ລິ້ງ ສຳຫລັບເຂົ້າຫາ

ທ່ານ Comey ກ່າວວ່າ ປ. ທຣຳ ຕ້ອງການ ໃຫ້ທ່ານ ຈົງຮັກພັກດີ


ຮອງປະທານາທິບໍດີ ທ່ານ Mike Pence (ຊ້າຍ) ແລະ ຜູ້ອຳນວຍໜ່ວຍຄຸ້ມກັນ ປະທານາທິບໍດີ ທ່ານ Joseph Clancy ຢືນຢູ່ໃນເວລາ ປະທານາທິບໍດີດໍໂນລ ທຣໍາ ຈັບມືກັບ ຜູ້ອຳນວຍການອົງການສັນຕິບານກາງ FBI ທ່ານ James Comey.

ລາຍ​ງານ​ຢູ່​ໃນ​ໜັງ​ສື​ພິມ​ທີ່​ສຳຄັນ​ຂອງ​ສະຫະລັດສະບັບ​ນຶ່ງ ​ໃນ​ຕອນ​ແລງ​ວັນ​ພະຫັດ​
ວາ​ນີ້ກ່າວ​ວ່າ ປະທານາທິບໍດີ ດໍ​ໂນ​ລ ທຣໍາ ​ໄດ້ຮຽກໂຕ​ຜູ້ອຳນວຍການ ອົງການ​ສັນຕິ
ບານ​ກາງ ຫລື FBI ທ່ານ James Comey ​ໄປ​ທຳນຽບຂາວ ​ໃນ​ເດືອນ​ມັງກອນ ບ່ອນ​
ທີ່​ປະທານາທິບໍດີ​ໄດ້​ຖາມ​ທ່ານ Comey ​ໃຫ້ “ສາບານ​ວ່າ​ຈະ​ຈົງ​ຮັກ​ພັກດີ​ຕໍ່​ທ່ານ.”

ທ່ານ Comey ​ໄດ້​ຖືກ​ປົດອອກ​ຈາກ​ໜ້າ​ທີ່ ​ໂດຍປະທານາທິບໍດີ​ທຣໍາ ​ໃນ​ວັນ​ອັງຄານ​
ທີ່​ຜ່ານ​ມາ ທີ່ໄດ້​ກໍ່​ໃຫ້​ເກີດ​ອາຍຸ​ການ​ເມືອງແລະ​ສ້າງ​ຄວາມ​ເປັນ​ຫ່ວງໃຫ້ ບາງພາກ
ສ່ວນກ່ຽວ​ກັບ​ວິ​ກິ​ດການ​ລັດຖະທຳ​ມະນູນ.

ໜັງສືພິມ New York Times ກ່າວ​ວ່າ ທ່ານ Comey ​ໄດ້​ປະຕິ​ເສດ​ທີ່​ຈະ​ໃຫ້​ຄຳ​ສາ
ບານ ​ແຕ່​ແທນ​ທີ່​ ໄດ້​ບອກ​ແກ່ປະທານາທິບໍດີ​ທຣໍາວ່າ ທ່ານ​ຈະ “ສື່​ສັດ​ຕໍ່​ທ່ານ​ຢູ່​ສະ​ເໝີ.” ປະທານາທິບໍດີ​ທຣໍາ ​ໄດ້ກົດ​ດັນທ່ານ Comey ຫລາຍ​ເທື່ອ​ກ່ຽວ​ກັບ​ຄວາມ​ຈົງ​ຮັກ​ພັກດີ
​ແລະ​ໃນ​ທີ່ສຸດ ທ່ານ Comey ກ່າວ​ຕໍ່​ປະທານາທິບໍດີ​ທຣໍາວ່າ ທ່ານ​ຈະ​ໄດ້​ຮັບ​ “ຄວາມ
ຈົງ​ຮັກ​ພັກ​ດີທີ່​ສື່​ສັດ” ຂອງຜູ້ອຳນວຍ ການອົງການ FBI ອີງ​ຕາ​ມລາຍ​ງານຂ່າວ​ຂອງ​
ໜັງສື​ພິມ.

ທ່ານ Comey ​ໄດ້ກ່າວ​ຕໍ່​ບັນດາ​ເພື່ອນ​ຮ່ວມ​ງານ ກ່ຽວ​ກັບ​ການ​ຮັບ​ປະທານອາຫານ
ແລງແລະ​ບອກເຂົາ​ເຈົ້າ​ບໍ່​ໃຫ້​ບອກ​ໃຜ ​ໃນ​ຂະນະ​ທີ່​ທ່ານ​ໄດ້​ເປັນ​ຜູ້ອຳນວຍການອົງ
ການ FBI ແຕ່ບັດ​ນີ້ ​ບັນດາ​ເພື່ອນຮວມງານ​ສາມາດ​ເວົ້າ​ໄດ້​ຢ່າງ​ເປີດ​ເຜີຍ ທີ່​ຈະ​ກ່າວ
ເຖິງລາຍ​ລະອຽດ​ຂອງ​ການ​ຮັບ​ປະທານ​ອາຫານ​ແລ​ງ ທີ່​ທ່ານ Comey ບໍ່​ໄດ້​ເປັນ​ຫົວ
ໜ້າ​ອົງການ​ FBI ຕໍ່​ໄປ​ອີກ​ແລ້ວ ນັ້ນຄື​ລາຍ​ງານ​ຂອງໜັງສືພິ​ມ Times.

ຢູ່​ໃນ​ການ​ໃຫ້​ສຳພາດ​ກັບ ​ໂທລະພາບ NBC ​ໃນ​ວັນ​ພະຫັດ​ວານ​ນີ້ ປະທານາ ທິບໍດີ
​ທຣໍາ ໄດ້​ໃຫ້​ຄຳ​ຕອບ​ທີ່​ແຕກ​ຕ່າງ ​ກ່ຽວ​ກັບ​ການ​ຮັບ​ປະທານ​ອາຫານ​ແລງ. ປະທານາ
ທິບໍດີ​ກ່າວວ່າ ທ່ານ Comey ​ໄດ້​ຂໍ​ຮ້ອງ​ປະຊຸມ​ເພາະວ່າ ຜູ້ອຳນວຍການອົງການ FBI
ຕ້ອງການ​ຢາກ​ຮັກສາ​ໜ້າ​ທີ່​ຂອງ​ທ່ານ. ປະທານາທິບໍດີ​ບໍ່​ໄດ້​ກ່າວເຖິງການ​ຂໍ​ຮ້ອງ
ສາບານ​ກ່ຽວ​ກັບຄວາມ​ຈົງ​ຮັກ​ພັກດີ.

ໜັງສືຈາກຮອງລັດຖະມົນຕີຢຸຕິທຳ ທ່ານ Rod Rosenstein ມີຫົວຂໍ້ວ່າ "ປົວແປງຄວາມເຊື່ອຖືຈາກສາທາລະນະ ໃນ FBI."
ໜັງສືຈາກຮອງລັດຖະມົນຕີຢຸຕິທຳ ທ່ານ Rod Rosenstein ມີຫົວຂໍ້ວ່າ "ປົວແປງຄວາມເຊື່ອຖືຈາກສາທາລະນະ ໃນ FBI."

ຢູ່​ໃນ​ການ​ສຳພາດ​ທາງ​ໂທລະພາບ ປະທານາທິບໍດີ​ກ່າວ​ວ່າ ທ່ານ​ໄດ້​ຖາມ​ຫົວໜ້າ
ອົງການ FBI ​ວ່າ ທ່ານ​ໄດ້​ຖືກ​ສືບສວນຫລື​ບໍ່.

ປະທານາທິບໍດີ​ທຣໍາ ກ່າວ​ວ່າ ທ່ານ​ໄດ້​ຖາມ​ທ່ານ Comey “ຖ້າ​ມັນ​ເປັນ​ໄປ​ໄດ້ ຂໍ​ໃຫ້​
ທ່ານ​ບອກ​ໃຫ້​ຂ້າພະ​ເຈົ້າ​ຮູ້ວ່າ ຂ້າພະ​ເຈົ້າ​ຢູ່​ພາຍ​ໃຕ້​ການ​ສືບສວນຫລື​ບໍ່? ທ່ານ
Comey ​ກ່າວ​ວ່າ ທ່ານ​ບໍ່​ໄດ້​ຢູ່​ພາຍໃຕ້​ການ​ສືບ​ສວນ.”

ພວກປະທ້ວງພາກັນຢືນຢູ່ນອກທຳນຽບຂາວ ໃນການສະໜັບສະໜູນ ປະທານາທິບໍດີ ດໍໂນລ ທຣໍາ.
ພວກປະທ້ວງພາກັນຢືນຢູ່ນອກທຳນຽບຂາວ ໃນການສະໜັບສະໜູນ ປະທານາທິບໍດີ ດໍໂນລ ທຣໍາ.

ປະທານາທິບໍດີ ຢູ່​ໃນ​ການ​ສຳພາດ​ທາງ​ໂທລະພາບ ກ່າວ​ຊໍ້າ​ແລ້ວ​ຊໍ້າອີກ​ວ່າ “ຂ້າພະ
​ເຈົ້າ​ບໍ່​ໄດ້​ຢູ່​ພາຍ​ໃຕ້​ການ​ສືບສວນ” ​ເວລາ​ຖາມ​ເຖິງ​ການ​ໃຫ້ການໃນ​ຄຳ​ສາບານຂອງ​
ທ່ານ Comey ວ່າ​ມີ​ການສືບສວນ​ກ່ຽວ​ກັບການ​ໂຄສະນາ​ຫາ​ສຽງ​ເລືອກຕັ້ງ​ປະທານ​າ
ທິບໍດີຂອງ​ທ່ານ ປີ 2016 ​ແລະ​ອາດ​ເປັນໄປ​ໄດ້​ທີ່​ມີ​ການ​ຮ່ວມ​ມື​ກັບ​ລັດຖະບານຣັດ​ເຊຍ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG