ປ. ໄຊ​ປຣັສ ​ເດີນທາງ​ ໄປ​ບຣັສ​ເຊີ​ລ​ ເພື່ອຫາລື ເລື້ອງ ການເງິນ (ວີດີໂອ)

ປະທານາທິບໍດີໄຊ​ປຣັສ ທ່ານ Nicos Anastasiades ​ເດີນ
ທາງ​ໄປ​ນະຄອນ​ບຣັສ​ເຊີ​ລ​ໃນວັນ​ເສົາ​ມື້​ນີ້ ​ເພື່ອເຈລະ​ຈາ​ຫາລື
ກັບບັນດາ​ຜູ້​ນໍາສະ ຫະພາບຢູ​ໂຣບແລະອົງການກອງ​ທຶນ​ນາໆ
​ຊາດ IMF ​ກ່ຽວ​ກັບ​ມາດ​ຕະ ການ​ທີ່​ແນ​ໃສ່​ເພື່ອ​ບໍ່​ໃຫ້​ໄຊ​ປຣັສ
ທີ່​ພວມປະສົບ​ກັບບັນຫາ​ທາງ​ດ້ານ​ການ ​ເງິນ ລົ້ມລະລາຍ.​

​ໃນ​ວັນ​ສຸກ​ວານ​ນີ້ ບັນດາ​ຜູ້ແທນ​ສະພາໄຊ​ປຣັສ​ໄດ້​ຮັບ​ຮອງ
ເອົາຮ່າງ​ກົດ ໝາຍ​ຈໍານວນ​ນຶ່ງ ​ທີ່​ແນໃສ່​ຊອກຫາ​ເງິນ​ໃຫ້​ພຽງ
ພໍ ເພື່ອ​ໃຫ້ໄຊ​ປຣັສສາ ມາດ​ໄດ້​ຮັບເງິນຊ່ວຍ​ເຫຼືອບັນ​ເທົາ​ໜີ້
ສິນ​ຈາກ​ນາໆ​ຊາດ.

​ໄຊ​ປຣັສ ຕ້ອງ​ຊອກ​ຫາ​ເງິນ 7 ພັນ 500 ລ້ານ​ໂດ​ລາ ​ໃຫ້​ໄດ້​ພາຍ​ໃນ​ອາທິດ​ໜ້າ ​ເພື່ອ​ຄໍ້າປະກັນ ​ການ​ຊ່ວຍ​ເຫຼືອບັນເທົາ​ໜີ້ສິນ ປະມານ 13 ພັນ​ລ້ານ​ໂດ​ລາອັນ​ເປັນທີ່​ຕ້ອງການ ​ເພື່ອນຳ​ມາ​ເສີມ​ສະມັດຖະພາບ​ລະ ບົບ​ການ​ເງິນຂອງ​ຕົນ​ນັ້ນ.

ມາດ​ຕະການ​ທີ່​ຮັບ​ເອົາ​ໃນ​ຕອນ​ແລງ​ຂອງ​ວັນ​ສຸກ​ວານ​ນີ້ ​ແມ່ນຮວມ​ທັງ​ການກຳນົດເກັບ​ພາສີ ທີ່​ໜ້​ອຍກ່ອນ​ນຶ່ງ​ເປີ​ເຊັ​ນ ສຳລັບ​ບັນຊີເງິນ​ຝາ​ກຢູ່​ໃນ​ທະນາຄານ​ທັງ​ໝົດ ​ແລະ​ເກັບ​ພາສີ​ສູງ​ຂື້ນ​ ຕໍ່ເງິນ​ຝາກ​ກ້ອນ​ໃຫຍ່ໆ. ນອກ​ນັ້ນ ກົດໝາຍ​ໃໝ່ຍັງ​ບັງຄັບ​ໃຫ້​ມີການ​ປະຕິ​ຮູບກ່ຽວ​ກັບ​ທະນາຄານ ​ທີ່​ໃຫ້​ເງິນ​ກູ້ຢືມ​ທີ່​ສຳຄັນໆ​ຂອງໄຊ​ປຣັສ.

ຖ້າ​ຫາກ​ການສະ​ເໜີນີ້ຖືກ​ປະຕິ​ເສດ ທະນາຄານ​ໄຊ​ປຣັສອາດ​ຈະ​ພັງ​ລົງ ໃນ​ອາທິດ​ໜ້າ​ ຊຶ່ງ​ຈະຊຸກຍູ້​ໃຫ້​ປະ​ເທດ​ດັ່ງກ່າວ ກ້າວ​ໄປ​ສູ່​ການລົ້ມ​ລະ ລາຍ ​ແລະ​ອາດ​ຈະ​ເຮັດ​ໃຫ້ໄຊ​ປຣັສ ຕ້ອງ​ໄດ້​ອອກ​ຈາກ​ກຸ່ມ​ປະ​ເທດ​ທີ່​ໃຊ້​ເງິນ​ຢູ​ໂຣ ທີ່​ມີ​ສະ​ມາ​ຊິກ 17 ປະ​ເທດ​ນັ້ນ.

​ເງິນ​ຊ່ວຍ​ເຫຼືອສ່ວນ​ຫລາຍ ​ແມ່ນ​ຈະ​ນຳ​ໄປ​ເສີມ​ທຶນໃຫ້​ແກ່​ທະນາຄານ​ ຕ່າງໆ ທີ່​ໄດ້​ຮັບ​ຄວາມ​ເສຍ​ຫາຍ​ຈາກການ​ລົງທຶນ​ທີ່​ບໍ່​ດີ​ໃນ​ການ​ຊື້ພັນທະ ບັດ​ຂອງລັດຖະບານ​ກຣິສ.