ລິ້ງ ສຳຫລັບເຂົ້າຫາ

logo-print

ພັກຣີພັບບລິກກັນ ແລະ ເດໂມແຄຣັດ ບັນລຸຂໍ້ຕົກລົງ ງົບປະມານ ປີ 2016


ຜູ້ນຳສະພາສູງ ສຽງສ່ວນນ້ອຍ ຈາກລັດ Nevada ທ່ານ Harry Reid of Nev ແລະຄະນະສະມາຊິກສະພາສູງ ກ່າວຕໍ່ ບັນດານັກຂ່າວ ຢູ່ ລັດຖະສະພາ ທີ່ ນະຄອນຫລວງ Washington, ວັນອັງຄານ 15 ທັນວາ 2015.

ບັນດາ​ຜູ້​ເຈລະ​ຈາທັງຫຼາຍໃນ ລັດຖະສະພາ ​ສະຫະລັດ ​ໄດ້​ບັນ
ລຸ​ຂໍ້​ຕົກລົງ​ແຜນງົບປະມານໃຊ້​ຈ່່າຍ​ຂອງ​ລັດຖະບານ 1 ພັນ 1
ຮ້ອຍ​ຕື້ ​ໂດ​ລາ ຕະຫຼອດປີ 2016 ທີ່​ຈະຫລຸດ​ຜ່ອນ​ພາສີອັນເປັນ
ທີ່ນິຍົມກັນຫຼາຍຢ່າງ ໃຫ້​ແກ່​ບັນດາ​ທຸລະ​ກິດ ​ແລະ​ສ່ວນບຸກ​ຄົນ.

ບັນດາ​ສະມາຊິກ​ສະພາ​ຕໍ່າ ​ພັກ​ຣີພັບ​ບລິ​ກັນ ​ໄດ້​ເປີດ​ເຜີຍຮ່າງ
​ລະບຽບ​ການໃຊ້​ຈ່າຍອັນ​ໃຫຍ່​ຫລວງ ​ໃນ​ຕອນເດິກ​ວັນ​ອັງຄານ
​ວານ​ນີ້ ຫລັງ​ຈາກ​ກອງ​ປະຊຸມ ທີ່ນຳພາ​ໂດຍ ປະທານ​ສະພາ​ຕໍ່າ
ທ່ານ Paul Ryan. ​ເລື້ອງ​ຕ່າງໆ​ຮວມ​ທັງ​ການ​ສີ້​ນສຸດ ຫ້າມສົ່ງ
​ນໍ້າມັນ​ດິບຈາກ ສະຫະລັດ ທີ່​ມີ​ມາ​ໄດ້ 40 ປີ ທີ່ ພັກ​ຣີພັບ​ບລິ​ກັນ
ຕ້ອງການ ​ແລະ​ການຕໍ່ອາຍຸ​ຫ້າ​ປີ ຂອງ​ການຍົກເວັ້ນພາສີີ​ແກ່​ບັນ
ດາ​ຜູ້​ພະ​ລິດ ພະລັງງານລົມ ​ແລະ​ແສງ​ຕາ​ເວັນ ທີ່​ສະ​ແຫວ​ງຫາ​ໂດຍ​ພັກ​ເດ​ໂມ​ແຄຣັດນັ້ນ.

ຮ່າງ​ກົດໝາຍທີ່ວ່ານີ້ ຍັງ​ບັງຄັບ​ເປັນ​ເວລາ​ສອງ​ປີ​ ໃຫ້ໂຈະ​ພາສີ​ສອງ​ຢ່າງ ທີ່ແນ​ໃສ່ໃຫ້
ທຶນກົດໝາຍ​ສຸຂະພາບ ທີ່ ປະທານາທິບໍດີ Barack Obama ​ໄດ້​ລົງ​ນາມ​ໄປນັ້ນໄວ້
ຊຶ່ງ​ປັດຈຸບັນແມ່ນ​ເກັບ​ພາສີ​ສຳລັບ​ເຄຶ່ອງ​ໃຊ້​ການ​ປິ່ນປົວ ​ແລະ​ເກັບ​ພາສີ​ແກ່ ປະກັນ​ໄພໃນລາຄາ​ສູງ ທີ່ຈະເປັນ​ຜົນ​ໃຊ້​ໃນ​ປີ 2018.

ພັກຣີພັບ​ບລິກກັນ ທີ່​ຄວບ​ຄຸມ​ສະພາ​ຕໍ່າ ​ແລະ​ສະພາ​ສູງ ຄາດ​ວ່າ​ຈະ​ລົງ​ຄະ​ແນນ​ສຽງ
ແຜນ​ໃຊ້​ຈ່າຍ​ດັ່ງກ່າວໃນ​ວັນ​ພະຫັດ​ມື້​ອຶ່ນນີ້.

ທ່ານອາດຈະມັກເລື້ອງນີ້ຄືກັນ

XS
SM
MD
LG