ສະພາຂອງເຂດໄຄຣເມຍ ໄດ້ປະກາດເປັນເອກກະລາດຈາກ
ຢູເຄຣນ ແລະຂໍຮ້ອງເຂົ້າເປັນພາກນຶ່ງຂອງຣັດເຊຍ ນຶ່ງມື້ຫຼັງ
ຈາກການລົງປະຊາມະຕິໃນແຫຼມໄຄຣເມຍ ຊຶ່ງປະຊາຊົນໄດ້
ໃຫ້ການສະໜັບສະໜຸນຢ່າງຖ້ວມລົ້ນ ແກ່ການເຂົ້າຮ່ວມໃນ
ສະຫະພັນຣັດເຊຍນັ້ນ.
ຄະນະຜູ້ຕາງໜ້າຂອງສະພາໄຄຣເມຍຈຸນຶ່ງ ກຳນົດຈະເດີນທາງ
ໄປຍັງກຸງມົສກູ ໃນວັນຈັນ ມື້ນີ້ ເພື່ອໂອ້ລົມສົນທະນາກັນເລື້ອງ
ລະບຽບການເພີ້ມເຕີມອື່ນໆທີ່ຈຳເປັນ ເພື່ອເຂົ້າຮ່ວມກັບຣັດເຊຍ
ນັ້ນ.
ໃນຂະນະດຽວກັນ ສະພາແຫ່ງຊາດຢູເຄຣນ ກໍໄດ້ຮັບຮອງເອົາການເກນທະຫານສຳຮອງເປັນບາງສ່ວນ ໃນການຕອບສະໜອງຕໍ່ວິກິດການດັ່ງກ່າວ.
ຄາດວ່າ ສະຫະລັດ ພ້ອມກັບພວກປະເທດພັນທະມິດໃນຢູໂຣບ ຈະປະກາດການ
ລົງໂທດຕ່າງໆຕໍ່ຣັດເຊຍ ໃນວັນຈັນມື້ນີ້ .
ປະທານາທິບໍດີສະຫະລັດ ທ່ານ ບາຣັກ ໂອບາມາ ກ່າວຕໍ່ຄູ່ຕຳແໜ່ງຈາກຣັດເຊຍ
ທ່ານ Vladimir Putin ໃນວັນອາທິດວານນີ້ວ່າ ກຸງວໍຊິງຕັນ ແລະພວກປະເທດພາຄີ
ໃນຢູໂຣບ ກຳລັງກະກຽມເພື່ອສ້າງຄວາມເສຍຫາຍເພີ້ມອີກແກ່ກຸງມົສກູ ທີ່ໃຫ້ການສະ
ໜັບສະໜຸນການລົງປະຊາມະຕິ ທີ່ແບ່ງແຍກດິນແດນໃນແຫຼມໄຄຣເມຍຂອງຢູເຄຣນ
ນັ້ນ.
ວີດີໂອ: ທ່ານໂອບາມາກ່າວວ່າ ກຳລັງມີການປຸກລະດົມ ເພື່ອໂດດດ່ຽວຣັດເຊຍ:
ຖະແຫຼງການສະບັບນຶ່ງຂອງທຳນຽບຂາວ ເອີ້ນການລົງປະຊາມະຕິໃນວັນອາທິດ
ວານນີ້ວ່າ ຜິດກົດໝາຍ ແລະເປັນການຝ່າຝືນລັດຖະທຳມະນູນຂອງຢູເຄຣນ. ຖະ
ແຫຼງການ ຍັງກ່າວ ຕື່ມວ່າ ການລົງປະຊາມະຕິ ຈະ“ບໍ່ໄດ້ຮັບການຮັບຮູ້ຈັກເທື່ອ
ຈາກສະຫະລັດ ແລະປະຊາຄົມໂລກ.”
ຜົນການລົງປະຊາມະຕິ ຢູ່ໄຄຣເມຍ.
ຫົວໜ້າຈັດການປ່ອນບັດຂອງໄຄຣເມຍ ປະກາດໃຫ້ຮູ້ໃນວັນຈັນມື້
ນີ້ວ່າ ຜູ້ປ່ອນບັດໃນຈຳນວນເກືອບ 97 ເປີເຊັນທີ່ໄປລົງຄະແນນ
ສຽງໄດ້ໃຫ້ການສະໜັບສະໜຸນຕໍ່ການແບ່ງແຍກດິນແດນ ແລະ
ການເຂົ້າຮ່ວມກັບຣັດເຊຍນັ້ນ. ແຕ່ວ່າ ພວກທີ່ຄັດຄ້ານຕໍ່ການ
ເຄື່ອນໄຫວດັ່ງກ່າວ ໄດ້ຖືກແນະນຳໃຫ້ພາກັນຄັດຄ້ານບໍ່ໄປອອກ
ສຽງໃນການລົງປະຊາມະຕິ ໃນຄັ້ງນີ້.
ທ່ານ Sergei Aksyonov ຜູ້ນຳໄຄຣເມຍ ຫົວນິຍົມກຸງມົສກູ
ປະກາດວ່າ ລັດຖະບານຂອງທ່ານ ຈະທຳການຂໍຮ້ອງຢ່າງເປັນ
ທາງການໃນວັນຈັນມື້ນີ້ ເພື່ອເຂົ້າຮ່ວມໃນສະຫະ ພັນຣັດເຊຍ.
ຊາວໄຄຣເມຍສະຫຼອງກັນທີ່ຈະຕຸລັດເລນິນ ທີ່ນະຄອນ Simferopol
ທີ່ກຸງ Kyiv ນາຍົກລັດຖະມົນຕີຮັກສາການຂອງຢູເຄຣນ ທ່ານ
Arseniy Yatsenyuk ເອີ້ນການປ່ອນບັດໃນແຫຼມໄຄຣເມຍ
ທີ່ໄດ້ການໜຸນຫຼັງຈາກກຸງມົສກູວ່າ ເປັນ “ລະຄອນສັດອັນນຶ່ງ”
ທີ່ຖືກຣັດເຊຍເອົາປືນຈີ້ໃຫ້ຫລິ້ນ.
ຖະແຫຼງການສະບັບນຶ່ງ ຂອງທຳນຽບຂາວກ່ອນໜ້ານັ້ນ ກ່າວວ່າ ບໍ່ຄວນຈະມີການຕັດສິນໃຈໃດໆກ່ຽວກັບອະນາຄົດຂອງຢູເຄຣນ ໂດຍບໍ່ມີລັດຖະບານແຫ່ງຊາດຂອງ
ຢູເຄຣນເຂົ້າຮ່ວມນຳ.
ຢູເຄຣນ ແລະຂໍຮ້ອງເຂົ້າເປັນພາກນຶ່ງຂອງຣັດເຊຍ ນຶ່ງມື້ຫຼັງ
ຈາກການລົງປະຊາມະຕິໃນແຫຼມໄຄຣເມຍ ຊຶ່ງປະຊາຊົນໄດ້
ໃຫ້ການສະໜັບສະໜຸນຢ່າງຖ້ວມລົ້ນ ແກ່ການເຂົ້າຮ່ວມໃນ
ສະຫະພັນຣັດເຊຍນັ້ນ.
ຄະນະຜູ້ຕາງໜ້າຂອງສະພາໄຄຣເມຍຈຸນຶ່ງ ກຳນົດຈະເດີນທາງ
ໄປຍັງກຸງມົສກູ ໃນວັນຈັນ ມື້ນີ້ ເພື່ອໂອ້ລົມສົນທະນາກັນເລື້ອງ
ລະບຽບການເພີ້ມເຕີມອື່ນໆທີ່ຈຳເປັນ ເພື່ອເຂົ້າຮ່ວມກັບຣັດເຊຍ
ນັ້ນ.
ໃນຂະນະດຽວກັນ ສະພາແຫ່ງຊາດຢູເຄຣນ ກໍໄດ້ຮັບຮອງເອົາການເກນທະຫານສຳຮອງເປັນບາງສ່ວນ ໃນການຕອບສະໜອງຕໍ່ວິກິດການດັ່ງກ່າວ.
ຄາດວ່າ ສະຫະລັດ ພ້ອມກັບພວກປະເທດພັນທະມິດໃນຢູໂຣບ ຈະປະກາດການ
ລົງໂທດຕ່າງໆຕໍ່ຣັດເຊຍ ໃນວັນຈັນມື້ນີ້ .
ປະທານາທິບໍດີສະຫະລັດ ທ່ານ ບາຣັກ ໂອບາມາ ກ່າວຕໍ່ຄູ່ຕຳແໜ່ງຈາກຣັດເຊຍ
ທ່ານ Vladimir Putin ໃນວັນອາທິດວານນີ້ວ່າ ກຸງວໍຊິງຕັນ ແລະພວກປະເທດພາຄີ
ໃນຢູໂຣບ ກຳລັງກະກຽມເພື່ອສ້າງຄວາມເສຍຫາຍເພີ້ມອີກແກ່ກຸງມົສກູ ທີ່ໃຫ້ການສະ
ໜັບສະໜຸນການລົງປະຊາມະຕິ ທີ່ແບ່ງແຍກດິນແດນໃນແຫຼມໄຄຣເມຍຂອງຢູເຄຣນ
ນັ້ນ.
ວີດີໂອ: ທ່ານໂອບາມາກ່າວວ່າ ກຳລັງມີການປຸກລະດົມ ເພື່ອໂດດດ່ຽວຣັດເຊຍ:
ຖະແຫຼງການສະບັບນຶ່ງຂອງທຳນຽບຂາວ ເອີ້ນການລົງປະຊາມະຕິໃນວັນອາທິດ
ວານນີ້ວ່າ ຜິດກົດໝາຍ ແລະເປັນການຝ່າຝືນລັດຖະທຳມະນູນຂອງຢູເຄຣນ. ຖະ
ແຫຼງການ ຍັງກ່າວ ຕື່ມວ່າ ການລົງປະຊາມະຕິ ຈະ“ບໍ່ໄດ້ຮັບການຮັບຮູ້ຈັກເທື່ອ
ຈາກສະຫະລັດ ແລະປະຊາຄົມໂລກ.”
ຫົວໜ້າຈັດການປ່ອນບັດຂອງໄຄຣເມຍ ປະກາດໃຫ້ຮູ້ໃນວັນຈັນມື້
ນີ້ວ່າ ຜູ້ປ່ອນບັດໃນຈຳນວນເກືອບ 97 ເປີເຊັນທີ່ໄປລົງຄະແນນ
ສຽງໄດ້ໃຫ້ການສະໜັບສະໜຸນຕໍ່ການແບ່ງແຍກດິນແດນ ແລະ
ການເຂົ້າຮ່ວມກັບຣັດເຊຍນັ້ນ. ແຕ່ວ່າ ພວກທີ່ຄັດຄ້ານຕໍ່ການ
ເຄື່ອນໄຫວດັ່ງກ່າວ ໄດ້ຖືກແນະນຳໃຫ້ພາກັນຄັດຄ້ານບໍ່ໄປອອກ
ສຽງໃນການລົງປະຊາມະຕິ ໃນຄັ້ງນີ້.
ທ່ານ Sergei Aksyonov ຜູ້ນຳໄຄຣເມຍ ຫົວນິຍົມກຸງມົສກູ
ປະກາດວ່າ ລັດຖະບານຂອງທ່ານ ຈະທຳການຂໍຮ້ອງຢ່າງເປັນ
ທາງການໃນວັນຈັນມື້ນີ້ ເພື່ອເຂົ້າຮ່ວມໃນສະຫະ ພັນຣັດເຊຍ.
ທີ່ກຸງ Kyiv ນາຍົກລັດຖະມົນຕີຮັກສາການຂອງຢູເຄຣນ ທ່ານ
Arseniy Yatsenyuk ເອີ້ນການປ່ອນບັດໃນແຫຼມໄຄຣເມຍ
ທີ່ໄດ້ການໜຸນຫຼັງຈາກກຸງມົສກູວ່າ ເປັນ “ລະຄອນສັດອັນນຶ່ງ”
ທີ່ຖືກຣັດເຊຍເອົາປືນຈີ້ໃຫ້ຫລິ້ນ.
ຖະແຫຼງການສະບັບນຶ່ງ ຂອງທຳນຽບຂາວກ່ອນໜ້ານັ້ນ ກ່າວວ່າ ບໍ່ຄວນຈະມີການຕັດສິນໃຈໃດໆກ່ຽວກັບອະນາຄົດຂອງຢູເຄຣນ ໂດຍບໍ່ມີລັດຖະບານແຫ່ງຊາດຂອງ
ຢູເຄຣນເຂົ້າຮ່ວມນຳ.
