ສ່ວນຢູ່ທີ່ປະເທດກຣີສນັ້ນ ທ່ານ Antonis Samaras ຫົວໜ້າພັກປະຊາທິປະໄຕໃໝ່
ມີເວລາ 3 ວັນເພື່ອປະກອບລັດຖະບານປະສົມຂຶ້ນ ຫລັງຈາກທີ່ພັກນິຍົມແນວທາງເດີມ
ຂອງທ່ານ ທີ່ເຫັນດີຮັບເອົາການຊ່ວຍເຫລືອເພື່ອກູ້ໜີ້ສິນຂອງປະເທດນັ້ນ ໄດ້ຮັບບ່ອນ
ນັ່ງຫລາຍກ່ວາໝູ່ໃນການເລືອກຕັ້ງມື້ວານນີ້.
ທ່ານ Samaras ໄດ້ພົບປະຫາລືໃນວັນຈັນມື້ນີ້ ກັບປະທານາທິບໍດີກຣີສ ທ່ານ
Carolos Papoulias ທີ່ມອບໝາຍອໍານາດໃຫ້ທ່ານ ຫາທາງເຈລະຈາໃຫ້ມີການຈັດ
ຕັ້ງລັດຖະບານປະສົມຂຶ້ນມາ.
ພັກນິຍົມແນວທາງເດີມ ປະຊາທິປະໄຕໃໝ່ ໄດ້ຮັບ 30 ເປີເຊັນຂອງບັດລົງຄະແນນ
ສຽງທັງໝົດ ຊຶ່ງອໍານວຍໃຫ້ພັກຂອງທ່ານໄດ້ຮັບບ່ອນນັ່ງ 129 ບ່ອນຂອງ ຈໍານວນ
300 ບ່ອນນັ່ງຢູ່ໃນສະພານັ້ນ ຊຶ່ງແມ່ນຮວມທັງ 50 ບ່ອນນັ່ງ ທີ່ເປັນລາງວັນພິເສດ
ມອບໃຫ້ແກ່ພັກທີ່ໄດ້ຮັບຄະແນນສຽງຫລາຍທີ່ສຸດ.
ສ່ວນພັກນິຍົມຊ້າຍຫົວຮຸນແຮງ Syriza ທີ່ຂັດຄ້ານການກູ້ໜີ້ສິນນັ້ນ ຕິດຕາມມາເປັນທີ
ສອງ ແລະໄດ້ 71 ບ່ອນນັ່ງ ໃນຂະນະທີ່ພັກທີ່ສະໜັບສະໜູນການກູ້ໜີ້ສິນອີກພັກນຶ່ງ ຄື
ພັກ PASOK ສັງຄົມນິຍົມ ໄດ້ຮັບ 33 ບ່ອນນັ່ງ ຊຶ່ງເປັນຈໍານວນທີ່ພຽງພໍ ໃນການຊ່ວຍ
ປະກອບລັດຖະບານປະສົມ ຂຶ້ນກັບພັກປະຊາທິປະໄຕໝ່ນັ້ນ.
ປະທານສະພາປົກຄອງຢູໂຣບ ທ່ານ Herman Van Rompuy ແລະປະທານສະຫະພາບ
ຢູໂຣບ ທ່ານ Jose Manuel Barroso ໄດ້ອອກຖະແຫລງການຮ່ວມ ກ່າວວ່າ ສະຫະພາບ
ຢູໂຣບ ມີຄວາມກະຕືລືລົ້ນທີ່ຈະໄດ້ເຮັດວຽກຮ່ວມກັນ ກັບລັດຖະບານໃໝ່ຂອງກຣີສ ແລະ
ຈະໃຫ້ການສະໜັບສະໜຸນຄວາມພະຍາຍາມຕ່າງໆ ເພື່ອນໍາເອົາເສດຖະກິດຂອງກຣີສ
ກັບຄືນໄປສູ່ເສ້ນທາງທີ່ຍືນຍົງ.
ຜູ້ນໍາພັກປະຊາທິປະໄຕໃໝ່ ທ່ານ Samaras ກ່າວວ່າ ຜົນການເລືອກຕັ້ງຄັ້ງນີ້ ເປັນໄຊ
ຊະນະຂອງຢູໂຣບທັງໝົດ.