ນາຍົກລັດຖະມົນຕີ Israel ທ່ານ Benjamin Netanyahu
ກ່າວວ່າ ທ່ານຕ້ອງການຢາກມີສັນຕິພາບ ກັບຊາວປາແລສໄຕ
ແລະຫວັງວ່າ ລັດຖະມົນຕີຕ່າງປະເທດສະຫະລັດ ທ່ານ John
Kerry ທີ່ກຳລັງຢ້ຽມຢາມພາກຕາເວັນອອກກາງໃນເວລານີ້
ສາມາດນຳເອົາການເຈລະຈານີ້ກັບ ຄືນໄປສູ່ບ່ອນທີ່ການຕົກ
ລົງຄັ້ງປະຫວັດສາດ ສາມາດບັນລຸກັນໄດ້.
ທ່ານ Netanyahu ໄດ້ໃຫ້ຄວາມເຫັນດັ່ງກ່າວ ຂະນະທີ່
ທ່ານຢືນຄຽງຂ້າງທ່ານແຄຣີ ໃນຂະນະທີ່ທັງ 2 ທ່ານ ເລີ້ມ
ປະຊຸມ ໃນວັນພຸດມື້ນີ້ ທີ່ກຸງ Jerusalem. ຜູ້ນໍາຂອງ
Israel ໄດ້ກ່າວແບບສະຫງວນທ່າທີກ່ຽວກັບການເຈລະຈາ
ສັນຕິພາບ ທີ່ໄດ້ເລີ້ມມາເປັນເວລາ 3 ເດືອນແລ້ວ ນັ້ນ. ທ່ານເວົ້າວ່າ“ຂ້າພະເຈົ້າ
ເປັນຫວ່ງ ກ່ຽວກັບຄວາມກ້າວໜ້າ ເພາະວ່າ ຂ້າພະເຈົ້າເຫັນຊາວປາແລສໄຕ
ຍັງສືບຕໍ່ ຍຸຍົງເກາະຜິດຍັງສືບຕໍ່ສ້າງວິກິດການທີ່ບໍ່ແທ້ຈິງຂຶ້ນແລະຍັງສືບຕໍ່
ຫລີກລ່ຽງແລະຫລົບໜີ ການຕັດສິນໃຈຄັ້ງປະຫວັດສາດ ທີ່ມີຄວາມຈໍາເປັນທີ່ຈະ
ສ້າງສັນຕິພາບຢ່າງແທ້ຈິງ.”
ທ່ານ Kerry ຜູ້ຊຶ່ງໄດ້ພົບປະກັບ ກັບທ່ານປະທານາທິບໍດີ Mahmoud Abbas ໃນວັນພຸດ
ມື້ນີ້ ກ່າວວ່າ ມັນຈະມີຄວາມຫຍຸ້ງຍາກ ແລະເຄັ່ງຕຶງສະເໝີ ໃນການເຈລະຈາກັນ ແຕ່ວ່າ
ທ່ານກໍໝັ້ນໃຈວ່າ ທັງສອງຝ່າຍຈະສາມາດເຮັດວຽກຜ່ານຜ່າເລື່ອງເຫຼົ່ານີ້ນໍາກັນໄດ້. ທ່ານ
ກ່າວວ່າ ທັງຝ່າຍ Israel ແລະປາແລສໄຕ ຕ່າງກໍມີຄວາມຈໍາເປັນທີ່ຈະຕ້ອງປະນີປະນອມ
ແລະມີການຕັດສິນໃຈທີ່ລໍາບາກ ເພື່ອໃຫ້ບັນລຸເປົ້າໝາຍຂອງຕົນ.
ທ່ານຍັງໄດ້ກ່າວເຖິງ ຄວາມເປັນຫວ່ງເປັນໃຍ ຂອງທ່ານ Netanyahu ທີ່ວ່າມະຫາ
ອຳນາດຂອງໂລກ ອາດຈະເຈລະຈາຫາທາງຕົກລົງກັບອີຣ່ານ ທີ່ຈະຫລຸດຜ່ອນການລົງ
ໂທດຕໍ່ປະເທດດັ່ງກ່າວ ເພື່ອເປັນການຕອບແທນ ຕໍ່ສິ່ງໃດກໍຕາມທີ່ໜ້ອຍໄປກວ່າການ
ທັບມ້າງໂດຍສິ້ນເຊີງ ຕໍ່ໂຄງການກັ່ນທາດຢູເຣນຽມຂອງອີຣ່ານນັ້ນ.
ທ່ານ Kerry ກ່າວວ່າ ຈຸດປະສົງຂອງພວກເຮົານັ້ນ ແມ່ນຢາກໃຫ້ອີຣານ ມີແຕ່ໂຄງການ
ນິວເຄລຍ ໃນທາງສັນຕິເທົ່ານັ້ນ. ແລະທີ່ຈິງແລ້ວ ພວກເຮົາຕ້ອງໃຫ້ເປັນທີ່ແນ່ໃຈວ່າ
ມັນເປັນໜ້າ ທີ່ຂອງພວກເຮົາ ເປັນຄວາມຮັບຜິດຊອບຂອງໂລກ ເພື່ອຢາກຮູ້ຈັກຢ່າງ
ແນ່ນອນວ່າ ມັນເປັນໂຄງການໃນທາງສັນຕິ ແລະບໍ່ມີຄວາມສາມາດທີ່ຈະຜະລິດອາວຸດ
ທີ່ມີອະນຸພາບຮ້າຍແຮງໄດ້.
ກ່າວວ່າ ທ່ານຕ້ອງການຢາກມີສັນຕິພາບ ກັບຊາວປາແລສໄຕ
ແລະຫວັງວ່າ ລັດຖະມົນຕີຕ່າງປະເທດສະຫະລັດ ທ່ານ John
Kerry ທີ່ກຳລັງຢ້ຽມຢາມພາກຕາເວັນອອກກາງໃນເວລານີ້
ສາມາດນຳເອົາການເຈລະຈານີ້ກັບ ຄືນໄປສູ່ບ່ອນທີ່ການຕົກ
ລົງຄັ້ງປະຫວັດສາດ ສາມາດບັນລຸກັນໄດ້.
ທ່ານ Netanyahu ໄດ້ໃຫ້ຄວາມເຫັນດັ່ງກ່າວ ຂະນະທີ່
ທ່ານຢືນຄຽງຂ້າງທ່ານແຄຣີ ໃນຂະນະທີ່ທັງ 2 ທ່ານ ເລີ້ມ
ປະຊຸມ ໃນວັນພຸດມື້ນີ້ ທີ່ກຸງ Jerusalem. ຜູ້ນໍາຂອງ
Israel ໄດ້ກ່າວແບບສະຫງວນທ່າທີກ່ຽວກັບການເຈລະຈາ
ສັນຕິພາບ ທີ່ໄດ້ເລີ້ມມາເປັນເວລາ 3 ເດືອນແລ້ວ ນັ້ນ. ທ່ານເວົ້າວ່າ“ຂ້າພະເຈົ້າ
ເປັນຫວ່ງ ກ່ຽວກັບຄວາມກ້າວໜ້າ ເພາະວ່າ ຂ້າພະເຈົ້າເຫັນຊາວປາແລສໄຕ
ຍັງສືບຕໍ່ ຍຸຍົງເກາະຜິດຍັງສືບຕໍ່ສ້າງວິກິດການທີ່ບໍ່ແທ້ຈິງຂຶ້ນແລະຍັງສືບຕໍ່
ຫລີກລ່ຽງແລະຫລົບໜີ ການຕັດສິນໃຈຄັ້ງປະຫວັດສາດ ທີ່ມີຄວາມຈໍາເປັນທີ່ຈະ
ສ້າງສັນຕິພາບຢ່າງແທ້ຈິງ.”
ທ່ານ Kerry ຜູ້ຊຶ່ງໄດ້ພົບປະກັບ ກັບທ່ານປະທານາທິບໍດີ Mahmoud Abbas ໃນວັນພຸດ
ມື້ນີ້ ກ່າວວ່າ ມັນຈະມີຄວາມຫຍຸ້ງຍາກ ແລະເຄັ່ງຕຶງສະເໝີ ໃນການເຈລະຈາກັນ ແຕ່ວ່າ
ທ່ານກໍໝັ້ນໃຈວ່າ ທັງສອງຝ່າຍຈະສາມາດເຮັດວຽກຜ່ານຜ່າເລື່ອງເຫຼົ່ານີ້ນໍາກັນໄດ້. ທ່ານ
ກ່າວວ່າ ທັງຝ່າຍ Israel ແລະປາແລສໄຕ ຕ່າງກໍມີຄວາມຈໍາເປັນທີ່ຈະຕ້ອງປະນີປະນອມ
ແລະມີການຕັດສິນໃຈທີ່ລໍາບາກ ເພື່ອໃຫ້ບັນລຸເປົ້າໝາຍຂອງຕົນ.
ທ່ານຍັງໄດ້ກ່າວເຖິງ ຄວາມເປັນຫວ່ງເປັນໃຍ ຂອງທ່ານ Netanyahu ທີ່ວ່າມະຫາ
ອຳນາດຂອງໂລກ ອາດຈະເຈລະຈາຫາທາງຕົກລົງກັບອີຣ່ານ ທີ່ຈະຫລຸດຜ່ອນການລົງ
ໂທດຕໍ່ປະເທດດັ່ງກ່າວ ເພື່ອເປັນການຕອບແທນ ຕໍ່ສິ່ງໃດກໍຕາມທີ່ໜ້ອຍໄປກວ່າການ
ທັບມ້າງໂດຍສິ້ນເຊີງ ຕໍ່ໂຄງການກັ່ນທາດຢູເຣນຽມຂອງອີຣ່ານນັ້ນ.
ທ່ານ Kerry ກ່າວວ່າ ຈຸດປະສົງຂອງພວກເຮົານັ້ນ ແມ່ນຢາກໃຫ້ອີຣານ ມີແຕ່ໂຄງການ
ນິວເຄລຍ ໃນທາງສັນຕິເທົ່ານັ້ນ. ແລະທີ່ຈິງແລ້ວ ພວກເຮົາຕ້ອງໃຫ້ເປັນທີ່ແນ່ໃຈວ່າ
ມັນເປັນໜ້າ ທີ່ຂອງພວກເຮົາ ເປັນຄວາມຮັບຜິດຊອບຂອງໂລກ ເພື່ອຢາກຮູ້ຈັກຢ່າງ
ແນ່ນອນວ່າ ມັນເປັນໂຄງການໃນທາງສັນຕິ ແລະບໍ່ມີຄວາມສາມາດທີ່ຈະຜະລິດອາວຸດ
ທີ່ມີອະນຸພາບຮ້າຍແຮງໄດ້.
