ເບິ່ງວິດີໂອພາສາອັງກິດ
ລາຍງານໃໝ່ຂອງລັດຖະບານສະຫະລັດເວົ້າວ່າ ນັກສຶກສາຕ່າງປະເທດບາງຄົນ ທີ່ຈົບ ການຝຶກບິນຢູ່ໃນສະຫະລັດໃນຊຸມປີໝໍ່ໆມານີ້ ບໍ່ໄດ້ຜ່ານ ການກວດກາທີ່ໃຊ້ຂໍ້ມູນບັນທຶກ ດ້ານກໍ່ການຮ້າຍລ່ວງໜ້າ ແຕ່ຢ່າງໃດເລີຍ.
ລາຍງານໃນວັນພຸດວານນີ້ ຈາກຫ້ອງການຮັບຜິດຊອບຂອງລັດຖະບານ ສະຫະລັດເວົ້າວ່າ ໂຮງຮຽນສອນຂັບຍົນພານິດຂອງອາເມຣິກາ ຍັງອາດສືບຕໍ່ໃຫ້ການຝຶກອົບຮົມແກ່ພວກທີ່ສາ
ມາດເປັນຜູ້ກໍ່ການຮ້າຍໄດ້ໂດຍບໍ່ຮູ້ ສຶກຕົວ. ພວກກໍ່ການຮ້າຍ al-Qaida ບາງຄົນ ທີ່ເອົາ
ເຮືອບິນສະຫະລັດບິນເຂົ້າຕໍາສູນກາງການຄ້າໂລກຫຼື World Trade Center ທີ່ນະຄອນ
ນີວຢອກ, ທໍານຽບຫ້າແຈ ແລະທົ່ງແຫ່ງນຶ່ງຢູ່ລັດ Pennsylvania ໃນວັນທີ 11 ກັນຍາປີ
2001 ນັ້ນ ແມ່ນໄດ້ຮັບການຝຶກອົບຮົມຢູ່ໃນສະຫະລັດ.
ມີຫລາຍກວ່າ 3 ພັນຄົນໄດ້ເສຍຊີວິດໃນການໂຈມຕີໃນຄັ້ງນັ້ນ.
ພາຍຫລັງການໂຈມຕີໃນວັນທີ 11 ກັນຍາປີ 2001 ເປັນຕົ້ນມາ ລັດຖະບານສະຫະລັດໄດ້
ຕັ້ງກົດລະບຽບເພື່ອຮັບປະກັນວ່າ ນັກສຶກສາຕ່າງປະເທດ ທັງໝົດໃນຂະແໜງການບິນ ຈະ
ຕ້ອງໄດ້ມີການກວດປະຫວັດດ້ານອາຍາ ແລະກວດເບິ່ງວ່າມີຊື່ຢູ່ໃນບັນຊີຂອງພວກກໍ່ການ
ຮ້າຍຫຼືບໍ່. ແຕ່ຢ່າງໃດກໍຕາມ ໂຮງຮຽນບາງແຫ່ງ ຍັງບໍ່ໄດ້ປະຕິບັດຕາມຂັ້ນຕອນ ໃນດ້ານ
ການຮັກສາ ຄວາມປອດໄພຕ່າງໆເຫລົ່ານີ້.