ການຄົ້ນຄວ້າໄດ້ລວມເອົາຜູ້ຊາຍ 50,000 ຄົນ ທີ່ລາຍງານກ່ຽວກັບການກິນກາເຟຂອງ
ເຂົາເຈົ້າໃສ່ໃນແບບຟອມຕອບຄໍາຖາມທຸກໆສີ່ປີ. ໃນໄລຍະເວລາດົນກວ່າ 2 ທົດສະວັດ
ຫລື 20 ກວ່າປີ, ການສຶກສາພົບວ່າ ຜູ້ທີ່ດື່ມກາເຟໃນລະດັບປານກາງ ມີແນວໂນ້ມຂ້ອນ
ຂ້າງຕໍ່າ ທີ່ຈ ເປັນໂຣກມະເຮັງຕ່ອມນໍ້າກາມ ບໍ່ວ່າຊະນິດໃດກໍຕາມ. ແຕ່ວ່າ ຜູ້ນຳພາການ
ສຶກສາ ທ່ານນາງ Kathryn Wilson ຈາກສະຖາບັນສາທາລະນະສຸກຂອງມະຫາວິທະ
ຍາໄລ Harvard ຫລື Harvard School of Public Health ກ່າວວ່າ ຄວາມແຕກ
ຕ່າງທີ່ແທ້ຈິງໃນດ້ານນີ້ ປາກົດອອກມາໃຫ້ເຫັນໃນເວລາທີ່ພວກນັກຄົ້ນຄວ້າສັງເກດເບິ່ງ
ກໍລະນີການເປັນໂຣກມະເຮັງຕ່ອມນໍ້າກາມທີ່ຮ້າຍແຮງທີ່ສຸດ. ທ່ານນາງຊີ້ແຈງດັ່ງນີ້:
"Men who drink six or..... and decaffeinated coffee."
“ພວກຜູ້ຊາຍທີ່ດື່ມກາເຟ 6 ຈອກ ຂຶ້ນໄປຕໍ່ມື້ ມີລະດັບຄວາມສ່ຽງ 60 ເປີເຊັນ ຕໍ່າກວ່າພວກຜູ້ຊາຍທີ່ບໍ່ດື່ມກາເຟເລີຍ ໃນການເປັນໂຣກມະເຮັງຕ່ອມນໍ້າກາມ
ຊະນິດຮ້າຍແຮງ ທີ່ພາໃຫ້ເສຍຊີວິດນັ້ນ. ແລະພວກເຮົາພົບວ່າ ການຫລຸດລົງ
ໃນຄວາມສ່ຽງດັ່ງກ່າວນີ້ ແມ່ນມີທັງຢູ່ກຸ່ມຜູ້ທີ່ກິນກາເຟຊະນິດທຳມະດາ ແລະ
ກາເຟທີ່ກັ່ນເອົາເຊື້ອກາເຟອອກແລ້ວ ຫລືຊະນິດທີ່ເອີ້ນວ່າ decaffeinated ນັ້ນ.”
ກາເຟແມ່ນເຄື່ອງດື່ມ ປະເພດຕົ້ມ ທີ່ເຕັມໄປດ້ວຍສານແອນທາຍອອ໊ກຊີດັນ (antioxi-
dants) ຫລືສານຕໍ່ຕ້ານເຊື້ອມະເຮັງ ແລະສານປະສົມອື່ນໆ ທີ່ອາດສົ່ງຜົນກະທົບຕໍ່ການ
ກໍ່ໂຕແລະຂະຫຍາຍໂຕຂອງໂຣກມະເຮັງຕ່ອມນໍ້າກາມ.
ໂຣກມະເຮັງຕ່ອມນໍ້ກາມ ເປັນພະຍາດມະເຮັງອັນດັບສອງ
ທີ່ພວກຜູ້ຊາຍໃນທົ່ວໂລກມັກເປັນຫລາຍທີ່ສຸດ ຊຶ່ງໄດ້ເອົາ
ຊີວິດຂອງພວກເຂົາເຈົ້າໄປປະມານສອງແສນຫ້າໝື່ນຄົນ
ໃນແຕ່ລະປີ.
ທ່ານນາງ Wilson ເວົ້າວ່າ ຍັງບໍ່ເປັນທີ່ຮູ້ກັນຢ່າງຈະແຈ້ງເທື່ອວ່າ ແມ່ນສ່ວນປະກອບ ຫລື ພວກອົງປະກອບອັນໃດຂອງກາເຟ ທີ່ສາມາດພາໃຫ້ຫລຸດຄວາມສ່ຽງຕໍ່ການເປັນ
ໂຣກມະເຮັງຕ່ອມນໍ້າກາມລົງໄດ້ ແລະອັນນັ້ນແມ່ນເປົ້າໝາຍສຳລັບການຄົ້ນຄວ້າໃນອານາຄົດ.
ໃນຂະນະດຽວກັນ ທ່ານນາງກໍຍັງກ່າວອີກວ່າ ມັນເປັນການໄວເກີນໄປທີ່ຈະບອກວ່າ ພວກຜູ້
ຊາຍຄວນພາກັນດື່ມກາເຟໃຫ້ຫລາຍໆ ເພື່ອຈະຫລຸດຜ່ອນຄວາມສ່ຽງຕໍ່ການເປັນໂຣກມະເຮັງ
ຕ່ອມນກາມທີ່ຮຸນແຮງນັ້ນ.
ແຕ່ຢາງໃດກໍຕາມ ທ່ານນາງເວົ້າວ່າ ມີຫລັກຖານທາງວິທະຍາສາດ ພິສູດໃຫ້ເຫັນຫລາຍຂຶ້ນ ນັບມື້ວ່າ ກາເຟໃຫ້ຄຸນປະໂຫຍດຢ່າງແທ້ຈິງ ແກ່ສຸຂະພາບຂອງຄົນໃນຫລາຍໆດ້ານ.
"It's not harmful...... a source of relief to a lot of coffee drinkers."
ທ່ານນາງ Wilson ເວົ້າວ່າ: “ການ ດື່ມກາເຟບໍ່ເປັນອັນຕະລາຍ ຖ້າຈະເວົ້າໃນແງ່ການເປັນພະຍາດຫົວໃຈ ຫລືໂຣກລົມສາລະບາດກໍດີ ແລະເບິ່ງຄືວ່າ ມັນສາມາດປ້ອງກັນໂຣກມະເຮັງຕັບໄດ້ຄືກັນ, ແລະມັນກໍມີ ສ່ວນກ່ຽວເນື່ອງກັບການເຮັດໃຫ້ຄວາມສ່ຽງຕໍ່ການເປັນໂຣກເບົາຫວານປະເພດ 2 ຫລຸດຕໍ່າລົງໄດ້. ສະນັ້ນ ຂ້າພະເຈົ້າຄິດວ່າ ມີຫລັກຖານສະສົມກັນຫລາຍຂື້ນເລື້ອຍ ທີ່ພິສູດໃຫ້ເຫັນວ່າ ກາເຟຢ່າງໜ້ອຍກໍບໍ່ເປັນອັນຕະລາຍ ແລະອາດເປັນ ປະໂຫຍດຕໍ່ສະພາບຂອງສຸຂະພາບທາງຮ່າງກາຍບາງຢ່າງຂອງຄົນເຮົາດ້ວຍຊໍ້າ ແລະເພາະສະນັ້ນ ຂ້າພະເຈົ້າຄິດວ່າ ມັນເປັນແຫລ່ງຂໍ້ມູນທີ່ເຮັດໃຫ້ພວກນັກດື່ມກາເຟຫລາຍຄົນມີຄວາມສະບາຍໃຈ ຫລືຫາຍກັງວົນໃຈໄດ້.”
ທ່ານນາງ Kathryn Wilson ແລະເພື່ອນຮ່ວມງານ ທີ່ສະຖາບັນ
ສາທາລະນະສຸກຂອງມະຫາວິທະຍາໄລ Harvard ໄດ້ລົງພິມເຜີຍ
ແຜ່ລາຍງານຜົນການສຶກສາຄົ້ນຄວ້າ ກ່ຽວກັບການພົວພັນກັນ
ລະຫວ່າງ ການດື່ມກາເຟ ແລະການເປັນໂຣກມະເຮັງຕ່ອມນໍ້າກາມ
ປະເພດທີ່ຮ້າຍແຮງເຖິງແກ່ຊີວິດນັ້ນ ຢູ່ໃນໜ້າເວັບໄຊ້ທ໌ຂອງວາລະ
ສານຂອງສະຖາບັນວ່າດ້ວຍໂຣກ ມະເຮັງແຫ່ງຊາດ ຫລື
"Journal of the National Cancer Institute."
