ທ່ານນາງ ຮີລລາຣີ ຄລິນຕັນ ລັດຖະມົນຕີການຕ່າງ
ປະເທດສະຫະລັດ ເດີນທາງໄປເຖິງ ລີມາ ນະຄອນຫຼວງ
ຂອງປະເທດເປຣູ ໃນວັນອາທິດວານນີ້ ໃນການເລີ່ມຕົ້ນ
ການເຄື່ອນໄຫວຢ້ຽມຢາມພາກພື້ນອະເມຣິກາລາຕິນ.
ທ່ານນາງຄລິນຕັນ ທຳການພົບປະກັບບັນດາລັດຖະມົນຕີ
ການຕ່າງປະເທດ ຂອງອົງການກຸ່ມປະເທດໃນພາກພື້ນ
ອາເມຣິກາ ຫລື OAS ໃນວັນຈັນມື້ນີ້. ນອກນັ້ນແລ້ວ
ທ່ານນາງຍັງມີໝາຍກຳໜົດການພົບປະກັບ ປະທານາ
ທິບໍດີຂອງເປຣູ ທ່ານ ອາລັນ ກາເຊັຽນຳ.
ຫລັງຈາກນັ້ນ ທ່ານນາງຄລິນຕັນຈະເດີນທາງໄປຍັງ ເອກົວດໍ ແລະ ໂຄລຳເບັຽ
ເພື່ອເຈລະຈາຫາລືກັບພວກຜູ້ນຳລັດຖະບານຂອງປະເທດເຫລົ່ານັ້ນ. ທີ່ ເອກົວດໍ
ທ່ານນາງຄລິນຕັນຈະກ່າວຄຳປາໃສ ກ່ຽວກັບ ນະໂຍບາຍຂອງທ່ານປະທານາທິບໍດີ
ໂອບາມາ ທີ່ມີຕໍ່ບັນດາປະເທດຊີກໂລກຕາເວັນຕົກ.
