ລິ້ງ ສຳຫລັບເຂົ້າຫາ

logo-print

ນັກສຶກສາ ຢູ່ແຫຼມ ໄຄຣເມຍ ຍິງສັງ​ຫານ 19 ຄົນ ຢູ່ໂຮງຮຽນ ເຕັກນິກ ແຫ່ງນຶ່ງ


ພວກຕໍາຫລວດ ແລະນັກສືບສວນ ຢືນຢູ່ໃກ້ໂຮງຮຽນ ສອນວິຊາຊີບແຫ່ງນຶ່ງ ຢູ່​ໃນ​ເມືອງເຄີ​ຈ​ຊ໌ (Kerch) ໃນແຫລມໄຄຣເມຍ ທີ່ຕັ້ງ​ຢູ່​ແຄມ​ທະ​ເລ​ດຳໃນວັນທີ 17 ຕຸລາ, 2018 ພາຍຫລັງທີ່ ມີເຫດການຍິງປືນໃສ່ຄົນ ຢູ່ໃນໂຮງຮຽນດັ່ງກ່າວ

ນັກ​ສຶກ​ສາ​ອາ​ຍຸ 18 ປີ ​ຄົນ​ນຶ່ງ ໄດ້​ຍິງ​ປືນ​ໃສ່ ແລະສັງ​ຫານ 19 ຄົນ ແລະ​ເຮັດ​ໃຫ້
​ຫລາຍກວ່າ 50 ຄົນ ໄດ້​ຮັບ​ບາດ​ເຈັບ ຢູ່​ໃນ​ວິ​ທະ​ຍາ​ໄລ​ເຕັກ​ນິກ​ແຫ່ງ​ນຶ່ງໃນ​ແ​ຫລມ​
ໄຄ​ຣ​ເມຍ.

ຕຳ​ຫລວດ​ເວົ້າ​ວ່າ ມື​ປືນ​ຄົນ​ນັ້ນ ແມ່ນ​ທ້າວ ວ​ລາ​ດິ​ສ​ລາ​ຟ ຣົ​ສ​ລີ​ຢາກ​ອັ​ຟ (Vladislav Roslyakov) ນັກ​ສຶກ​ສາ​ປີ​ທີ 4 ຂອງ​ວິ​ທະ​ຍາ​ໄລ​ເຕັກ​ນິກ ​ຢູ່​ໃນ​ເມືອງເຄີ​ຈ​ຊ໌ (Kerch) ທີ່​
ຕັ້ງ​ຢູ່​ແຄມ​ທະ​ເລ​ດຳ. ລາວ​ເສຍ​ຊີ​ວິດ​ຢູ່​ໃນ​ທີ່​ເກີດ​ເຫດນັ້ນຊຶ່ງ​ປາ​ກົດ​ວ່າ​ຍ້ອນ​ການຂ້າ​ໂຕ​
ຕາຍ.

ພວກ​ນັກ​ສອບ​ສວນ ແລະ​ຜູ້​ອຳ​ນວຍ​ການ​ວິ​ທະ​ຍາ​ໄລ​ເວົ້າ​ວ່າ ພາຍ​ຫລັງ​ທີ່​ມີລະ​ເບີດ​ແຕກ​
ຂຶ້ນ ມື​ປືນ​ຄົນ​ນັ້ນ​ກໍ​ເຂົ້າ​ໄປ​ໃນຕຶກ ແລ້ວກໍ​ຍິງປືນ​ໃສ່ທຸກ​ຄົນ​ທີ່​ລາວ​ເຫັນ ຢູ່​ໃນວິ​ທະ​ຍາ​ໄລ
​ສັບ​ພະ​ວິ​ຊາ​ເຄີ​ຈ​ຊ໌ ນັ້ນ. ​

"ລາວ​ຍ່າງ​ເລາະ ແລະ​ກໍ​ຍິງ​ນັກ​ສຶກ​ສາ ແລະ​ອາ​ຈານ​ແບບ​ເລືອດ​ເຢັນເລີຍ,” ນັ້ນ​ຄື​ຄຳ​
ເວົ້າ​ຂອງ​ທ່ານ ເຊີ​ເກ ອັກ​ຄີ​ຢອ​ນ​ນັອຟ (Sergei Aksyonov), ຜູ້​ນຳ​ໃນ​ຂົງ​ເຂດ​ແຫລມ​
ໄຄ​ຣ​ເມຍ, ຊຶ່ງ​ເປັນ​ແຫລມທີ່​ຣັດ​ເຊຍ​ໄດ້ຍຶດ​ເອົາ​ຈາກ​ຢູ​ເຄ​ຣນ ມາ ເຂົ້າ​ເປັນ​ສ່ວນ​ນຶ່ງ​
ຂອງຕົນໃນ​ປີ 2014 ແລະ​ໄດ້​ເຮັດ​ໃຫ້​ເກີດມີ​ການ​ລົງ​ໂທດ​ຫຼາຍ ງວດ​ຈາກ​ປະ​ເທດ​ຕາ​
ເວັນ​ຕົກ​ຕໍ່​ຣັດ​ເຊຍ.

ທ່ານ ດ​ມິ​ຕ​ຣີ ແພັ​ສ​ຄັອ​ຟ (Dmitry Peskov) ໂຄ​ສົກ​ຂອງ​ປະ​ທາ​ນາ​ທິ​ບໍ​ດີ ຣັດ​ເຊຍ
ເວົ້າ​ວ່າ ທ່ານ ວລາ​ດິ​ເມຍ ປູ​ຕິນ ໄດ້​ອອກ​ຄຳ​ສັ່ງ​ໃຫ້​ທຳ​ການ​ສອບ​ສວນຢ່າງ​ຖີ່​ຖ້ວນ
ແລະ​ສົ່ງ​ຄວາມ​ເສົ້າ​ສະ​ຫລົດ​ໃຈ​ໄປ​ຫາ​ຄອບ​ຄົວ​ຂອງ​ຜູ້​ໄດ້​ຮັບ​ເຄາະ ຮ້າຍ.

ຜູ້ກວດ​ກາ​ລັດ​ຖະ​ສະ​ພາ​ທີ່​ເປັນຜູ້​ຍິງ​ຄົນ​ນຶ່ງ ກ່າວ​ຕໍ່​ອົງ​ການ​ຂ່າວທາ​ສ (Tass) ວ່າ ຜູ້
​ໄດ້​ຮັບ​ເຄາະ​ຮ້າຍ​ສ່ວນ​ໃຫຍ່​ແມ່ນ​ເປັນ​ນັກ​ສຶກ​ສາ.

ຢູ່​ໃນ​ພວກ​ທີ່​ໄດ້​ຮັບ​ບາດ​ເຈັບ 53 ຄົນ​ນັ້ນມີ 12 ຄົນ​ຢູ່​ໃນ​ອາ​ການ​ສາ​ຫັດ. ພວກ​ເຈົ້າ
​ໜ້າ​ທີ່​ເວົ້າ​ວ່າ ແມ່​ຂອງ​ມື​ປືນທີ່​ເປັນ​ພະ​ຍາ​ບານ ໄດ້​ຊ່ວຍ​ປິ່ນ​ປົວ​ຄົນ​ທີ່​ໄດ້​ຮັບ​ບາດ
​ເຈັບ​ຫລາຍ​ຄົນ ໂດຍບໍ່​ຮູ້​ຈັກ​ວ່າລູກ​ຊາຍ​ຂອງຕົນ​ເປັນ​ຜູ້​ທຳ​ການ​ເຂັ່ນ​ຂ້າ​ອັນ​ໂຫດ
​ຮ້າຍ​ດັ່ງ​ກ່າວ ຫລື ບໍ່​ຮູ້​ເລີຍ​ວ່າ ລູກ​ຊາຍຂອ​ງຕົນ​ຕາຍ​ແລ້ວ.

ປະ​ທາ​ນາ​ທິ​ບໍ​ດີ​ປູ​ຕິນ​ເວົ້າ​ຢູ່ກອງ​ປະ​ຊຸມ​ຖະ​ແຫລງ​ຂ່າວ​ໃນ​ນະ​ຄອນ​ຫລວງມົ​ສ​ກູ​ວ່າ
ອາດ​ມີ​ຫລາຍກວ່າຄົນ​ນຶ່ງ​ ​ທີ່​ມີ​ສ່ວນ​ກ່ຽວ​ຂ້ອງ​ກັບ​ການ​ໂຈມ​ຕີ​ດັ່ງ​ກ່າວ ແລະ​ພວກ
​ນັກ​ສອບ​ສວນ​ກຳ​ລັງ​ພະ​ຍາ​ຍາມ​ທີ່​ຈະ​ຊອກ​ຫາ​ສາ​ເຫດ​ທີ່​ພາ​ໃຫ້ເກີດ​ເຫດການ​ນັ້ນ.

ພວກ​ເຈົ້າ​ໜ້າ​ທີ່​ຣັດ​ເຊຍ ​ໃຫ້​ຄຳ​ອະ​ທິ​ບາຍ​ຫລາຍ​ຢ່າງ​ກ່ຽວ​ກັບ​ເຫດ​ການ​ທີ່​ເກີດ​ຂຶ້ນນັ້ນ.
ທຳ​ອິດ​ພວກ​ເຂົາ​ເຈົ້າ​ລາຍ​ງານ​ວ່າ ອາຍ​ແກັ​ສ​ລະ​ເບີດ​ຂຶ້ນຢູ່​ຫ້ອງ​ອາ​ຫານ​ຂອງ​ໂຮງ
​ຮຽນ ໂດຍ​ສົງ​ໄສວ່າມີ​ການໂຈມ​ຕີ​ຂອງ​ພວກກໍ່​ການ​ຮ້າຍ.

ຄະ​ນະ​ກຳ​ມະ​ການ​ຕ້ານການກໍ່​ການ​ຮ້າຍແຫ່ງ​ຊາດ​ເວົ້າ​ວ່າ ພວກ​ທີ່​ເສຍ​ຊີ​ວິດ​ໄປແມ່ນ
ຍ້ອນ​ໄດ້​ຮັບ​ບາດ​ເຈັບຈາກ​ການ​ຖືກຍິງ ພາຍ​ຫລັງ​ທີ່​ມີຖະ​ແຫລງການ​ຂອງ​ພວກ​ເຈົ້າ
​ໜ້າ​ທີ່​ຄົນ​ອື່ນ​ທີ່​ເວົ້າ​ວ່າ ພວກ​ເຂົາ​ເສຍ​ຊີ​ວິດ​ຍ້ອນ​ລະ​ເບີດ​ແຕກ. ຄະ​ນະ​ກຳ​ມະ​ການ
​ດັ່ງ​ກ່າວ ໃນ​ເວ​ລາ​ຕໍ່​ມາ​ເວົ້າ​ວ່າ ການ​ໂຈມ​ຕີ​ດັ່ງ​ກ່າວເປັນ​ການ​ສັງ​ຫານ​ໝູ່ ແລະ​ບໍ່​ແມ່ນ
​ການກໍ່​ການ​ຮ້າຍ ແຕ່​ຢ່າງ​ໃດ.

ອ່ານຂ່າວນີ້ເພີ້ມເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG