ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ກຸ່ມ WikiLeaks ພິມເຜີຍແຜ່ ອີແມລ ຂອງ ທ່ານນາງ Clinton


ຜູ້ສະໝັກເປັນປະທານາທິບໍດີ ພັກເດໂມແຄຣັດ ທ່ານນາງ Hillary Clinton ໂອ້ລົມກັບພວກສະໜັບສະໜູນ ຢູ່ທີ່ Goodyear Hall ແລະໂຮງຮູບເງົາ ໃນເມືອງ Akron ລັດ Ohio.
ຜູ້ສະໝັກເປັນປະທານາທິບໍດີ ພັກເດໂມແຄຣັດ ທ່ານນາງ Hillary Clinton ໂອ້ລົມກັບພວກສະໜັບສະໜູນ ຢູ່ທີ່ Goodyear Hall ແລະໂຮງຮູບເງົາ ໃນເມືອງ Akron ລັດ Ohio.

ກຸ່ມ WikiLeaks ​ໄດ້ພິມ​ເຜີຍ​ແຜ່​ອີ​ແມ​ລຈຳນວນ​ນຶ່ງ ຂອງ​ຜູ້​ສະໝັກ​ເປັນ​ປະທານາທິບໍດີ ພັກ​ເດ​ໂມ​ແຄຣັດ ທ່ານ​ນາງ Hillary Clinton. ບັນດາ​ອີ​ແມ​ລ ທີ່​ໄດ້​ພິມເຜີຍ​ແຜ່​ໃນ​ວັນສຸກ ວານ​ນີ້ ​ແມ່ນ​ຮວມທັງ​ລາຍ​ສຳ​ເນົາ​ຄຳ​ປາ​ໄສຂອງ​ທ່ານ​ຕໍ່ບໍລິ​ສັດ​ຕະຫຼາດຫຼັກຊັບ Wall Street.

ມີ​ລາຍ​ງານ​ວ່າ ທ່ານ​ນາງ Clinton ​ໄດ້ກ່າວວ່າ “ທັງ​ທ່າ​ທີ ​ຢ່າງ​ເປັນ​ທາງ​ການ ​ແລະ​ທາງ​ສ່ວນ​ຕົວ” ​ແມ່ນ​ຈຳ​ເປັນ​ກ່ຽວ​ກັບບັນຫາ​ນະ​ໂຍບາຍຕ່າງໆ​. ທ່ານ​ນາງ Clinton ​ໄດ້​ຖືກ​ກ່າວ​ຊໍ້າອີກລະຫວ່າງ​ການ​ໂຄສະນາ​ຫາ​ສຽງ​ ທີ່​ບັນດາ​ຜູ່​ປ່ອນ​ບັດ​ຫລາຍ​ຄົນ​ມອງເຫັນ​ວ່າ ທ່ານ​ນາງ​ບໍ່​ເປັນທີ່​ໜ້າ​ເຊື່ອ​ຖື​ໄດ້.

ທ່ານ Reince Priebus ປະທານ​ຄະນະ​ກຳມະການ​ແຫ່ງ​ຊາດ ຂອງ​ພັກ​ຣີພັບ​ບລິ​ກັນກ່າວ​ຢູ່​ໃນ​ຖະ​ແຫລ​ງການ​ວ່າ ອີ​ແມ​ລ​ເຫຼົ່ານີ້​ເປີດ​ເຜີຍ​ໃຫ້​ເຫັນ “ນິໄສ​ທ່ານ​ນາງ Hillary Clinton ​ທີ່ໄດ້ຮັບ​ເອົາ ການ​ໂຄສະນາ​ຫາ​ສຽງ​ຂອງ​ທ່ານ​ນາງທັງ​ໝົດ ​ແລະ​ຫລອກ​ລວງ​ຢ່າງ​ເຕັມທີ່.

ບັນດາ​ອີ​ແມ​ລ​ເຫລົ່ານີ້ ​ແມ່ນ​ຮວມ​ຢູ່​ໃນ​ການ​ສົນທະນາ ຫຼາຍໆ​ຮ້ອຍ​ເທື່ອ ທີ່ກຸ່ມ WikiLeaks ​ໄດ້ພິມ​ເຜີຍ​ແຜ່ ​ຈາກ​ການເຈາະ​ເຂົ້າ​ໄປ​ໃນ​ບັນຊີ​ຂອງ​ທ່ານ John Podesta ປະທານ​ການໂຄສະນາ​ຫາ​ສຽງ​ຂອງທ່ານ​ນາງ Clinton. ​ແຕ່​ຄະນະກຳມະການ​ໂຄສະນາ​ຫາ​ສຽງ​ຂອງ​ທ່ານ​ນາງ ຍັງ​ບໍ່​ທັນໃຫ້ການ​ຢືນຢັນ ​ເຖິງຄວາມ​ຖືກຕ້ອງຂອງ​ເອກ​ກະສາ​ນ​ເຫຼົ່ານີ້​ເທື່ອ. ການພິມ​ເຜີຍ​ແຜ່ໃນ​ວັນ​ສຸກວານ​ນີ້​ ມີ​ຂຶ້ນພຽງ​ ​ສອງ​ມື້ກ່ອນ​ໜ້າການ​ໂຕ້ວາ​ທີ ປະທານາທິບໍດີເທື່ອ​ທີ​ສອງ ລະຫວ່າງ​ທ່ານ​ນາງ Clinton ​ແລະ​ຄູ່​ແຂ່ງ​ຂອງ​ທ່າ​ນ ຄື​ທ່ານ Donald Trump.

ຜູ້​ສະໝັກ​ພັກ​ເດ​ໂມ​ແຄຣັດຍັງ​ໄດ້​ຈົ່ມ​ວ່າ​ຢູ່​ໃນ​ບັນດາອີແມ​ລ ກ່ຽວ​ກັບລະບົບໂຄສະນາ​ຫາ​ສຽງ​ປະທານາທິບໍດີທີ່​ບັງຄັບ​ໃຫ້ບັນ​ດາ​ຜູ້​ສະໝັກ​ຊອກ​ຫາເງິນທຶນ​ໃນຈຳນວນ​ທີ່​ບໍ່​ໜ້າ​ເຊື່ອ​.
“ມັນ​ເປັນເລື້ອງໜ້າ​ຢາກຫົວ ​ທີ່​ພວກ​ເຮົາຕ້ອງ​ມີ​ຜົນ​ປະ​ໂຫຍ​ດທາງ​ດ້ານການ​ເງິນ​ທີ່​ບໍ່​ມີ​ຂອບ​ເຂດ​ຈຳກັດ​ແບບ​ນີ້” ນັ້ນຄື​ຄຳ​ເວົ້າຂອງທ່ານ​ນາງທີ່​ໄດ້​ກ່າວ​ຕໍ່​ກອງ​ປະຊຸມ​ຜູ້ນຳ​ໂລກ​ຂອງ​ບໍລິສັດ​ຈີ​ອີ ​ໃນ​ປີ 2014.

ທ່ານ Bernie Sanders ຜູ່​ທີ່​ໄດ້ລົງແຂ່ງຂັນກັບ​ທ່ານ​ນາງ Clinton ໃນການເລືອກ​ຕັ້ງ​ຂັ້ນ​ຕົ້ນ ​ເພື່ອເປັນ​ຜູ້​ສະໝັກຂອງ​ພັກ​ເດ​ໂມ​ແຄຣັດນັ້ນ ​ໄດ້​ຮຽກຮ້ອງ​ໃຫ້​ທ່ານ​ນາງ Clinton ເປີດ​ເຜີຍ​ຄຳ​ປາ​ໄສ​ຂອງ​ທ່ານ​ນາງ​ຕໍ່ບັນດາ​ບໍລິສັດ​ຫຼັກຊັບ Wall Street.

ມີ​ລາຍ​ງານ​ວ່າ ທ່ານ​ນາງ Clinton ໄດ້​ຮັບ​ເງິນ​ຫລາຍກວ່າ 20 ລ້ານ​ໂດ​ລາ​ໃນຄຳ​ປາ​ໄສ​ຂອງ​ທ່ານ​ນາງ​ຕໍ່ຫຼາຍໆ​ບໍລິສັດ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG