ຄິວບາ ຍ້ອງຍໍການຕັດສິນໃຈ ຂອງປະທານາທິບໍດີສະຫະລັດ
ທ່ານ ບາຣັກ ໂອບາມາ ທີ່ຈະຖອນຊື່ ປະເທດເກາະດອນ ໃນເຂດ
ທະເລ Caribbean ອອກຈາກ ບັນຊີປະເທດທີ່ສະໜັບສະໜຸນ
ການກໍ່ການຮ້າຍ ຂອງວໍຊິງຕັນ.
ທ່ານນາງ Josefina Vidal ຫົວໜ້ານັກການທູດ ທີ່ຮັບຜິດຊອບ
ກ່ຽວກັບກິດຈະການສະຫະລັດ ຂອງ Havana ໄດ້ອອກຖະແຫລງ
ການສະບັບນຶ່ງ ໃນວັນອັງຄານວານນີ້ ສະແດງຍິນດີນຳ “ການຕັດ
ສິນໃຈທີ່ເປັນທຳ ຂອງ ທ່ານໂອບາມາ ເພື່ອຈະຖອນຊື່ຄິວບາ
ອອກຈາກບັນຊີ ທີ່ຕົນ ບໍ່ຄວນທີ່ຈະລວມຢູ່ໃນບັນຊີດັ່ງກ່າວ
ນັ້ນເລີຍ.”
ທ່ານ ໂອບາມ ໄດ້ແຈ້ງໃຫ້ລັດຖະສະພາຊາບ ກ່ຽວກັບການຕັດສິນໃຈ ໃນຕອນເຊົ້າຂອງ
ມື້ດຽວກັນນັ້ນ ຫຼັງຈາກທີ່ກະຊວງການຕ່າງປະເທດ ສະລຸບການທົບທວນຄືນ ທີ່ວ່າ ຄິວບາ
“ບໍ່ໄດ້ສະໜອງການສະໜັບສະໜຸນ ຕໍ່ການກໍ່ການຮ້າຍສາກົນໃດໆ” ໃນໄລຍະ 6
ເດືອນຜ່ານມາ ແລະ ໄດ້ໃຫ້ຄຳໝັ້ນສັນຍາຕໍ່ສະຫະລັດວ່າ ຕົນບໍ່ມີຈຸດປະສົງທີ່ຈະທຳດັ່ງນັ້ນ ໃນອະນາຄົດ. ລັດຖະສະພາ ມີເວລາ 45 ມື້ ທີ່ຈະລົບລ້າງການຕັດສິນໃຈ ຂອງປະທານາ ທິບໍດີ ໂດຍຜ່ານການລົງມະຕິຮ່ວມ ຊຶ່ງການເຄື່ອນໄຫວນີ້ ເປັນທີ່ແນ່ນອນວ່າ ທ່ານ ໂອບາມາ ຈະໃຊ້ສິດຢັບຢັ້ງ.
ສະຫະລັດ ໄດ້ນຳຈັດເອົາຊື່ຄິວບາ ເຂົ້າໃນບັນຊີປະເທດ ທີ່ສະໜັບສະໜຸນການກໍ່ການຮ້າຍ ເປັນຄັ້ງທຳອິດ ເມື່ອປີ 1982 ເພາະການສະໜັບສະໜຸນຂອງປະເທດເກາະ ຕໍ່ພວກກຸ່ມແບ່ງແຍກດິນແດນ ຝ່າຍຊ້າຍ ເຊັ່ນກຸ່ມ FARC ໃນ Columbia ແລະກຸ່ມ ETA ຊຶ່ງເປັນກຸ່ມ ປະກອບອາວຸດຊາວ Basque ໃນ Spain. ແຕ່ດຽວນີ້ Havana ແມ່ນສະໜັບສະໜຸນ ການເຈລະຈາສັນຕິພາບ ລະຫວ່າງ ກຸ່ມ FARC ແລະ ລັດຖະບານໂຄລອມເບຍ ແລະ ຕົນໄດ້ເອົາໂຕອອກຫ່າງຈາກ ກຸ່ມ ETA ແລ້ວ.
