ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ໄດ້ມ້ວນ ທ້າຍກອງ
ປະຊຸມພູມີພາກໃນຂົງເຂດເອເຊຍໂດຍຮຽກຮ້ອງໃຫ້ບັນດາປະຊາຊາດ ໃນເຂດເອເຊຍອາ
ຄະເນ ຈົ່ງດຳເນີນງານ ແບບ “ຮ່ວມໄມ້ຮ່ວມມື ແລະໃຊ້ການທູດ” ເພື່ອແກ້ໄຂບັນຫາຂັດແຍ້ງ
ກ່ຽວກັບເລື່ອງເຂດນໍ້າແດນດິນ ເຊັ່ນການບໍ່ລົງລອຍກັນໃນທະເລຈີນໃຕ້.
ຢູ່ທີ່ກອງປະຊຸມຖະແຫຼງຂ່າວໃນວັນພະຫັດວານນີ້ ທ່ານນາງ Clinton ກ່າວວ່າ ທຸກໆຝ່າຍ
ທີ່ພົວພັນໃນການອ້າງກຳມະສິດເອົາເຂດນ່ານນໍ້າທີ່ຍັງມີການຂັດແຍ້ງ ກັນ ຄວນຈະຫຼີກເວັ້ນ
ຈາກການອອກຄຳນາບຂູ່ໃດໆກໍຕາມ ແລະໃຫ້ເປີດການເຈ ລະຈາຫາລືກັນພາຍໃນສະມາ
ຄົມບັນດາປະຊາຊາດໃນເຂດເອເຊຍຕາເວັນອອກ ສຽງໃຕ້ຫຼືອາຊ່ຽນແທນ.
ຫລັງຈາກລັດຖະມົນຕີການຕ່າງປະເທດຈີນ ທ່ານ Yang Jiechi ໄດ້ພົບປະກ່ອນໜ້ານັ້ນ
ກັບທ່ານນາງ Clinton ບັນດາເຈົ້າໜ້າທີ່ສະຫະລັດ ກ່າວວ່າ ທ່ານໄດ້ສົ່ງສັນຍານແບບລະມັດ
ລະວັງວ່າ ປະເທດຂອງທ່ານ ເຕັມໃຈທີ່ຈະເຂົ້າຮ່ວມການເຈລະຈາ ກ່ຽວກັບບັນຫາຂັດແຍ້ງ
ເລື່ອງເຂດນໍ້າແດນດີນໃນຕົ້ນເດືອນ ກັນຍາຈະມາເຖິງນີ້.
ບຣູໄນ ຈີນ ມາເລເຊຍ ຟິລິບປີນ ໄຕ້ຫວັນ ແລະຫວຽດນາມ ຕ່າງກໍອ້າງເອົາກຳມະສິດທັງ
ໝົດຫລືບາງພາກສ່ວນຂອງທະເລຈີນໃຕ້ ຊຶ່ງປະກອບດ້ວຍເນື້ອທີ່ຫາປາອັນກວ້າງໃຫ່ຍ
ແລະອາດຈະມີບໍ່ນໍ້າມັນແລະແກັສທຳມະຊາດສຳຮອງຂະ ໜາດໃຫຍ່ນັ້ນ.