ລິ້ງ ສຳຫລັບເຂົ້າຫາ

ວັນຈັນ, ໑໗ ມິຖຸນາ ໒໐໒໔

ຢາວັກຊິນ ກັນໂຄວິດ-19 ຂອງ ສຫລ ຈະຖືກທົດລອງ ໃນວົງກວ້າງຄັ້ງທໍາອິດ ໃນເດືອນໜ້າ


ພວກນັກຄົ້ນຄວ້າເຮັດວຽກຢຸ່ໃນຫ້ອງທົດລອງຂອງບໍລິສັດ Yisheng Biopharma ໃນນະຄອນ Shenyang ໃນແຂວງ Liaoning ທາງພາກຕາເວັນອອກສຽງເໜືອຂອງຈີນ, ວັນທີ 10 ມິຖຸນາ, 2020
ພວກນັກຄົ້ນຄວ້າເຮັດວຽກຢຸ່ໃນຫ້ອງທົດລອງຂອງບໍລິສັດ Yisheng Biopharma ໃນນະຄອນ Shenyang ໃນແຂວງ Liaoning ທາງພາກຕາເວັນອອກສຽງເໜືອຂອງຈີນ, ວັນທີ 10 ມິຖຸນາ, 2020

ບໍລິສັດເທັກໂນໂລຈີທາງຊີວະພາບຂອງສະຫະລັດເວົ້າວ່າ ຕົນຈະທໍາການທົດ ລອງຢາວັກຊິນທີ່ອາດກັນ ໄວຣັສໂຄໂຣນາໄດ້ ແບບແຜ່ຜາຍອອກຢ່າງກວ້າງ ເປັນຄັ້ງທໍາອິດໃນເດືອນໜ້ານີ້.

ບໍລິສັດໂມເດິນາ ກໍາລັງເຮັດວຽກຮ່ວມກັບສະຖາບັນການແພດແຫ່ງຊາດຂອງສະ ຫະລັດ ໃນການພັດທະນາຢາວັກຊິນ ຕ້ານພະຍາດໂຄດວິດ-19 ນີ້.

ບໍລິສັດດັ່ງກ່າວເວົ້າໃນວັນພະຫັດວານນີ້ວ່າ ຕົນຈະທໍາການສຶກສາຄົ້ນຄວ້າ ຂະ ໜາດໃຫຍ່ບັ້ນທໍາອິດ ໃນເດືອນໜ້າ ໂດຍສັກຢາໃສ່ຜູ້ອາສາສະໝັກ 30,000 ຄົນ. ບາງຄົນ ຈະໄດ້ຮັບຢາວັກຊິນຢ່າງແທ້ຈິງ ແລະຄົນອື່ນໆ ແມ່ນຈະໄດ້ຮັບ ຢາທຽມ.

ບໍລິສັດຊິໂນວັກ (Sinovac), ຊຶ່ງເປັນບໍລິສັດເທັກໂນໂລຈີທາງຊີວະພາບຂອງ ຈີນ ກໍມີແຜນທີ່ຈະທົດລອງຢາວັກຊິນຂອງຕົນໃນເດືອນໜ້ານີ້ເຊັ່ນກັນ ກັບອາ ສາສະໝັກ 9,000 ຄົນຢູ່ໃນບຣາຊີລ. ບຣາຊີລຍັງຈະເປັນພື້ນທີ່ການທົດລອງຢາວັກຊິນ ທີ່ພັດທະນາໂດຍມະຫາວິທະ ຍາໄລອອກສ໌ຝອດຂອງອັງກິດອີກດ້ວຍ.

ລັດຖະບານຂອງທ່ານ ທຣໍາ ກໍາລັງເຮັດວຽກຮ່ວມກັບຫ້ອງທົດລອງເອກະຊົນ ໃນສິ່ງທີ່ຕົນເອີ້ນວ່າໂຄງການ “ປະຕິບັດງານເພື່ອລະງັບພະຍາດໄດ້ຢ່າງວ່ອງ ໄວຫລື “Operation Warp Speed” ທີ່ຫວັງວ່າຈະມີຢາວັກຊິນຕ້ານໂຄວິດ-19 ຈໍານວນ 300 ລ້ານຂະໜາດກຽມໄວ້ ເພື່ອເອົາອອກມາໃຫ້ໃຊ້ໃນເດືອນມັງ ກອນປີໜ້ານີ້.

ແຕ່ວ່າພວກນັກຊ່ຽວຊານກໍເວົ້າວ່າ ມັນບໍ່ເຄີຍມີການຮັບປະກັນໃດໆ ວ່າຢາວັກ ຊິນຊະນິດນຶ່ງຈະໃຊ້ໄດ້ຜົນ ຫລືວ່າຖ້າມັນໃຊ້ໄດ້ຜົນ ມັນກໍຈະໃຫ້ການປ້ອງກັນ ໄດ້ດົນກວ່າສອງສາມເດືອນບໍ່.

ການສຶກສາຄົ້ນຄວ້າອັນນຶ່ງອີກ ໄດ້ທໍານາຍວ່າ ຄົນຫລາຍລ້ານຄົນ ໄດ້ຕົກໄປ ຢູ່ໃນສະພາບທີ່ທຸກຈົນທີ່ສຸດຍ້ອນການລະບາດຢ່າງໜັກຂອງໄວຣັສໂຄໂຣນາ.

ບົດລາຍງານຂອງມະຫາວິທະຍາໄລອົງການສະຫະປະຊາຊາດເວົ້າວ່າ ຜົນຮ້າຍ ຕາມມາທາງເສດຖະກິດອາດຈະເຮັດໃຫ້ 395 ລ້ານຄົນ ຕົກໄປຢູ່ໃນສະພາບທີ່ ເຮັດໃຫ້ເຂົາເຈົ້າຕ້ອງໄດ້ດໍາລົງຊີວິດໂດຍມີເງິນເພື່ອໃຊ້ຈ່າຍພຽງແຕ່ 1.9 ດອນ ລາຕໍ່ມື້ ຫລື ໜ້ອຍກວ່ານັ້ນ ຊຶ່ງເປັນຄໍານິຍາມທີ່ໝາຍເຖິງຄວາມທຸກຈົນສຸດຂີດ ເລີຍ.

ບົດລາຍງານອັນນຶ່ງອີກຕ່າງຫາກ ຂອງທະນາຄານໂລກໃນອາທິດນີ້ ເວົ້່າວ່າ ຄົນທີ່ຢູ່ໃນສະພາບທີ່ທຸກຈົນທີ່ສຸດມີຢູ່ປະມານ 70 ຫາ 100 ລ້ານຄົນ.

ອ່ານກ່ຽວກັບຂ່າວນີ້ເພີ້ມເປັນພາສາອັງກິດ

XS
SM
MD
LG