ກະຊວງການຕ່າງປະເທດສະຫະລັດ ຮຽກຮ້ອງໃຫ້ຄິວບາ ປ່ອຍຜູ້ຮັບເໝົາຄົນອາເມຣິກັນ
ທ່ານ Alan Gross ທີ່ຖືກຄຸມຂັງຢູ່ເວລານີ້ໃນທັນທີ ໂດຍກ່າວວ່າ ສຸຂະພາບຂອງລາວໄດ້
ຊຸມໂຊມລົງແລະຜູ້ກ່ຽວບໍ່ສາມາດຍ່າງໄດ້ອີກແລ້ວ.
ທ່ານນາງ Victoria Nuland ໂຄສົກກະຊວງການຕ່າງປະເທດສະຫະລັດກ່າວວ່າ ທ່ານ
Gross ທີ່ຖືກຈັບດົນກວ່າ 2 ປີເຄິ່ງແລ້ວນັ້ນໄດ້ມີນໍ້າໜັກຫຼຸດລົງ 45 ກິໂລຢູ່ໃນຄຸກແລະ
ເວລານີ້ຜູ້ກ່ຽວບໍ່ສາມາດຍ່າງໄດ້ຍ້ອນປວດຂໍ້ເປັນປະດົງ.
ທ່ານ Gross ໄດ້ຖືກຈັບ ທີ່ນະຄອນຫຼວງຮາວານາ ໃນເດືອນທັນວາປີ 2009 ແລະໄດ້
ຖືກຕັດສິນໃນເວລາຕໍ່ມາ ໃຫ້ຈຳຄຸກ 15 ປີ ໃນຂໍ້ຫາກໍ່ອາຊະຍາກຳ ຕ້ານຄິວບາ. ທ່ານ
Gross ທີ່ໄດ້ເຮັດວຽກໃຫ້ບໍລິສັດເອກກະຊົນບໍລິສັດນຶ່ງທີ່ຖືກວ່າຈ້າງໂດຍອົງການຢູເສດ
ຂອງສະຫະລັດໄດ້ຖືກກ່າວຫາວ່າແຈກຢາຍອຸບປະກອນອິນເຕີແນັດແລະໂທລະສັບດາວ
ທຽມ ໃຫ້ແກ່ກຸ່ມຄັດຄ້ານລັດຖະບານ ໃນຄິວບາ. ທ່ານ Gross ເວົ້າວ່າ ລາວໄດ້ພະຍາ
ຍາມສະໜອງການບໍລິການທາງອິນເຕີແນັດ ໃຫ້ແກ່ສະມາຊິກຂອງປະຊາຄົມຊາວຢິວທີ່
ນ້ອຍໆຢູ່ໃນຄິວບາ.
ທ່ານ Gross ໄດ້ຂໍຮ້ອງຕໍ່ລັດຖະບານຄິວບາ ເພື່ອຈະເດີນທາງກັບຄືນມາຍັງສະຫະລັດ
ແລະຢ້ຽມຢາມມານດາຂອງລາວທີ່ກຳລັງປ່ວຍໜັກຢູ່ນັ້ນ.