ການສູດມົນຄັ້ງພິເສດໄດ້ຖືກຈັດຂຶ້ນໃນໂບດກາໂຕລິກ ເຊັ້ນ ໂຈເຊັຟ (St. Joseph)
ໃນນະຄອນຫຼວງ ຄິນຊາຊາ (KINSHASA) ປະເທດ ສາທາລະນະລັດ ປະຊາທິປະ
ໄຕ ຄອງໂກ. ຜູ້ສັດທາບາງຄົນໄດ້ພາກັນຮ້ອງໄຫ້. ຄົນອື່ນໆໄດ້ນັ່ງຊຶງ. ພະສັນຕະປາ
ປາ, ທີ່ນຸ່ງຊຸດສີແດງ, ໄດ້ຍ່າງຂຶ້ນໄປແທ່ນກ່າວຄຳປາໄສຢູ່ບ່ອນບູຊາ.
ເພິ່ນໄດ້ກ່າວວ່າ “ພວກເຮົາຕ້ອງບໍ່ລືມຄວາມທຸກທໍລະມານ.” ໃນສອງສາມ
ເດືອນທີ່ຜ່ານມາ, ຢ່າງນ້ອຍສິບຄົນໄດ້ຖືກຂ້າຕາຍໃນການຊຸມນຸມ ສະໜັບສະໜູນປະ
ຊາທິປະໄຕ ທີ່ຖືກຈັດຂຶ້ນໂດຍໂບດ, ໃນຂະນະທີ່ປະເທດສາທາລະນະລັດ ປະຊາທິປະ
ໄຕ ຄອງໂກ ໄດ້ກະກຽມ ສຳລັບການເລືອກຕັ້ງ ທີ່ຖືກເລື່ອນເວລາມາດົນນານໄປໃສ່ວັນ
ທີ 23 ທັນວາປີນີ້.
ໂບດກາໂຕລິກ ແມ່ນກຳລັງທີ່ມີອຳນາດໃນປະເທດ ຄອງໂກ. ເກືອບເຄິ່ງນຶ່ງຂອງປະຊາ
ຊົນ 78 ລ້ານຄົນ ໃນປະເທດ ແມ່ນສະມາຊິກຂອງໂບດນັ້ນ. ຫຼາຍຄົນເວົ້າວ່າ ເຂົາເຈົ້າ
ໄດ້ຮັບແຮງບັນດານໃຈ ຈາກການຮຽກຮ້ອງສຳລັບການປົກຄອງທີ່ດີຢ່າງສະໝ່ຳສະເໝີ
ຂອງໂບດດັ່ງກ່າວ.
ແຕ່ນັບຕັ້ງແຕ່ນັ້ນມາ ການປະທ້ວງຕໍ່ຕ້ານລັດຖະບານກໍໄດ້ເລີ່ມຂຶ້ນໃນຕົ້ນປີ 2017,
ກອງກຳລັງຮັກສາຄວາມປອດໄພ ແມ່ນໄດ້ແນເປົ້າໝາຍ ໃສ່ຜູ້ໄປໂບດບາງຄົນ, ຄືທ້າວ
ເກີທຣູດ ເອຄົມເບ (Gertrude Ekombe).
ທ້າວ ເອຄົມເບ ໄດ້ເວົ້າວ່າ “ພວກເຮົາບໍ່ໄດ້ກັບບ້ານໄປຫາຄອບຄົວຂອງພວກເຮົາ.
ພວກເຮົາໄດ້ອາໄສຢູ່ຢ່າງເລິກລັບ ນັບຕັ້ງແຕ່ເດືອນມັງກອນຈົນຮອດມື້ນີ້. ເພື່ອຄວາມ
ປອດໄພຂອງພວກເຮົາ, ພວກເຮົາໄດ້ແຈ້ງໃຫ້ອົງການ MONUSCO ຂອງສະຫະປະ
ຊາຊາດຮູ້ ກ່ຽວກັບ ການເຄື່ອນໄຫວຂອງພວກເຮົາ ແລະ ຕົວແທນຂອງເຂົາເຈົ້າຈະ
ອອກໄປກ່ອນພວກເຮົາ ທຸກໆເທື່ອທີ່ເຮົາອອກໄປຂ້າງນອກ.”
ທ້າວ ເອຄົມເບ ກ່າວວ່າ ລາວຮູ້ເດັກຍິງນ້ອຍຄົນນຶ່ງໄດ້ຖືກຂ້າຕາຍໃນລະຫວ່າງການປະ
ທ້ວງ, ແລະ ອີກຄົນນຶ່ງ ຜູ້ທີ່ຄາງກະໄຕຂອງລາວ “ເກືອບຫັກ.”
ອີກຄົນນຶ່ງທີ່ຖືກຂ້າຕາຍໃນການປະທ້ວງ ແມ່ນຮອງສາສະດາຈານໜຸ່ມຄົນນຶ່ງ, ຊື່ວ່າ
ຣອສຊີ ມູເຄັນດີ (Rossy Mukendi). ນ້ອງສາວຂອງລາວ, ນາງ ມີຣີແອລ ທິມັງກາ
(Mirielle Timanga), ໄດ້ກ່າວວ່າ ຄອບຄົວຂອງລາວມັກຈະເປັນຫ່ວງ ກ່ຽວກັບ ການ
ເຄື່ອນໄຫວຕໍ່ຕ້ານລັດຖະບານຂອງລາວ.