ວັນອາທິດມື້ນີ້ເປັນວັນຂີດໝາຍຄົບຮອບ 60 ປີ ແຫ່ງວັນ D-Day ຫລືວັນທີ່ກອງກຳລັງຂອງຝ່າຍພັນທະມິດ
ພາກັນບຸກຂຶ້ນຝັ່ງແຂວງ Normandy ຂອງຝຣັ່ງ ທ່ີຕົກຢູ່ພາຍໃຕ້ການຄອບຄອງຂອງພວກ Nazi ເຢຍລະມັນ
ໃນປາງສົງຄາມໂລກຄັ້ງທີສອງ.ທ່ີສະຫະລັດ ພວກນັກລົບເກົ່າສົງຄາມໂລກຄັ້ງທີສອງ ພາກັນປະກອບ ສ່ວນໃນ
ການລະລຶກເຖິງວັນ D-Dayເປັນເວລາ 2 ມື້ທ່ີຫໍພິພິດທະພັນ ແຫ່ງຊາດສົງຄາມໂລກຄັ້ງທີສອງ ທ່ີນະຄອນ New Orleans
ລັດ Louisiana ໃນພາກໃຕ້ຂອງສະຫະລັດ.
ໃນວັນເສົາວານນີ້ ຫໍພິພິດທະພັນດັ່ງກ່າວໄດ້ໃຫ້ກຽດແກ່ພວກນັກລົບເກົ່າ ພ້ອມທັງຄອບຄົວຂອງເຂົາເຈົ້າໃນ
ພິທີສະເຫລີມສະຫລອງປະຈຳປີທີສອງ ທ່ີເອີ້ນວ່າ “A Gathering of The Greatest Generation” ຫລືການ
ຊຸມນຸມຂອງພວກຄົນລຸ່ນທ່ີຍ່ິງໃຫຍ່ທ່ີສຸດ.
ຄົນອະເມລິກັນຈຳນວນ 16 ລ້ານຄົນ ໄດ້ເຂົ້າຮັບໃຊ້ໃນກອງທັບໃນປາງ ສົງຄາມຄັ້ງທີສອງ ແຕ່ເວລານີ້ພວກ
ນັກລົບເກົ່າຍັງມີຊີວິດຢູ່ພຽງແຕ່ 2 ລ້ານຄົນເທົ່ານັ້ນ. ພວກທະຫານສະຫະລັດ ພ້ອມທັງທະຫານການາດາ
ແລະທະຫານຈາກເຄືອຈັກກະພົບອັງກິດ ທັງໝົດ 150 ພັນຄົນ ໄດ້ພາກັນບຸກຂຶ້ນຝັ່ງທີ່ຫາດຊາຍຫລາຍແຫ່ງ
ໃນພາກເໜືອຂອງ ປະເທດຝຣັ່ງ ໃນວັນທີ 6 ມິຖຸນາປີ 1944 ເພື່ອປົດປ່ອຍຢູໂຣບ ຈາກ ການຄອບຄອງຂອງ
ພວກນາຊີເຢຍລະມັນ.
ການບຸກລຸກຄັ້ງນັ້ນ ນັບວ່າເປັນການປະຕິບັດງານທາງທະຫານ ທີ່ມີ ການວາງແຜນຢ່າງລະມັດລະວັງທີສຸດ
ໃນປະວັດສາດ ແລະໄດ້ເຮັດໃຫ້ຝ່າຍນາຊີ ປະຫລາດໃຈຢ່າງສິ້ນເຊີງ ເພາະບໍ່ຄາດຄິດວ່າຝ່າຍພັນທະ ມິດ ຈະ
ກ້າບຸກເຂົ້າໄປທາງຊາຍຝັ່ງ.
ວັນເສົາ, ໐໗ ທັນວາ ໒໐໒໔
