ລິ້ງ ສຳຫລັບເຂົ້າຫາ

logo-print

ພະນັກງງານແພດ ທີ່ເຮັດວຽກໃນແຖວໜ້າ ຮັກສາຄົນໄຂ້ ທີ່ເປັນມະເຮັງ ແລະຄົນໄຂ້ທີ່ຕິດໂຄວິດ-19


ເມື່ອວັນທີ 17 ສິງຫາ, ປີ 2021 ນີ້ ພະຍາບານປະຈໍາຫ້ອງ ICU ໄດ້ຍ້າຍສາຍໄຟ ສໍາລັບເຄື່ອງຈັກທາງການແພດ ທາງດ້ານນອກຫ້ອງຂອງຜູ້ປ່ວຍໂຄວິດ-19 ໃນພະແນກຜູ້ປ່ວຍໜັກ ທີ່ສູນກາງການແພດ ວິລລິສ-ໄນຕັນ, ເມືອງ ເຊຣບຝອຣ໌ດ, ລັດອາລາບາມາ.

ຕໍ່ກັບສະພາບການ ທີ່ມີການລະບາດກັບຄືນມາອີກຄັ້ງຂອງ ໄວຣັສສາຍພັນໃໝ່ເດລຕ້າ ຍິ່ງເພີ້ມຄວາມຫຍຸ້ງຍາກຕໍ່ຊີວິດການເປັນຢູ່ຂອງຜູ້ຄົນຊາວອາເມຣິກັນ ກໍ່ຄືບັນດາປະຊາກອນໃນທົ່ວໂລກ. ແຕ່ຜູ້ທີ່ຍິ່ງຈະພົບກັບສະຖານະການ ແບບໂດຍກົງ ກໍ່ຄົງຈະເປັນບັນດາພະນັກງານແຖວໜ້າທີ່ຕ້ອງໄດ້ທຸ້ມເທທັງແຮງກາຍ ແລະແຮງໃຈເພື່ອຕໍ່ສູ້ກັບພວກມັນ. ດຣ. ພົນ ສຸລິວົງ ເປັນເມດິເຄລຟີຊິກຊິສ ຄືການປົວໂຮກມະເຮັງໂດຍການໃຊ້ລັງສີ, ປະຈໍາການຢູ່ທີ່ໂຮງໝໍຮຸສຕັນເມໂທດິສ, ໃນນະຄອນຮຸສຕັນ, ລັດເທັກຊັສ. ນອກຈາກໜ້າທີ່ຮັບຜິດຊອບສະເພາະ ຂອງເພິ່ນ ປະຈໍາທີ່ສາຍແສງຂອງມະເຮັງແລ້ວ, ເພິ່ນແລະທີມແພດຍັງໄດ້ສຸມໃສ່ຄົນໄຂ້ທີ່ຕິດໂຄວິດນໍາດ້ວຍ, ເຊິ່ງເພິ່ນໄດ້ອະທິບາຍໃຫ້ຟັງເຖິງໜ້າທີ່ການປິ່ນປົວຄົນໄຂ້ ແລະການຮັບມືກັບໂຄວິດ ຂອງພະນັກງານການແພດຢູ່ທີ່ພະແນກຂອງເພິ່ນໃຫ້ທາງ VOA ຟັງວ່າ:

“ກ່ຽວກັບພະຍາດໂຄວິດນີ້ ຖ້າແມ່ນໃຜຕິດພະຍາດໂຄວິດແມ່ນເພິ່ນຈະສົ່ງໄປປົວບ່ອນສູນໂຄວິດຕ່າງຫາກ, ແຕ່ວ່າມີຜູ້ປ່ວຍບາງຄົນ ທີ່ເປັນໂລກມະເຮັງມາປົວນີ້ ເຂົາເຈົ້າກໍ່ຕິດໂຄວິດຄືກັນ ພວກເຮົາກໍ່ໄດ້ປົວໄປພ້ອມໆກັນ ແລະປ້ອງກັນໄປພ້ອມກັນ ເພື່ອບໍ່ໃຫ້ຕິດໂຄວິດພ້ອມ ເພາະຂາດບໍ່ໄດ້.”

ດຣ. ພົນຍັງໄດ້ກ່າວໃຫ້ຟັງຕື່ມວ່າ ຄົນທີ່ຕິດພະຍາດໂຄວິດ ແລະມາຮັກສາຢູ່ທີ່ໂຮງໝໍຮຸສຕັນເມໂທດິສ ສ່ວນນຶ່ງແມ່ນກຸ່ມຄົນທີ່ມີອາຍຸແລະໂຣກປະຈໍາຕົວອື່ນໆ ແຕ່ໂດຍລວມປະມານ 90 ເປີເຊັນແມ່ນຄົນທີ່ບໍ່ໄດ້ຮັບການສັກຢາວັກຊີນຈັກເທື່ອ.

“ຂ້າພະເຈົາຄິດວ່າທຸກຄົນຄວນສັກວັກຊີນ ຂ້າພະເຈົ້າເຫັນດີກັບ ດຣ. ຟາວຈີ ທີ່ເພິ່ນໄດ້ກ່າວໄວ້ ເພາະວ່າວັກຊີນຊ່ວຍສ້າງພູມຕ້ານທານ, ຖ້າເຮົາບໍ່ມີພູມຕ້ານທານ ເຮົາຈະຕິດເຊື້ອໄວຣັສແບບງ່າຍໆ.”

ນັ້ນຄືຄຳເຫັນຂອງ ດຣ. ພົນ ທີ່ໄດ້ກ່າວໃຫ້ຄຳແນະນຳເປັນການສະຫລຸບ.

ທ່ານອາດຈະມັກເລື້ອງນີ້ຄືກັນ

XS
SM
MD
LG