ພວກເຈົ້າໜ້າທີ່ ຄີວບາເວົ້າວ່າ ຢ່າງໜ້ອຍມີອົບພະຍົບຊາວເຮຕິເສຍຊີວິດ 38 ຄົນລຸນ
ຫລັງທີ່ເຮືອຂອງພວກເຂົາເຈົ້າໄດ້ຫລົ້ມ ຢູ່ນອກຊາຍຝັ່ງກໍ້າຕາເວັນອອກຂອງຄີວບາ.
ຄີວບາຍັງເວົ້າອີກວ່າ ກໍາລັງປ້ອງກັນຂອງພົນລະເຮືອນ ໄດ້ກູ້ເອົາຊີວິດ 87 ຄົນອີກ
ໃນວັນເສົາວານນີ້. ພວມມີການຊອກຄົ້ນຫາພວກທີ່ອາດໄດ້ຮັບເຄາະຮ້າຍອີກ.
ພວກເຈົ້າໜ້າທີ່ຄີວບາ ເປັນຜູ້ທຳອິດທີ່ໄດ້ພົບເຫັນອຸບັດເຫດເຮືອຫຼົ້ມດັ່ງກ່າວຢູ່ນອກແຄມ
ຝັ່ງທະເລແຂວງກວນຕານາໂມໃນວັນເສົາວານນີ້ ຊຶ່ງຫ່າງຈາກນະ ຄອນຫລວງຮາວານາ
ໄປທາງທິດຕາເວັນອອກ. ພວກເຈົ້າໜ້າທີ່ເວົ້າວ່າ ອຸປະຕິເຫດທີ່ຮ້າຍແຮງນີ້ ກໍາລັງຢູ່ພາຍ
ໃຕ້ການສືບສວນ ສອບສວນ.
ຍັງບໍ່ມີຂ່າວໃດໆວ່າຊາວເຮຕິກໍາລັງມຸ້ງໜ້າໄປໃສ. ອົບພະຍົບຊາວເຮຕິມີປະຫວັດໃນການ
ໂຕນໜີຈາກປະເທດເຂົາເຈົ້າ ໂດຍການຂີ່ເຮືອທີ່ບໍ່ແໜ້ນໜາ ແລະບໍ່ປອດໄພ.
