ປະທານາທິບໍດີ ໂຄລອມເບຍ Juan Manuel Santos ໄດ້ອອກ
ຄຳສັ່ງໃຫ້ຍຸດຕິ ການໂຈມຕີທາງອາກາດ ຕໍ່ພວກກະບົດ ກອງ
ກຳລັງປະຕິວັດຂອງໂຄລອມເບຍ ຫຼື FARC ໃນວັນເສົາວານນີ້.
ທ່ານ Juan Manuel Santos ເວົ້າວ່າ “ອັນນີ້ ໝາຍຄວາມວ່າ
ຈະມີຜູ້ເສຍຊີວິດໜ້ອຍລົງ ຄວາມທຸກຍາກລຳບາກໜ້ອຍລົງ
ແລະ ຜູ້ເຄາະຮ້າຍໜ້ອຍລົງ.”
ພວກກະບົດ ໄດ້ເລີ້ມການຢຸດຍິງ ເມື່ອວັນຈັນຜ່ານມາ.
ທ່ານ Santos ໄດ້ສັ່ງໃຫ້ໂຈມຕີທາງອາກາດ ຕໍ່ກຸ່ມ FARC ໃນ
ເດືອນເມສາ ຫຼັງຈາກພວກກະບົດ ໄດ້ສັງຫານທະຫານຈຳນວນ 10 ຄົນ.
ໂຄລອມເບຍ ແລະ ພວກກະບົດຫົວນິຍົມລັດທິ Marxist ແມ່ນກຳລັງທຳການເຈລະຈາສັນຕິພາບ ໃນນະຄອນຫຼວງຮາວານາ ຫຼັງຈາກທີ່ມີການຕໍ່ສູ້ຂັດແຍ້ງກັນພາຍໃນມາໄດ້ ຫຼາຍກວ່າ 50 ປີແລ້ວ. ການກໍ່ກະບົດທີ່ເກົ່າແກ່ທີ່ສຸດ ຂອງລາຕິນອາເມຣິກາ ທີ່ເຮັດໃຫ້ມີການເຂັ່ນຂ້າກັນຫຼາຍກວ່າ 200,000 ຄົນ ແລະ ເຮັດໃຫ້ພົນລະເມືອງຫຼາຍລ້ານຄົນຕ້ອງໄດ້ຍ້າຍທີ່ຢູ່ອາໄສ.
