ລິ້ງ ສຳຫລັບເຂົ້າຫາ

ກຸ່ມ M23 ກ່າວວ່າ ຕົນຈະຖອນ ກຳລັງ ອອກຈາກ ເມືອງ Goma (ສະໄລດ໌)


ກຸ່ມກະບົດ M23 ລາດຕະເວນ ໃນບໍລິເວນທະນາຄານກາງ ໃນເມືອງ Goma ທາງພາກຕາເວັນອອກຂອງ ຄອງໂກ
ກຸ່ມກະບົດ M23 ໃນຄອງໂກກ່າວວ່າ ຕົນຈະຖອນກອງກໍາລັງ
ອອກຈາກເມືອງ Goma ທີ່ຍຶດໄດ້ ຫຼັງຈາກໄດ້ພົບປະກັບບັນດາ
ຜູ້ບັນຊາການຂອງກອງທັບ ອູການດາ ຣວັນດາ ແລະ ສາທາ
ລະນະລັດປະຊາທິປະໄຕຄອງໂກ ແລ້ວນັ້ນ.

ທ່ານ Rene Abandi ຜູ້ອໍານວຍການຄວາມສໍາພັນພາຍນອກ
ຂອງກຸ່ມ M23 ໄດ້ບອກກັບ VOA ພາກພາສາຝຣັ່ງ ໄປຫາອາຟຣິກາໃນວັນອັງຄານມື້ນີ້ວ່າ
ຜູ້ບັນຊາການທະຫານຂອງ ກຸ່ມກະບົດໃຫ້ຄຳໝັ້ນສັນຍາວ່າ ກຳລັງຂອງທ່ານຈະຖອນອອກ
ຈາກເມືອງ Goma ໂດຍໄວ ເທົ່າທີ່ຈະໄວໄດ້. ພວກກະບົດກ່າວວ່າ ການຖອນຕົວດັ່ງກ່າວນີ້
ບໍ່ແມ່ນມມາຈາກຄວາມກົດດັນໃດໆ ແຕ່ເປັນຮ່ອງຮອຍທີ່ສະແດງໃຫ້ເຫັນເຖິງຄວາມຕັ້ງໃຈ
ໃນການຢາກເປີດການເຈລະ ຈາກັບລັດຖະບານ.

ພວກຜູ້ນໍາໃນຂົງເຂດ ຊຶ່ງຮວມທັງ ປະທານາທິບໍດີສາທາລະນະລັດປະຊາທິປະໄຕຄອງໂກ
ທ່ານ Joshep Kabila ໄດ້ທວງໃຫ້ກຸ່ມກະບົດ M23 ຖອນອອກຈາກເມືອງ Goma
ພາຍໃນແລງວັນຈັນວານນີ້.

ກຸ່ມກະບົດ M23 ໄດ້ເຂົ້າຍຶດເອົາເມືອງ Goma ທາງພາກຕາເວັນອອກຂອງຄອງໂກໃນ
ອາທິດແລ້ວນີ້ແລະຕໍ່ຈາກນັ້ນມາກໍໄດ້ຍຶດເອົາເມືອງ Sake ທາງພາກຕາເວັນຕົກ. ກຸ່ມດັ່ງ
ກ່າວ ເວົ້າວ່າພວກຕົນຈະໂຄ່ນລົ້ມລັດຖະບານທ່ານ Kabila.

XS
SM
MD
LG