ລິ້ງ ສຳຫລັບເຂົ້າຫາ

ທ່ານນາງ Hillary Clinton ຈະສົນທະນາກັບຈີນ ກ່ຽວກັບ ທະເລຈີນໃຕ້


ລັດຖະມົນຕີການ​ຕ່າງປະ​ເທດສະຫະລັດ ທ່ານ​ນາງ Hillary Clinton ກໍາລັງ​ເດີນທາງ​ໄປ​ກຸງ​ປັກ​ກິ່ງ. ທ່ານ​ນາງ​ໄດ້​ໃຫ້​ຄໍາ​ໝັ້ນ​ສັນຍາ​ທີ່​ຈະນໍາ​ເອົາ​ຄຳ​ເຕືອນ​ອັນ​ແຂງ​ຂັນໄປ​ໃຫ້​ບັນດາ​ຜູ້​ນໍາ​ຈີນ ​
ລັດຖະມົນຕີການ​ຕ່າງປະ​ເທດສະຫະລັດ ທ່ານ​ນາງ Hillary Clinton ກໍາລັງ​ເດີນທາງ​ໄປ​ກຸງ​ປັກ​ກິ່ງ. ທ່ານ​ນາງ​ໄດ້​ໃຫ້​ຄໍາ​ໝັ້ນ​ສັນຍາ​ທີ່​ຈະນໍາ​ເອົາ​ຄຳ​ເຕືອນ​ອັນ​ແຂງ​ຂັນໄປ​ໃຫ້​ບັນດາ​ຜູ້​ນໍາ​ຈີນ ​ເພື່ອ​ໃຫ້​ແກ້​ໄຂບັນຫາ​ຂັດ​ແຍ້​ງ​ເລື່ອງການ​ອ້າງ​ເອົາ​ກໍາມະສິດ​ໃນ​ທະ​ເລຈີນ​ໃຕ້​ນັ້ນ.

ທ່ານ​ນາງ Clinton ຕ້ອງການໃຫ້ຈີນ ປະສານ​ງານກັບ​ບັນດາສະມາຊິກກຸ່ມປະ​ເທດ​
ອາ​ຊຽນ ກ່ຽວ​ກັບ​ກົດ​ການ​ປະຕິບັດ ​ໃນ​ການ​ແກ້​ໄຂ​ບັນຫາ​ຂັດ​ແຍ້​ງ ​ໃນ​ຄວາມຫັວງທີ່​
ຈະ​ປ້ອງ​ກັນບໍ່​ໃຫ້​ເກີດ​ການປະ​ເຊີນ​ໜ້າກັນ​ຂຶ້ນ​ອີກ ​ໃນ​ຂົງ​ເຂດ​ທີ່​ອຸດົມ​ຮັ່ງມີ​ໄປ​ດ້ວຍ​ຊັບພະຍາກອນ​ທໍາ​ມະ​ຊາດ​. ກຸງ​ປັກ​ກິ່ງຊຶ່ງໄດ້​ອ້າງກຳມະສິດ​ເອົາເກືອບ​ວ່າ​ທັງ​ໝົດທະ​ເລເລີຍນັ້ນ ​ໄດ້ປະຕິ​ເສດ​ຕໍ່ການ​ລົງ​ນາມໃນ​ລະບຽບ​ການ​ດັ່ງກ່າວ.​ ນອກ​ນັ້ນແລ້ວຍັງ​ຕ້ອງການ​ທີ່​ຈະດຳ​ເນີນ​ການແກ້​ໄຂ​ບັນ​ຫາກັບ​ແຕ່ລະ​ປະ​ເທດ​ໄປ ຮວມທັງ​ໄຕ້ຫວັນ ຟິລິບ​ປີນ ຫວຽດນາມ ມາ​ເລ​ເຊຍ ​ແລະ​ບຣູໄນ.

ກ່ອນອອກ​ຈາກ ອິນ​ໂດ​ເນ​ເຊຍໄປ​ຍັງຈີນ​ໃນວັນ​ອັງຄານ​ມື້​ນີ້ ທ່ານນາງ Clinton ​ໄດ້​ກ່າວ​ວ່າ ກຸ່ມປະ​ເທດໃນ​ເຂດ​ເອ​ເຊຍຕາ​ເ​ວັນ​ອອກສຽງ​ໃຕ້​ທັງຫຼາຍຕ້ອງ​ຮວມຕົວ​ໃນ​ການ​ແກ້​ໄຂ​ບັນຫາຂັດ​ແຍ້​ງ ​ເພື່ອ​ເຮັດ​ໃຫ້​ເຂດ​ນໍ້າ​ດັ່ງກ່າວ​ສະຫງົບ​ງຽບ​ລົງຢ່າງ​ແທ້​ຈິງ. ທ່ານ​ນາງ​ໄດ້​ສະ​ແດງ​ຄວາມ​ເຫັນ​ດັ່ງກ່າວ​ນີ້ ​ຫຼັງຈາກການພົບ​ປະທີ່​ກຸງ Jakarta ກັບ​ ປະທານາທິບໍດີອິນ​ໂດ​ເນ​ເຊຍ​ທ່ານ Susilo Bambang Yudhoyono ແລະ​ທ່ານ Surin Pitsuwan ເລຂາທີ່​ການໃຫຍ່ຂອງ​ກຸ່ມ​ອາ​ຊຽນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG