ຜູ້ພິພາກສາຂອງລັດຖະບານກາງທ່ານນຶ່ງຢູ່ວໍຊິງຕັນ ໄດ້ຕັດສິນວ່າ ສະມາຊິກລັດຖະ
ສະພາກຸ່ມນຶ່ງ ເກືອບ 200 ຄົນ ມີສິດຕາມກົດໝາຍ ທີ່ຈະຟ້ອງປະທານາທິບໍດີດໍໂນລ
ທຣຳ.
ສະມາຊິກສະພາກຸ່ມນີ້ ກ່າວຫາ ປະທານາທິບໍດີທຣຳວ່າ ລະເມີດວັກນຶ່ງ ທີ່ເວົ້າເຖິງ
ເລື້ອງເງິນລາຍຮັບຂອງກົດໝາຍລັດຖະທຳມະນູນສະຫະລັດ ທີ່ກ່າວວ່າເຈົ້າໜ້າທີ່
ລັດຖະບານກາງບໍ່ສາມາດຮັບເອົາກຳໄລຫຼືຂອງຂວັນຈາກລັດຖະບານຕ່າງປະເທດ
ໂດຍບໍ່ໄດ້ຮັບການອະນຸມັດຈາກລັດຖະສະພາ.
ຜູ້ພິພາກສາປະຈຳເຂດຂອງສະຫະລັດ ທ່ານເອັມເມັດ ຊູລລີວັນ ໄດ້ທຳການຕັດສິນ
ໃນວັນສຸກວານນີ້.
ທ່ານທຣຳມີທຸລະກິດຢູ່ທົ່ວໂລກ ຮວມທັງໂຮງແຮມທີ່ນະຄອນຫຼວງວໍຊິງຕັນ ບ່ອນທີ່
ພວກແຂກຕ່າງປະເທດມັກໄປພັກເຊົາໃນລະຫວ່າງທີ່ເດີນທາງມາຢ້ຽມຢາມທຳນຽບ
ຂາວຢ່າງເປັນທາງການ.
ປະທານາທິບໍດີຍັງສືບຕໍ່ເປັນເຈົ້າຂອງທຸລະກິດເຫຼົ່ານີ້ ແຕ່ໄດ້ມອບການບໍລິຫານບໍລິ
ສັດປະຈຳວັນ ໃຫ້ແກ່ພວກລູກຊາຍຂອງທ່ານ. ພວກຕ້ອງຕິກ່າວວ່າ ຍັງບໍ່ເປັນການ
ຄຸ້ມຄອງທີ່ພຽງພໍ.
ທ່ານນາງເອລີຊາແບັດ ວີດຣາ ປະທານສູນກາງຄວາມຮັບຜິດຊອບຕາມລັດຖະທຳ
ມະນູນ ຊຶ່ງເປັນອົງການຈັດຕັ້ງທາງກົດໝາຍ ຂອງກຸ່ມເສລີນິຍົມ ທີ່ຕາງໜ້າໃຫ້ແກ່
ສະມາຊິກສະພາ ຢູ່ນະຄອນຫຼວງວໍຊິງຕັນ ກ່າວວ່າ “ດ້ວຍການຮັບຮູ້ວ່າ ສະມາຊິກ
ລັດຖະສະພາມີສິດທີ່ຈະຟ້ອງ ສານໄດ້ພິສູດໃຫ້ທຸກຄົນຢູ່ໃນອາເມຣິກາທຸກມື້ນີ້ເຫັນ
ວ່າ ບໍ່ມີຜູ້ໃດຢູ່ເໜືອກົດໝາຍ ແມ່ນແຕ່ປະທານາທິບໍດີ.”
ກະຊວງຍຸຕິທຳກ່າວວ່າ ລັດຖະບານ “ຈະສືບຕໍ່ໃຫ້ການປົກປ້ອງປະທານາທິບໍດີຢູ່
ໃນສານ.”
ການຕັດສິນໃນວັນສຸກວານນີ້ ແມ່ນເທື່ອທີ 2 ທີ່ຜູ້ພິພາກສາຂອງລັດຖະບານກາງ
ໄດ້ພົບເຫັນວ່າ ໂຈດມີພື້ນຖານທີ່ຈະດຳເນີນການກ່ຽວກັບຄະດີເລື້ອງເງິນລາຍຮັບ
ຕໍ່ປະທານາທິບໍດີ.
