ຄິວບາໄດ້ພິມເຜີຍແຜ່ຮູບພາບອັນທຳອິດຂອງອະດີດປະທາ
ນາທິບໍດີ Fidel Castro ນັບແຕ່ເດືອນສິງຫາປີກາຍນີ້ມາ
ທ່າມກາງທີ່ມີຂ່າວລືວ່າ ສຸຂະພາບຂອງທ່ານໄດ້ຊຸດໂຊມລົງ.
ບັນດາຮູບພາບທີ່ພິມເຜີຍແຜ່ໃນວັນຈັນວານນີ້ ຢູ່ໃນໜັງສືພິມ
Granma ຂອງພັກຄອມມິວນິສ ໄດ້ສະແດງໃຫ້ເຫັນວ່າ ທ່ານ
Castro ອາຍຸ 88 ປີ ກຳລັງສົນທະນາກັບຜູ້ນຳນັກສຶກສາ ຢູ່ທີ່
ເຮືອນຂອງທ່ານ ຊຶ່ງໝັງສືພິມກ່າວວ່າ ໄດ້ຖ່າຍພາບໃນເດືອນ
ແລ້ວນີ້. ນັກຊ່ຽວຊານດ້ານສາສະໜາຂອງບຣາຊິນຄົນນຶ່ງທີ່
ໄດ້ພົບກັບທ່ານ Castro ໃນເດືອນແລ້ວນີ້ ກ່າວວ່າ ທ່ານພົບ
ເຫັນອະດີດຜູ້ນຳ ຄິວບາທ່ານນີ້ຈ່ອຍຜອມ ແຕ່ມີສຸຂະພາບດີ
ແລະຍັງສະຫລາດຫລັກແຫລມ.
ທ່ານ Fidel Castro ໄດ້ມອບອຳນາດ ໃນປີ 2006 ໃຫ້ແກ່ນ້ອງຊາຍ ຄືທ່ານ Raul ເນື່ອງ
ຈາກສຸຂະພາບບໍ່ແຂງແຮງ ແລະບໍ່ຄ່ອຍໄດ້ປາກົດໂຕຕໍ່ທີ່ສາທາລະ ນະຢ່າງສະໝຳ່ສະເໝີ
ແລະບໍ່ຄ່ອຍໄດ້ອອກຂ່າວຄາວໃດໆ ໃນໄລຍະຫລາຍປີທີ່ຜ່ານມານີ້. ການປາກົດໂຕຕໍ່ທີ່
ສາທາລະນະເທື່ອຫລັງສຸດຂອງທ່ານໄດ້ມີຂື້ນກວ່າ ນຶ່ງປີຜ່ານມາແລ້ວ.
ທ່ານ Castro ຜູ້ເປັນອ້າຍໃຫຍ່ ເມື່ອໄວໆມານີ້ ໄດ້ກ່າວອອກມາຈາກຄວາມມິດງຽບເປັນ
ເວລາດົນນານ ໃນການປະກາດຄັ້ງປະຫວັດສາດເມື່ອເດືອນທັນວາ ທີ່ຜ່ານມາ ໂດຍນ້ອງ
ຊາຍຂອງທ່ານ ແລະປະທານາທິບໍດີີ ສະຫະລັດ ທ່ານ Barack Obama ວ່າ Havana
ແລະ Washington ຈະຍຸດຕິການເປັນປໍ ລະປັກແບບສົງຄາມເປັນທີ່ມີມາເປັນເວລາ 50
ປີີກວ່າໆ ແລະຟື້ນຟູຄວາມສຳ ພັນທາງການທູດຄືນໃໝ່.
ທ່ານ Fidel Castro ກ່າວວ່າ ທ່ານບໍ່ໄດ້ຄັດຄ້ານຕໍ່ຄວາມກ້າວໜ້າທາງການ ທູດຫວ່າງ
ມໍ່ໆມານີ້ແຕ່ຢ່າງໃດເລີຍ.
