ອົງການຂ່າວ CNN ໄດ້ຍື່ນຟ້ອງລັດຖະບານທ່ານທຣຳ ໃນການດຳເນີນຄວາມພະຍາ
ຍາມເພື່ອເຮັດໃຫ້ຫົວໜ້ານັກຂ່າວຂອງຕົນ ປະຈຳທຳນຽບຂາວທີ່ໄດ້ຖືກຖອນບັດ
ນັກຂ່າວນັ້ນ ສາມາດມີສິດເຂົ້າໄປທີ່ນັ້ນໄດ້ຄືນອີກ.
ທ່ານນາງ ຊາຣາ ແຊນເດີສ໌ ໂຄສົກປະຈຳທຳນຽບຂາວບໍ່ໄດ້ໃຫ້ຄວາມສຳຄັນຕໍ່ການ
ຟ້ອງຮ້ອງດັ່ງກ່າວ ໂດຍຖືວ່າ ມັນເປັນ "ການເຮັດໃຫ້ມີຄົນສົນໃຈເພີ້ມຂຶ້ນຂອງອົງການ
ຂ່າວ CNN," ແລະເວົ້າວ່າ ລັດຖະບານຢືນຢັດຕໍ່ການຕັດສິນໃຈຂອງຕົນໃນການຖອນ
ບັດທີ່ໃຫ້ສິດແກ່ທ່ານ ຈີມ ແອໂຄສຕາ (Jim Acosta) ນັ້ນໄວ້.
"ພາຍຫລັງທີ່ທ່ານແອໂຄສຕາ ຖາມທ່ານປະທານາທິບໍດີສອງຄຳຖາມ ຊຶ່ງໃນຄຳຖາມ
ແຕ່ລະອັນນັ້ນ ທ່ານປະທານາທິບໍດີ ກໍໄດ້ຕອບໄປແລ້ວ ທ່ານຍັງປະຕິເສດ ບໍ່ຍອມເອົາ
ໄມໂຄຣໂຟນ ໃຫ້ຜູ້ຝຶກງານໃນທຳນຽບຂາວ ເພື່ອໃຫ້ນັກຂ່າວຄົນອື່ນສາມາດຖາມຄຳ
ຖາມໄດ້. ນີ້ບໍ່ແມ່ນຄັ້ງທຳອິດທີ່ນັກຂ່າວຄົນນີ້ ໄດ້ປະຕິເສດຢ່າງ ບໍ່ເໝາະສົມແບບນີ້ເພື່ອ
ຈະປ່ອຍໃຫ້ຄົນອື່ນມີໂອກາດໄດ້ຖາມຄຳຖາມ" ນັ້ນຄືຄຳ ເວົ້າຂອງທ່ານນາງ ແຊນເດີສ໌
ກ່າວຢູ່ໃນຖະແຫລງການສະບັບນຶ່ງ.
ເມື່ອຖືກຖາມຢູ່ໃນຕອນທ້າຍຂອງງານສະຫລອງບຸນດີວາລີ ກ່ຽວກັບການເຄື່ອນໄຫວ
ທາງກົດໝາຍດັ່ງກ່າວຂອງອົງການຂ່າວ CNN, ປະທານາທິບໍດີທຣຳຕອບວ່າ "ພວກ
ເຮົາຈະເວົ້າກ່ຽວກັບເລື້ອງນີ້ຢູ່."
ການຟ້ອງຮ້ອງດັ່ງກ່າວ ຖືກຍື່ນໄປຫາສານເຂດ ຂອງສະຫະລັດ ຢູ່ໃນນະຄອນຫລວງວໍ
ຊິງຕັນ ໃນວັນອັງຄານວານນີ້ ແລະຄະດີໄດ້ຖືກມອບໝາຍໃຫ້ຢູ່ໃນການພິຈາລະນາຂອງ
ຜູ້ພິພາກສາ ທິມໂມທີ ແຄລລີ ຊຶ່ງເປັນຜູ້ທີ່ທ່ານທຣຳ ແຕ່ງຕັ້ງໃຫ້ກຳຕຳແໜ່ງຢູ່ທີ່ນັ້ນ.
ໃນຕອນບ່າຍໆ ຂອງວັນອັງຄານວານນີ້ ຜູ້ພິພາກສາແຄລລີໄດ້ອອກຄຳສັ່ງໃຫ້ທຳນຽບ
ຂາວ ແລະຈຳເລີຍອື່ນໆ ຕອບຄຳສະເໜີຂອງອົງການຂ່າວ CNN ວ່າໃຫ້ອອກຄຳສັ່ງ
ເພື່ອໃຫ້ໄດ້ສິດເຂົ້າໄປທຳນຽບຂາວຊົ່ວຄາວ ໃນເວລາ 11 ໂມງເຊົ້າຂອງວັນພຸດມື້ນີ້.
ທ່ານໄດ້ມີກຳນົດທີ່ຈະຮັບຟັງຄຳໃຫ້ການກ່ຽວກັບຄຳສັ່ງດັ່ງກ່າວ ທີ່ຈະເອົາສິດໃນການ
ເປັນນັກຂ່າວ ເຂົ້າໄປທຳນຽບຂາວໃຫ້ແກ່ທ່ານ ແອໂຄສຕາຄືນອີກເປັນການຊົ່ວຄາວ
ຊຶ່ງຈະຂຶ້ນກັບຜົນ ຂອງການໄຕ່ສວນຄະດີນັ້ນ ໃນຕອນບາຍ 3 ໂມງຂອງວັນພຸດມື້ນີ້.
"ການຖອນຄືນສິດຢ່າງຜິດໆ ເຫລົ່ານີ້ ເປັນການລະເມີດຕໍ່ສິດໃນການອອກຂ່າວຂອງ
ອົງການຂ່າວ CNN ແລະຂອງທ່ານແອໂຄສຕາທີ່ລະບຸໄວ້ ຢູ່ໃນບົດເພີ້ມເຕີມລັດຖະ
ທຳມະນູນ ຂໍ້ທີນຶ່ງ ຫລື First Amendment ແລະສິດໃນການດຳເນີນຂະບວນການ
ຍຸຕິທຳ ທີ່ລະບຸໄວ້ ຢູ່ໃນບົດເພີ້ມເຕີມລັດຖະທຳມະນູນຂໍ້ທີຫ້າຫລື Fifth Amendment,"
ນັ້ນຄືຄຳເວົ້າຂອງອົງການຂ່າວ CNN ທີ່ຂຽນຢູ່ໃນຖະແຫລງການສະບັບນຶ່ງ ຊຶ່ງໄດ້
ກ່າວເພີ້ມອີກວ່າ "ພວກເຮົາ ຂໍໃຫ້ສານແຫ່ງນີ້ ທຳການອອກຄຳສັ່ງ ໃຫ້ສິດຄືນໃນທັນທີ
ທັນໃດ ເພື່ອຮຽກຮ້ອງໃຫ້ເອົາບັດເຂົ້າໄປໃນທຳນຽບຂາວຄືນໃຫ້ແກ່ທ່ານ ຈີມ ແລະ
ພວກເຮົາຈະຊອກຫາທາງແກ້ໄຂແບບຖາວອນ ໂດຍເປັນສ່ວນນຶ່ງຂອງຂະບວນການນີ້."
ທີມງານທາງກົດໝາຍຂອງອົງການຂ່າວ CNN ສຳລັບຄະດີນີ້ ແມ່ນອະດີດ ຫົວໜ້າ
ທະນາຍຄວາມສະຫະລັດ ທ່ານ ເທັດ ອອລຊັນ (Ted Olson).
