ອົງການຂ່າວທາງການຂອງຊາອຸດີ ຫຼື SPA ກ່າວວ່າ ກຳລັງປະສົມພາຍໃຕ້ການນຳພາຂອງຊາອຸດີ ໄດ້ປະກາດຢຸດຍິງຊົ່ວຄາວເປັນເວລາ 48 ຊົ່ວໂມງຢູ່ ໃນເຢເມນ.
ການຢຸດຍິງຊົ່ວຄາວນີ້ ມີກຳນົດທີ່ຈະເລີ້ມ ໃນຕອນທ່ຽງຂອງວັນເສົາມື້ນີ້ຕາມເວລາທ້ອງຖິ່ນ.
ກຳລັງປະສົມ ກ່າວຢູ່ໃນຖະແຫລງການວ່າ ການຢຸດຍິງຊົ່ວຄາວນີ ອາດຈະຕໍ່ເວລາອອກໄປອີກ ຖ້າຫາກວ່າ ພວກກະບົດ Houthi ອະນຸຍາດໃຫ້ຈັດສົ່ງການຊ່ວຍເຫລືອດ້ານມະ ນຸດສະທຳ ໄປໃຫ້ເມືອງຕ່າງໆທີ່ຖືກປິດລ້ອມ.
ເຢເມນ ຕັ້ງຢູ່ພາກໃຕ້ສຸດຂອງແຫລມອາຣັບ ໄດ້ຕົກຢູ່ໃນທ່າມກາງຂອງສົງຄາມກາງເມືອງນັບແຕ່ເດືອນກັນຍາປີ 2014 ເປັນຕົ້ນມາເວລາພວກກະບົດ Houthi ເຂົ້າຢຶດເອົານະ ຄອນຫລວງ Sana'a ແລະໂຄ່ນລົ້ມລັດຖະບານຂອງປະທານາທິບໍດີ Abdu Rabu Mansour Hadi.
ສະຫະປະຊາຊາດກະປະມານວ່າ ມີຫລາຍກວ່າ 10,000 ຄົນໄດ້ເສຍຊີວິດ ນັບແຕ່ກຳລັງປະສົມພາຍໃຕ້ການນຳພາຂອງຊາອຸດີ ເລີ້ມປະຕິບັດງານທາງທະຫານຢູ່ໃນເຢເມນ ໃນເດືອນມີນາປີກາຍນີ້ ໃນຄວາມພະຍາຍາມເພື່ອໃຫ້ທ່ານ Hadi ໄດ້ກັບຄືນເຂົ້າໄປກຳອຳ ນາດ.
