ລິ້ງ ສຳຫລັບເຂົ້າຫາ

ວັນພະຫັດ, ໓໐ ພຶດສະພາ ໒໐໒໔

ອີຣ່ານຖືວ່າ ການຕໍ່ອາຍຸ ການລົງໂທດ ຂອງ ສຫລ ລະເມີດ ຂໍ້ຕົກລົງນິວເຄລຍ


ສະມາຊິກສະພາສູງ ຜູ້ນຳສຽງສ່ວນຫລາຍ ທ່ານ Mitch McConnell ຈາກລັດ Kentucky ກ່າວຢູ່ລັດຖະສະພາ ທີ່ ນະຄອນຫລວງວຊໍງຕັນ.
ສະມາຊິກສະພາສູງ ຜູ້ນຳສຽງສ່ວນຫລາຍ ທ່ານ Mitch McConnell ຈາກລັດ Kentucky ກ່າວຢູ່ລັດຖະສະພາ ທີ່ ນະຄອນຫລວງວຊໍງຕັນ.

ອີຣ່ານຂົ່ມຂູ່​ທີ່​ຈະ​ຕອບໂຕ້​ຫລັງ​ຈາກ​ສະພາ​ສູງ​ສະຫະລັດໄດ້​ໃຫ້ການ​ອະ​ນຸມັດ​ຂັ້ນສຸດ​ທ້າຍ ຂອງ​ລັດຖະສະພາ​ ​ໃນ​ການ​ຕໍ່​ອາຍຸ​ກົດໝາຍ​ການ​ລົງ​ໂທດ ຂອງອາ​ເມຣິກັນ​ຕໍ່​ອີຣ່ານ ທີ່​ບັນ ດາ​ສະມາຊິກຂອງ​ທັງ​ສອງ​ພັກ​ກ່າວ​ວ່າ​ມີ​ຄວາມ​ສຳຄັນ​ທີ່​ຈະ​ບັງຄັບກ່ຽວ​ກັບ​ການ​ປະຕິບັດຕໍ່​ຂໍ້​ຕົກ​ລົງ​ນິວ​ເຄລຍຂອງສາກົນ​ກັບ​ອີຣ່ານ.

​ໂຄສົກ​ກະຊວງ​ຕ່າງປະ​ເທດ​ອີຣ່ານທ່ານ Bahram Ghasemi ກ່າວ​ວ່າ ອີຣ່ານ​ໄດ້​ພິສູດ​ໃຫ້​ເຫັນ​ວ່າ​ ຕົນ​ປະຕິບັດ​ຕາມ ​ຂໍ້​ຕົກຂອງລົງ​ສາກົນ ​ແຕ່​ຍັງ​ໄດ້​ອະນຸມັດ ​ການ​ຕອບ​ໂຕ້ທີ່​ເໜາະ​ສົມຕໍ່ທຸກໆ​ສະຖານະ​ການ.”

ທ່່ານ Ghasemi ບໍ່​ໄດ້ກ່າວ​ຢ່າງ​ເຈາະ​ຈົງວ່າ ​ຈະ​ເອົາບາດແບບ​ໃດ​.

ໃນ​ເດືອນ​ແລ້ວ​ນີ້​ ຜູ້ນຳສູງ​ສຸດອີຣ່່ານ Ayatollah Ali Khamenei ກ່າວ​ວ່າ ທ່ານ​ໄດ້​ພິຈາ ລະນາເຫັນ​ວ່າ ຮ່າງກົດໝາຍ​ລົງ​ໂທດ​ເປັນ​ການລະ​ເມີດ​ຕໍ່​ຕົກລົງ ​ນິວ​ເຄລຍ ​ແລະ​ຂົ່ມຂູ່​ທີ່​ຈະ​ຕອບ​ໂຕ້.

Congress Renews US Sanctions on Iran
please wait

No media source currently available

0:00 0:02:33 0:00

ຜູ້​ຊ່ຽວຊານ ກ່ຽວກັບພາກ​ຕາ​ເວັນ​ອອກ​ກາງ​ ທ່ານ Mathew McInnis ຈາກສະ​ຖາ​ບັນ American Enterprise ທີ່ມີ​ຫ້ອງການ​ຢູ່ວໍຊິງ​ຕັນ ກ່າວ​ວ່າ “​ເຂົາ​ເຈົ້າ​ເວົ້າແບບ​ກົງໄ​ປ. ອີຣ່ານ​ແມ່ນ ພາກັນ​ໝັ້ນ​ໝາຍ ​ຕໍ່​ຂໍ້ຕົກລົງ. ​ເຂົາ​ເຈົ້າ​ເຂົ້າ​ໃຈ​ວ່າ ​ຮ່າງ​ກົດໝາຍ​ປະ​ເພດ​ນີ້​ເຊັ່ນວ່າການ​ລົງ​ໂທດ​ອີຣ່ານທີ່​ໄດ້​ເລີ້​ມ​ມີ​ຜົນ​ບັງຄັບ​ໃຊ້​ມາ​ດົນ​ນານ​ແລ້ວ ສິ່ງ​ເຫລົ່າ​ນີ້​ມີ​ທ່າ​ທາງ​ວ່າ​ຈະ​ໄດ້​ຮັບ​ການ​ຕໍ່​ອາຍຸ​ຕື່ມອີກ.”

ການລົງ​ຄະ​ແນນ​ສຽງຢູ່​ໃນ​ສະພາ​ສູງ​ໃນ​ວັນ​ພະຫັດ​ວານ​ນີ້ ​ແມ່ນ 99 ຕໍ່ 0 ພ້ອມ​ດ້ວຍມີ​ຜູ້ ​ບໍ່ສັງກັດ​ພັກ​ພຽງ​ຄົນ​ດຽວທ່ານ Bernie Sanders ​ຈາກ​ລັດ Vermont ບໍ່​ໄດ້​ອອກສຽງ​. ຮ່າງ​ກົດໝາຍນີ້ ​ຜ່ານສະພາ​ຕໍ່າ​ດ້ວຍ​ຄະ​ແນນ​ສຽງ 419 ຕໍ່ 1 ​ໃນ​ເດືອນ​ແລ້ວ​ນີ້.

ບັນດາ​ສະມາຊິກ​ຈາກທັງ​ສອງ​ພັກ​ກການເມືອງໄດ້​ໂຕ້​ຖຽງ​ກັນ​ວ່າ ສະຫະລັດ​ຕ້ອງ​ຮັກສາ​ຄວາມສາມາດໃນການຄວບຄຸມ​ກ່ຽວ​ກັບ​ອີຣ່ານ.

ເວລານັ້ນຍັງເປັນຜູ້ສະໝັກ ປະທານາທິບໍດີ ທ່ານ Donald Trump ກ່າວຢູ່ການເຕົ້າໂຮມທີ່ລັດຖະສະພາວ່າ ຈະຄັດຄ້ານຕໍ້ຂໍ້ຕົກລົງນິວເຄລຍກັບອີຣ່ານ.
ເວລານັ້ນຍັງເປັນຜູ້ສະໝັກ ປະທານາທິບໍດີ ທ່ານ Donald Trump ກ່າວຢູ່ການເຕົ້າໂຮມທີ່ລັດຖະສະພາວ່າ ຈະຄັດຄ້ານຕໍ້ຂໍ້ຕົກລົງນິວເຄລຍກັບອີຣ່ານ.

ຜູ້ນຳສຽງສ່ວນຫຼາຍໃນສະມາຊິກ​ສະພາ​ສູງທ່ານ Mitch McConnell ທີ່ສັງກັດພັກຣີພັບ​ບລິ​ກັນ​ຈາກ​ລັດ Kenturkey ກ່າວ​ວ່າ “ການຮັກສາ​ການ​ລົງ​ໂທດເຫຼົ່ານີ້ເອົາໄວ້​ເປັນ​ເລື້ອງ ສຳຄັນໃນເມື່ອວ່າ​ອີຣ່ານ​ ໄດ້ມີ​ຮູບແບບ​ການປະພຶດທີ່ຮຸກຮານ ​ແລະ​ຄວາມ​ພະຍາຍາມ​ທີ່​ ບໍ່​ຢຸດ​ຢັ້ງ​ໃນ​ການ​ຂະຫຍາຍ​ອິດທິພົນຂອງຕົນ ຢູ່​ທົ່ວພາກ​ຕາ​ເວັນ​ອອກ​ກາງ.”

ທ່ານ McConnell ກ່າວ​ເພີ້​ມ​ອີກ​ວ່າ “ການລົງໂທດ​ເຫລົ່າ​ນີ້​ຕ້ອງໄດ້​ຮັກສາ​ໄວ້​ຢູ່​ກັບ​ບ່ອນ ​ໃນ​ຂະນະ​ທີ​ພວກ​ເຮົາ​ຫາທາງແກ້ໄຂຢູ່ວ່າຈະຈັ່ງຢ່າງ​ໃດຈຶ່ງຈະ​ດີ​ທີ່ສຸດເພື່ອຮັບມືກັບ​ການ​ທົດ​ລອງ​ລູກ​ສອນ​ໄຟຂອງອີຣ່ານ ການ​ໃຫ້ຄວາມສະໜັບສະໜູ​ແກ່​ກຸ່ມ Hezbollah ​ແລະ​ການສະໜັບສະໜູນ​ລະບອບການປົກຄອງໃນ​ຊີ​ເຣຍ.

ປະທານຄະນະກຳມະການຄວາມສຳພັນຕ່າງປະເທດຂອງສະພາສູງ ທ່ານ Bob Corker ພັກຣີພັບບລິກັນ ຈາກລັດ Tennessee ສົນທະນາກັບບັນດານັກຂ່າວ.
ປະທານຄະນະກຳມະການຄວາມສຳພັນຕ່າງປະເທດຂອງສະພາສູງ ທ່ານ Bob Corker ພັກຣີພັບບລິກັນ ຈາກລັດ Tennessee ສົນທະນາກັບບັນດານັກຂ່າວ.

ກົດໝາຍການລົງໂທດ ຊຶ່ງໄດ້ຮ່າງຂຶ້ນເມື່ອ​ສອງ​ທົດ​ສະ​ວັດ​ກ່ອນ ແມ່ນມີຈຸດປະສົງທີ່ຈະ ແກ້ໄຂຄວາມ​ເປັນ​ຫ່ວງ​ທີ່ມີມາຍາວ​ນານ​ຂອງ​ສະຫະລັດ ເຊັ່ນການ​ໃຫ້ຄວາມ​ສະໜັບສະ ໜູນ​ຂອງອີຣ່ານຕໍ່ພວກ​ກໍ່​ການ​ຮ້າຍນາໆຊາດ. ການ​ຍົ​ກເລີກສ່ວນນຶ່ງຂອງການລົງ​ໂທດພາຍ​ໃຕ້​ຂໍ້​ຕົກລົງ​ນິວເຄລຍທີ່ມີການຈັດຕັ້ງປະຕິບັດ​ໃນ​ປີ​ກາຍ​ນີ້ ບັນດາ​ສະມາຊິກ​ສະພາ​ກ່າວ​ວ່າ ການ​ລົງ​ໂທດ​ຄວນຈະ​ຮັກສາ​ໄວ້​ຕໍ່ໄປ.

ອ່ານຂ່າວນີ້ເພີ້ມເປັນພາສາອັງກິດ

Congress Iran Sanctions
please wait

No media source currently available

0:00 0:00:55 0:00

ລາຍການກະຈາຍສຽງຂອງວີໂອເອ ລາວ ຜ່ານໂທລະພາບ

ສົດ ລາຍການວິທະຍຸ-ໂທລະພາບຂອງວີໂອເອລາວ ວັນທີ 30 ພຶດສະພາ 2024

XS
SM
MD
LG