ບັນດາເຈົ້າໜ້າທີ່ສະຫະລັດ ໄດ້ສັນລະເສີນການເປັນວິລະບຸຣຸດ
ຂອງທະຫານ ອາເມຣິກັນທີ່ໄດ້ເສຍຊີວິດ ໃນຂະນະທີ່ໃຫ້ການ
ຊ່ວຍເຫລືອແກ່ພວກໂຕປະກັນ ຂອງກຸ່ມລັດອິສລາມຫລາຍເຖິງ
70 ຄົນ ທີ່ໃກ້ຈະຖືກປະຫານຊີວິດນັ້ນ.
ລັດຖະມົນຕີ ປ້ອງກັນປະເທດ ທ່ານ Ash Carter ກ່າວຢູ່ກອງ
ປະຊຸມນັກຂ່າວ ເມື່ອວັນສຸກວານນີ້ວ່າ ການປະຕິບັດງານຂອງ
ຈ່າໂທ Jashua Wheeler ທີ່ເປັນທະຫານອາເມຣິກັນຄົນທຳ
ອິດທີ່ໄດ້ເສຍຊີວິດໃນການສູ້ລົບຢູ່ອີຣັກ ໃນເວລາ ເກືອບສີ່ປີທີ່
ຜ່ານມານັ້ນອາດເປັນກົນໄກໄປຂອງຄວາມສຳເລັດໃນການປະ
ຕິບັດງານທີ່ມີຂຶ້ນພຽງບໍ່ເທົ່າໃດຊົ່ວໂມງກ່ອນພວກໂຕປະກັນມີ
ກຳນົດທີ່ຈະຖືກປະຫານຊີວິດ.
ທ່ານ Carter ກ່າວວ່າ “ບັດນີ້ ພວກເຮົາໄດ້ຍິນຈາກພວກໂຕປະກັນທີ່ຖືກຊ່ວຍອອກມາ
ວ່າ ເຂົາເຈົ້າຄາດວ່າຈະຖືກປະຫານຊີວິດ ຫຼັງຈາກມີການສູດມົນພາວັນນາໃນຕອນເຊົ້າ. ແລະຂຸມຝັງສົບຂອງເຂົາເຈົ້າ ໄດ້ຖືກຂຸດໄວ້ແລ້ວ.”
ບັນດາເຈົ້າໜ້າທີ່ທຳນຽບຫ້າແຈ ກ່າວວ່າ ໜ່ວຍກ້າຕາຍ ສະຫະລັດ ແລະຊາວເຄີດອີຣັກ
ປະມານ 60 ຄົນ ໄດ້ເຂົ້າຮ່ວມໃນການບຸກໂຈມຕີ ໃນຕອນເຊົ້າວັນພະຫັດ ທີ່ຜ່ານມານີ້
ຢູ່ທີ່ຄຸກຂອງກຸ່ມລັດອິສລາມຊຶ່ງທ່ານ Carter ອະທິບາຍວ່າເປັນ “ສູນກາງປະຫານຊີວິດ.”
ບັນດາເຈົ້າໜ້າທີ່ກ່າວວ່າ ໂຕປະກັນສີ່ຄົນໄດ້ ຖືກປະຫານຊີວິດຢູ່ບ່ອນດັ່ງກ່າວ ພຽງນຶ່ງມື້
ກ່ອນນັ້ນ.
ພວກເຈົ້າໜ້າທີ່ ກ່າວວ່າ ແຜນຕົ້ນຕໍນັ້ນແມ່ນໃຫ້ທະຫານສະຫະລັດຢູ່ທາງຫລັງແລະ ໃຫ້
ຄຳແນະນຳໃນຂະນະທີ່ຊາວເຄີດເຂົ້າໄປໃນຄ້າຍ. ແຕ່ໃນເວລາທີ່ຊາວເຄີິດເລີ້ມຖືກຕອບ
ໂຕ້ໜັກຈາກ ຈາກພວກປ້ອງກັນຂອງກຸ່ມ IS ທະຫານອາເມຮິກັນໄດ້ກະໂດດເຂົ້າຮ່ວມທຳ
ການສູ້ລົບ.
ທ່ານ Carter ກ່າວວ່າ ຈ່າໂທ Wheeler “ໄດ້ປະຕິບັດໃນສິ່ງທີ່ຂ້າພະເຈົ້ພາກ ພູມໃຈ
ທີ່ສຸດ ທີ່ທະຫານອາເມຣິກັນໄດ້ກະທຳຢູ່ໃນສະພາບການດັ່ງກ່າວ.” ລາວ ໄດ້ແລ່ນເຂົ້າ
ໄປບ່ອນທີ່ສຽງປືນ ແລະໄດ້ຢືນຕໍ່ສູ້ ກັບສິ່ງທີ່ບົ່ງບອກທັງຫລາຍ ທີີ່ໄດ້ເປັນບົດບາດ
ຂອງລາວ ແລະໄດ້ເປັນສະມາຊິກທີມຂອງລາວ ທີ່ປ້ອງກັນບັນ ດາຜູ້ເຂົ້າຮ່ວມໃນການ
ໂຈມຕີຄ້າຍ ແລະເຮັດໃຫ້ການປະຕິບັດງານປະສົບຜົນສຳເລັດ.
