ພວກກໍາລັງທະຫານຂອງລັດຖະບານໂຄລອມເບຍໄດ້ສັງຫານຜູ້ນໍາສູງສຸດຂອງກຸ່ມກະ
ບົດໃຫຍ່ຝ່າຍຄ້ານຂອງໂຄລອມເບຍ.
ທ່ານ Alfonso Cano ຜູ້ບັນຊາການສູງສຸດຂອງກໍາລັງປະກອບອາວຸດປະຕິວັດໂຄລອມ
ເບຍຫລື FARC ໄດ້ຖືກຂ້າຕາຍໃນວັນສຸກວານນີ້ໃນລະຫວ່າງການບຸກເຂົ້າໂຈມຕີຂອງ
ທະຫານຝ່າຍລັດຖະບານໃນຂົງເຂດ Cauca ໃນພາກຕາເວັນຕົກສຽງໃຕ້ຂອງໂຄລອມ
ເບຍ.
ປະທານາທິບໍດີໂຄລົມເບຍ ທ່ານ Juan Manuel Santos ກ່າວກ່ຽວກັບການເສຍຊີວິດ
ຂອງທ່ານ Cano ຜ່ານທາງໂທລະພາບວ່າ ການເສຍຊີວິດນີ້ ເປັນການສ້າງຄວາມປາໄຊ
ຄັ້ງໃຫຍ່ທີ່ສຸດໃຫ້ແກ່ກຸ່ມກະບົດໃນປະວັດສາດຂອງໂຄລອມເບຍ. ທ່ານ Santos ໄດ້
ຮຽກຮ້ອງໃຫ້ພວກກະບົດກຸ່ມ FARC ນັ້ນຢຸດເຊົາການຕໍ່ສູ້ຂອງພວກຕົນວ່າ ບັດນີ້ຜູ້ນໍາ
ຂອງພວກເຂົາໄດ້ເສຍຊີວິດໄປແລ້ວ. ປະທານາທິບໍດີ Santos ກ່າວວ່າການໃຊ້ຄວາມ
ຮຸນແຮງບໍ່ແມ່ນວິທີການທີ່ດີ.
ທ່ານ Cano ໄດ້ຂຶ້ນມາເປັນຜູ້ນໍາຂອງກຸ່ມກະບົດໃນປີ 2008 ຫລັງຈາກທ່ານ Manuel
Marulanda Velez ຜູ້ກໍ່ຕັ້ງກຸ່ມດັ່ງກ່າວໄດ້ເສຍຊີວິດໄປ.
ທ່ານ Cano ຊຶ່ງຊື່ແທ້ແມ່ນ Guillermo Saenz Vargas ໄດ້ເກີດໃນຄອບຄົວຄົນຊັ້ນ
ກາງຂອງໂຄລອມເບຍ ແລະມື້ລາງພໍ່ຂອງທ່ານເປັນນັກກະເສດຕະກໍາ ແລະແມ່ຂອງ
ທ່ານເປັນນາຍຄູ. ທ່ານ Cano ໄດ້ຮຽນວິຊາມະນຸດສາດໃນມະຫາວິທະຍາໄລແຫ່ງຊາດ
Bogota ກ່ອນທ່ານເຂົ້າຮ່ວມໃນພັກຄອມມີວນິດ. ເຊື່ອກັນວ່າ ຜູ້ກ່ຽວໄດ້ເຂົ້າຮ່ວມກັບ
ກຸ່ມ FARC ໃນຊຸມປີ 1970.
ກຸ່ມ FARC ໄດ້ທໍາສົງຄາມຕໍ່ຕ້ານລັດຖະບານໂຄລອມເບນຍມາໃນຕັ້ງແຕ່ປີ 1960.
ເງິນລາຍໄດ້ຂອງພວກກະບົດນີ້ໄດ້ມາຈາກການລັກລອບຄ້າຂາຍຢາ Cocain ແລະ
ການຂູ່ເຂັນເອົາເງິນ. ເຊື່ອກັນວ່າພວກກະບົດຝ່າຍຊ້າຍພວມກັກໂຕຜູ້ຄົນໄວ້ຈໍານວນນຶ່ງ
ທີ່ບໍ້ຮູ້ຈັກວ່າມີເທົ່າໃດ ເພື່ອຮຽກເອົາຄ່າໄຖ່ຫລືເພື່ອຜົນປະໂຍດດ້ານການເມືອງ.
