ລັດຖະສະພາ ສະຫະລັດ ໄດ້ຮັບຜ່ານໃນນາທີສຸດທ້າຍການ
ຕໍ່ອາຍຸໃຫ້ທຶນລັດຖະບານສອງມື້ ກ່ອນການປິດລັດຖະບານລົງ.
ພຽງບໍ່ເທົ່າໃດຊົ່ວໂມງ ກ່ອນກຳນົດເສັ້ນຕາຍທ່ຽງຄືນ ໃນຕອນ
ແລງຂອງວັນພະຫັດວານນີ້ ສະພາສູງ ໄດ້ຮັບຜ່ານມາດຕະ
ການດ່ັງກ່າວ ບໍ່ເທົ່າໃດນາທີ ຫລັງຈາກ ໄດ້ຮັບຜ່ານ ໂດຍຜູ້
ແທນສະພາຕໍ່າ.
ເຖິງແມ່ນການຂົ່ມຂູ່ ທີ່ຈະປິດລັດຖະບານລົງໂດຍທັນທີນັ້ນ ໄດ້
ຖືກຍົກເລີກໄປແລ້ວກໍຕາມ ແຕ່ສະພາສູງສະຫະລັດ ກໍມີພ່ຽງ
ແຕ່ສອງມື້ເທົ້ານັ້ນ ທີ່ຈະຮັບຜ່ານ ຮ່າງງົບປະມານໃຊ້ຈ່າຍ 1 ພັນ
1 ຮ້ອຍ ຕື້ ໂດລາ ສຳລັບປີ 2015.
ອຸບປະສັກອັນໃຫຽຫຼວງ ໄດ້ເປັນທີ່ແຈ້ງຂາວໃນວັນພະຫັດວານນີ້ ເວລາ ສະພາຕຳ່ລົງ
ຄະແນນສຽງ 219ສຽງ ຕໍ່ 206 ເພື່ອຮັບຜ່ານມາດຕະການໃຊ້ຈ່າຍດັ່ງກ່າວ.
ປະທານສະພາຕໍ່າ ພັກຣີພັບບລິກັນ ທ່ານ John Boehner ໄດ້ເຕືອນບັນດາຜູ້ແທນສະພາ
ວ່າ ຖ້າຫາກເຂົາເຈົ້າ ບໍ່ຜ່ານຮ່າງກົດໝາຍ ໃນວັນພະຫັດ ທີ່ວ່ານັ້ນ ເຖິງແມ່ນຈະເປັນມາດ
ຕະການໃຫ້ທຶນພຽງຊົ່ວຄາວກໍຕາມ ພວກເຂົາເຈົ້າຈະຕ້ອງໄດ້ຢູ່ ໃນວໍຊໍງຕັນຕໍ່ໄປ ຈົນຮອດ
ມື້ບຸນຄຣິສມັສ ວັນທີ່ 25 ເດືອນທັນວາ.
ບັນດາຜູ້ແທນສະພາທັງສອງຝ່າຍ ແລະປະທານາທິບໍດີ Barack Obama ໄດ້ຮຽກຮ້ອງ
ໃຫ້ມີການຮັບຜ່ານ ເຖິງແມ່ນວ່າ ພັກຍິຍົມແນວທາງເດີມ ຣີພັບບລິກັນ ໂກດແຄ້ນຕໍ່ສິ່ງທີ່
ບໍ່ປາກົດຢູ່ໃນຮ່າງກົດໝາຍ ແລະພັກເສຣີ ເດໂມແຄຣັດ ມີຄວາມເສຍໃຈແດ່ກໍຕາມ.
