັນແລະກ້າມເນື້ອຂອງ
ຮ່າງກາຍ ໃສ່ໂທລະສັບມືຖືຂອງທ່ານໄວ້. ຜູ້ສ້າງກະຈົກເນັກເກັດ ກ່າວວ່າການສ້າງພາບ
ເໝືອນຈິງ ເປັນປັດໃຈທີ່ສຳຄັນສຳລັບພວກຜູ້ຄົນທີ່ພະຍາຍາມຢາກຫຼຸດນ້ຳໜັກ ຫຼືຢາກ
ຈ່ອຍລົງ.
ທ່ານຟາຣ໌ຮາດ ຟາຣາບັກຊຽນ (Farhad Farahbakhshian) ຜູ້ກໍ່ຕັ້ງຮ່ວມທັງຮ່ວມ
ເປັນເຈົ້າຂອງບໍລິສັດ ທົດລອງເນກເກັດກ່າວວ່າ “ກ້າມເນື້ອຂອງພວກເຂົາເຈົ້າຈະຜັນຂະຫຍາຍໃນລະດັບດຽວກັນກັບການສູນເສຍໄຂມັນຂອງເຂົາເຈົ້າໄປ.
ລະດັບນ້ຳໜັກຂອງເຂົາເຈົ້າແລະຢູ່ໃນສະມອງຂອງພວກເຂົາເຈົ້າ ພວກເຂົາເຈົ້າ
ຈະຄິດໂລດວ່າ ຂ້ອຍບໍ່ມີຄວາມກ້າວໜ້າຫຍັງເລີຍ ແຕ່ຄວາມຈິງແລ້ວ, ຮ່າງກາຍ
ຕົນໂຕຂອງພວກເຂົາເຈົ້າແມ່ນປ່ຽນແປງໄປຢ່າງກະທັນຫັນ.”
ແຕ່ວ່າ ມັນບໍ່ແມ່ນ ມີບໍລິສັດດຽວນີ້ເທົ່ານັ້ນ ທີີ່ໃຊ້ກະຈົກເປັນແຮງບັນດານໃຈ. ເຄື່ອງມື
ອີກອັນນຶ່ງ ພຽງແຕ່ໃຊ້ຊື່ນ້ອຍຂອງກະຈົກເພື່ອສອນວິທີອອກກຳລັງກາຍທີ່ລອກລຽນ
ແບບມາຈາກຫ້ອງຝຶກແອບແທ້ໆໃນນະຄອນນິວຢອກໄປສູ່ຫ້ອງນັ່ງຫຼິ້ນຢູ່ໃນບ້ານ
ເຮືອນຂອງເຂົາເຈົ້າ. ທ່ານຟາຣາບັກຊຽນ ກ່າວວ່າ ຄວາມຈິງແລ້ວ ມີຫຼາຍສິ່ງຫຼາຍຢ່າງ
ທີ່ເກີດຂຶ້ນຢູ່ໃນຈິມຫຼືຫ້ອງຫັດກາຍະກຳ ແມ່ນໄດ້ຖືກນຳອອກໄປໃຊ້ຢູ່ໃນບ້ານເຮືອນ.
“ແວ່ນທີ່ໃຊ້ຈໍ LCD ຈະສະແດງໃຫ້ເຫັນ ແລະກ້ອງຖ່າຍທີ່ຕິດຕັ້ງໄວ້ຈະເຮັດໃຫ້
ຄູຝຶກສອນໄດ້ຮັບຄຳເຫັນທັນກັບເວລາ ໃນຂະນະທີ່ພວກເຂົາເຈົ້າອອກກຳລັງກາຍ
ໄປພ້ອມໆກັບພວກທີ່ອອກກຳລັງກາຍຄົນອື່ນໆຢູ່ໃນຫ້ອງຝຶກຫັດ. ນອກຈາກນັ້ນ
ແລ້ວ ເຄື່ອງດັ່ງກ່າວນີ້ ກໍຍັງສາມາດຈັບອັດຕາການເຕັ້ນຂອງຫົວໃຈຜ່ານທາງ
bluethooth ໄດ້ ທັງເພື່ອທຳງານໃຫ້ໄດ້ເປົ້າໝາຍ ຂອງການເຕັ້ນຂອງຫົວໃຈທີ່
ຕັ້ງໄວ້ນັ້ນນຳ.”
ເມື່ອມີຫ້ອງຈິມຫຼືຫ້ອງອອກກຳລັງກາຍຢູ່ໃນບ້ານເຮືອນ ມັນເປັນຂໍ້ອ້າງອີກອັນນຶ່ງ
ທີ່ຈະບໍ່ອອກກຳລັງກາຍ. ແລະໃນຂະນະທີ່ເຄື່ອງມື Naked ຍັງຂ້ອນຂ້າງແພງຢູ່ນີ້ ພວກຜູ້ຄິດຄົ້ນມັນຂຶ້ນມາຈຶ່ງກ່າວວ່າ ມັນກໍເປັນການໃຊ້ເງິນຄຳທີ່ຄຸ້ມຄ່າຢູ່.
ທ່ານຟາຣາບັກຊຽນ ກ່າວວ່າ “ພວກເຂົາເຈົ້າໄດ້ພະຍາຍາມທີ່ຈະອົດອາຫານດ້ວຍ
ຫຼາຍວິທີ ພະຍາຍາມອອກກຳລັງກາຍຫຼາຍໆແບບ ແຕ່ກໍບໍ່ໄດ້ຜົນ. ພວກເຂົາເຈົ້າ
ໄດ້ມອງເຫັນ ເຄື່ອງມື Naked ວ່າເປັນວິທີທີ່ຊັດແຈ້ງ ວ່າຄວນມີໄວ້ ເພື່ອຮ່າງກາຍ
ຕົນໂຕຂອງພວກເຂົາເຈົ້າ.”
ທ່ານໂບຣລ ຊາຍຜູ້ນຶ່ງຢູ່ທາງໜ້າຂອງແວ່ນ ກ່າວວ່າ “ສະນັ້ນ ຖ້າວ່າການຖ່າຍຮູບໂຕ
ເອງຢູ່ໃນຫ້ອງຈິມ ບໍ່ໃຫ້ການກະຕຸ້ນຫຍັງເລີຍ ບາງທີ ການເບິ່ງຕົນເອງໃນແວ່ນທີ່ວ່ານີ້
ອາດຈະຊ່ອຍໃຫ້ພວກທ່ານ ລຸກຂຶ້ນຈາກຕັ່ງນັ່ງກໍເປັນໄດ້.”
