ລິ້ງ ສຳຫລັບເຂົ້າຫາ

ສຫລ ຕ້ອງຕັດສິນໃຈ ໂດຍໄວ ກ່ຽວກັບ ງົບປະມານ ປີ 2014 (ວີດີໂອ)


ປະທານາທິບໍດີ Barack Obama ​ຮຽກຮ້ອງ​ໃຫ້ລັດຖະສະພາ
ຈົ່ງ​ຮີບ​ຮ້ອນຮັບ​ຜ່ານ​ແຜນການ​ໃຊ້​ຈ່າຍ ​ແລະ​ເພີ້​ມຂອບ​ເຂດໃນ
ການ​ຢືມ​ເງິນ​ຂອງ​ປະ​ເທດ ​ເພື່ອ​ບໍ່​ໃຫ້​ປະ​ເທດ​ ຜິດສັນຍາ​ໃນ​ການ
​ຈ່າຍ​ໜີ້​ສິນ​ຂອງ​ຕົນ.

ທ່ານ Obama ກ່າວ​ໃນ​ວັນ​ຈັນ​ວານ​ນີ້​ວ່າ ມັນຈະ​ເປັນ​ການ
“ຂາດຄວາມຮັບຜິດ ຊອບຢ່າງສູງ” ຖ້າ​ຫາກ​ລັດຖະສະພາບໍ່
ໃຫ້ການ​ອະນຸມັດງົບປະມານປະຈໍາປີ ທີ່​ຈະ​ເລີ້ມ​ໃນ​ວັນ​ທີ 1
ເດືອນ​ຕຸລານີ້ ຫລື​ບໍ່​ສາມາດເພີ້​ມ​ເພດານ​ໜີ້ສິນຂອງ​ປະ​ເທດ
16 ພັນ 700 ​ຕື້​ໂດ​ລາ ທີ່ຄາດ​ວ່າ ​ຈະ​ເຖິງລະດັບ​ດັ່ງ​ກ່າວ​ໃນ
​ບໍ່​ເທົ່າໃດອາທິດ​ນັ້ນ.

ທ່ານ​ Obama ​ເວົ້າວ່າ “ລັດຖະສະພາ ຈຳ​ເປັນຕ້ອງເສັດ​ສິ້ນ ​ໂດ​ຍບໍ່​ຕ້ອງ​ກໍ່​ໃຫ້ ​ເກີດວິ​ກິດ
​ການຂຶ້ນ​ອີກ ​ໂດຍປາດ​ສະ​ຈາກ​ການ​ປິດ​ລັດຖະບານ​ຂອງ​ເຮົາ ຫລື​ຮ້າຍ​ໄປ​ກວ່າ​ນັ້ນ ຂົ່ມຂູ່
ທີ່​ຈະ​ບໍ່​ຈ່າຍ​ໜີ້ສິນຂອງ​ປະ​ເທດ.”

ທ່ານ Obama ຊຶ່ງສັງກັດ​ພັກ​ເດ​ໂມ​ແກຣັດ ​ທີ່​ໄດ້​ເຂົ້າກຳຕໍາແໜ່ງປະທານາທິ ບໍດີ​ເປັນ​ປີ​ທີ​
ຫ້າ​ແລ້ວ ມັກ​ມີ​ການ​ຜິດ​ຖຽງ​ກັນ​ກັບພັກເຣພັບ​ບລິ​ກັນ ຊຶ່ງ​ເປັນ​ພັກ ຝ່າຍ​ຄ້ານຢູ່​ໃນ​ລັດຖະສະ
ພາກ່ຽວ​ກັບ​ການ​ໃຊ້​ຈ່າຍ​ຂອງ​ລັດຖະບານ ອັດຕາການ​ເກັບ​ພາສີ ​ແລະ​ໜີ້​ສີນ​ຂອງ​ປະ​ເທດ​
ໃນ​ລະຍະ​ຍາວ. ຖ້າ​ຫາກ​ວ່າ ທໍານຽບຂາວ ​ແລະ​ລັດຖະສະພາ ບໍ່​ສາມາດຕົກລົງ​ກັນ​ໄດ້ ​ກ່ຽວ
​ກັບ​ແຜ​ນການ​ໃຊ້​ຈ່າຍຂອງ​ປີ 2014 ​ແລ້ວ ​ການ​ປິດ​ຫ້ອງການຂອງ​ລັດຖະບານບາງ​ສ່ວນ
ອາດ​ເກີດ​ຂື້ນ​ໃນ​ວັນ​ທີ 1 ​ຕຸລາ. ຖ້າ​ຫາກເພດານການ​ກູ້​ຝືມ​ບໍ່ເພີ້​ມຂື້ນ​ແລ້ວລັດຖະບານຈະ​ບໍ່
​ສາມາດ​ ເສຍ​ຄ່າ​ໃຊ້​ຈ່າຍ​ຕ່າງໆໄດ້ທັງ​ໝົດ.

ປະທານ​ສະພາຕໍ່າ ສັງກັດ​ພັກ​ເຣພັບ​ບລິ​ກັນ ທ່ານ John Boehner ກ່າວວ່າ ປະທານາທິ
ບໍດີ ຄວນເຮັດ​ວຽກ​ໃນ​ວິທີ​ທີ່​ມີ​ການ​ຮ່ວມ​ມື​ກັນ​ລະຫວ່າງ​ສອງ​ພັກ​ການ ​ເມືອງ ​ເພື່ອແກ້​ໄຂ​ບັນ
ຫາ​ການ​ໃຊ້​ຈ່າຍ​ຂອງ​ປະ​ເທດ. ທ່ານ​ກ່າວ​ໃ​ນວັນ​ຈັນ​ວານ​ນີ້​ວ່າ “ເປັນ​ທີ່​ອັບອາຍ​ທີ່ປະທາ​ນາ
​ທິບໍດີບໍ່​ສາມາດ​ວາງ​ຕົວ​ຢູ່​ເໜືອພັກ​ການ​ເມືອງທັງ ສອງ​ໄດ້​ ໃນ​ທຸກວັນ​ນີ້.”
XS
SM
MD
LG