ກຸ່ມປົກປ້ອງອິດສະຫຼະພາບດ້ານການຂ່າວ ກ່າວວ່າ ຢ່າງ
ໜ້ອຍນັກຂ່າວ 60 ຄົນ ໄດ້ເສຍຊີວິດປີນີ້ ໃນຂະນະທີ່ປະຕິ
ບັດງານ ໂດຍທີ່ພວກນັກຂ່າວນາໆຊາດ ປະກອບເປັນສັດ
ສ່ວນທີ່ສູງເປັນພິເສດ ຂອງການເສຍຊີວິດ.
ຄະນະກຳມະການປ້ອງກັນພວກນັກຂ່າວ ຫຼື CPJ ທີ່ມີຫ້ອງ
ການຢູ່ນະຄອນນິວຢອກ ໄດ້ອອກລາຍງານປະຈຳປີ ໃນວັນ
ອັງຄານມື້ນີ້ ກ່ຽວກັບພວກນັກຂ່າວ ທີ່ເສຍຊີວິດຢູ່ໃນ 21
ປະເທດໃນປີ 2014.
ລາຍງານກ່າວວ່າ ບັນດານັກຂ່າວທ້ອງຖິ່ນ ຍັງສືບຕໍ່ຕົກເປັນ
ເປົ້າໝາຍຫລາຍທີ່ສຸດ ແຕ່ວ່າ 23 ເປັນເຊັນຂອງຜູ້ເສຍຊີວິດແມ່ນພວກນັກຂ່າວນາໆ
ຊາດ. ຈາກການປຽບທຽບແລ້ວ ພວກນັກຂ່າວທ້ອງຖິ່ນແມ່ນປະກອບເປັນຫຼາຍເຖິງ 90
ເປີເຊັນໃນບັນທຶກຂໍ້ມູນ ອົງການ CPJ ກ່ຽວກັບການເສຍຊີວິດຂອງພວກນັກຂ່າວເມື່ອ
ນັບຄືນຫລັງໄປຫາປີ1992.
ລາຍງານໃຫ້ເຫດຜົນວ່າ ເປັນຍ້ອນ “ສະພາບຄວາມຫລໍ່ແຫລມທີ່ເພີ້ມທະວີຂຶ້ນຢູ່ເຂດ
ທີ່ມີການຂັດແຍ້ງກັນ ໂດຍທີ່ພວກນັກຂ່າວຕາເວັນຕົກ ມັກຈະຕົກເປັນເປົ້າໝາຍນັ້ນ.”
ຊີເຣຍ ເປັນປະເທດອັນຕະລາຍທີ່ສຸດສຳຫລັບບັນດານັກຂ່າວ ໂດຍທີ່ມີຜູ້ເສຍຊີວິດເຖິງ
17 ຄົນໃນປີນີ້. ນັກຂ່າວ 5 ຄົນໄດ້ເສຍຊີວິດຢູ່ໃນອີຣັກ ແລະຢູເຄຣນ ໃນຂະນະທີ່ 4 ຄົນ
ເສຍຊີວິດຢູ່ໃນໂຊມາເລຍ ແລະໃນຂະນະທີ່ເກີດສົງຄາມລະຫວ່າງອິສຣາແອລ ແລະພວກ
ຫົວຮຸນແຮງປາແລສໄຕນ໌.
