ການສຶກສາຂອງອົງການເພື່ອການຮ່ວມມືດ້ານເສດຖະກິດ
ແລະການພັດທະນາ ແມ່ນມີເປົ້າໝາຍເພື່ອຊຸກຍູ້ໃຫ້ພວກ
ລັດຖະບານ ພ້ອມທັງພວກບໍລິສັດແລະພວກວາງນະໂຍ
ບາຍທັງຫລາຍ ທໍາການວິເຄາະກ່ຽວກັບໄພອັນຕະລາຍ ຕ່າງໆຂອງການໂຈມຕີທາງຄອມພີວເຕີນັ້ນ.
ທ່ານ Peter Sommer ອາຈານສອນຢ້ຽມຢາມທີ່ສະຖາ
ບັນເສດຖະສາດແຫ່ງກຸງລອນດອນ ເປັນຜູ້ນຶ່ງໃນບັນດາ
ພວກທ່ີທໍາການສຶກສາກ່ຽວກັບເລື້ອງນີ້. ທ່ານ Sommer ເວົ້າວ່າ:
“ໃນປັດຈຸບັນນີ້ ມີໄພອັນຕະລາຍທາງຄອມພິວເຕີ້
ໜ້ອຍຫລາຍ ຄວາມຈິງແລ້ວ ກໍແມ່ນມີໜ້ອຍຫລາຍ
ທີ່ສຸດ ທີ່ວ່າຈະສົ່ງຜົນກະທົບໃນທົ່ວໂລກຢ່າງແທ້
ຈິງນັ້ນ. ແຕ່ວ່າ ໃນອີກດ້ານນຶ່ງ ກໍມີເຫດການເກີດ
ຂຶ້ນໃນຈໍານວນຫລວງຫລາຍ ປ່ັນປ່ວນຂຶ້ນໄດ້ພາຍ ໃນທ້ອງຖິ່ນນັ້ນ.”
ຜູ້ຮ່ວມຂຽນລາຍງານສະບັບນີ້ອີກຄົນນຶ່ງ ໄດ້ແກ່ທ່ານ Ian Brown ຈາກສະຖາບັນ
Oxford Internet ທີ່ກ່າວວ່າ ໂດຍສ່ວນໃຫຍ່ແລ້ວ ແມ່ນພວກລັດຖະບານ ທີ່ສາມາດສ້າງ
ຜົນກະທົບອັນໃຫຍ່ຫລວງໄດ້. ທ່ານ Brown ເວົ້າວ່າ:
“ມີຄວາມສາມາດບົ່ມຊ້ອນຢ່າງແນ່ນອນ ສໍາລັບພວກລັດຖະບານປະເທດຕ່າງໆ ທີ່ຈະນໍາໃຊ້ການໂຈມຕີທາງຄອມພີວເຕີ ເປັນພາກສ່ວນນຶ່ງຂອງການທໍາສົງຄາມທີ່ພວກຕົນກໍາລັງເຮັດຢູ່ ແຕ່ພວກເຮົາເຄີຍກ່າວມາແລ້ວວ່າ ໂດຍສ່ວນໃຫຍ່ແລ້ວ ແມ່ນບໍ່ມີທາງຈະເປັນໄປໄດ້ ແຕ່ໂດຍສະເພາະແລ້ວ ກໍແມ່ນວ່າ ມີແຕ່ພວກກຸ່ມກໍ່ການຮ້າຍ ພວກທີ່ທໍາການໂຈມຕີທາງຄອມພີວເຕີ ແລະມີແຕ່ພວກກຸ່ມອາຊະຍາກອນເທົ່ານັ້ນ ທີ່ຈະສ້າງຜົນກະທົບແບບນີ້.”
ທ່ານ Sommer ກ່າວວ່າ ຄອມພີວເຕີຈະມີບົດບາດສ່ວນນຶ່ງໃນສົງຄາມໃນອະນາຄົດນັ້ນ ຊຶ່ງທ່ານ Sommer ກ່າວຕໍ່ໄປວ່າ :
“ຮູບແບບສ່ວນໃຫຍ່ຂອງສົງຄາມ ຫລືບາດກ້າວຕ່າງໆທີ່ບໍ່ເຂົ້າຂັ້ນສົງຄາມ ແຕ່
ອາດຈະຂະຫຍັບຂະຫຍາຍກາຍເປັນສົງຄາມໄດ້ນັ້ນ ແມ່ນຈະໃຊ້ອາວຸດທາງຄອມ
ພີວເຕີ ເປັນສ່ວນນຶ່ງຂອງພວກອາວຸດອື່ນໆ ທີ່ອາດຈະມີໃຫ້ໃຊ້ໄດ້ນັ້ນ.”
ລາຍງານສະບັບນີ້ເວົ້າວ່າ ຄວາມເສຍຫາຍຫລາຍທີ່ສຸດຈະເກີດຈາກການໂຈມຕີທາງຄອມພີວເຕີ ທີ່ມີການປະສານງານກັນ ຫລືການໂຈມຕີອັນນຶ່ງ ທີ່ມີຂຶ້ນຄຽງຄູ່ໄປພ້ອມກັບເຫດຮ້າຍອີກ ອັນນຶ່ງ ເຊ່ນໄພພິບັດທໍາມະຊາດນັ້ນ.
ສະຫະລັດ ກຸ່ມເນໂຕ ແລະອັງກິດໄດ້ຈັດເອົາເລື້ອງຄວາມປອດໄພໃນຄອມພີວເຕີເປັນບຸລິມະ ສິດສໍາລັບການປ້ອງກັນຊາດຂອງເຂົາເຈົ້າ. ທ່ານ Sommer ກ່າວເຕືອນວ່າ ພວກເຂົາເຈົ້າ ບໍ່ຄວນຈະເອົາທ່າທີປ້ອງກັນຊາດ ແບບປົກກະຕິທໍາມະດາ ຕາມທີ່ເຄີຍປະຕິບັດມານັ້ນ ຊຶ່ງທ່ານ Sommer ກ່າວວ່າ:
“ຄວາມຈິງແລ້ວ ວິທີການແກ້ໄຂບັນຫາເຫລົ່ານີ້ ຫລາຍໆວິທີ ບໍ່ແມ່ນພົວພັນກັບການທະຫານ ແຕ່ມັນຕ້ອງການຄວາມຮ່ວມໄມ້ຮ່ວມມືກັນ ຢ່າງຫລວງຫລາຍ ລະຫວ່າງລັດຖະບານແລະພາກສ່ວນເອກະຊົນ.”
ລາຍງານຂອງອົງການຮ່ວມມືດ້ານເສດຖະກິດ ແລະການພັດທະນາ ຫລື OECD ສະຫລູບວ່າ ສົງຄາມທາງຄອມພີວເຕີອັນແທ້ຈິງນັ້ນ ຄືຕໍ່ສູ້ກັນໂດຍໃຊ້ແຕ່ຄອມພິວເຕີເທົ່ານັ້ນ ຄົງຈະບໍ່ມີທາງເກີດຂຶ້ນໄດ້.
