ລິ້ງ ສຳຫລັບເຂົ້າຫາ

ລັດ​ຖະມົນຕີກະຊວງ​ການ​ຕ່າງປະ​ເທດ​ສະຫະລັດ ທ່ານ​ນາງ
Hillary Clinton ເດີນທາງໄປຍັງສາທາລະນະລັດ Czech
ເພື່ອທໍາການຢ້ຽມ ຢາມເປັນເວລາສັ້ນໆ ຊຶ່ງລວມມີການຊຸກ
ຍູ້ເພື່ອຊ່ວຍໃຫ້ບໍລິສັດ ສະຫະລັດໄດ້ຮັບສັນຍາຮັບເໝົາກໍ່ສ້າງ
ໂຮງງານນີວເຄລຍແຫ່ງນຶ່ງ ໃນປະເທດດັ່ງກ່າວ.

ໃນວັນຈັນມື້ນີ້ ທ່ານນາງ Clinton ໄດ້ພົບປະກັບນາຍົກລັດ
ຖະມົນຕີ ຂອງປະເທດ Czech ທ່ານ Petr Necas ແລະ
ລັດ​ຖະມົນຕີກະຊວງ​ການ​ຕ່າງປະ​ເທດເຊັກ ທ່ານ Karel
Schwarzenberg.

ບໍລິສັດ Westinghouse ຊຶ່ງເປັນບໍລິສັດສະຫະລັດ ແລະ
ບໍລິສັດຂອງ ຣັດເຊຍບໍລິສັດນຶ່ງ ກໍາລັງເຂົ້າແຂ່ງຂັນກັນ
ປະມູນເອົາການຮັບເໝົາຂະ ຫຍາຍໂຮງງານ ນີວເຄລຍ
Temelin ມູນ​ຄ່າ 10 ພັນ ລ້ານ $ ຊຶ່ງຕັ້ງຢູ່ທາງພາກໃຕ້ຂອງນະຄອນຫລວງ Prague ໃກ້ກັບຊາຍແດນຂອງປະເທດ Austria ນັ້ນ.

ເຈົ້າໜ້າທີ່ຂັ້ນສູງຂອງກະຊວງ​ການ​ຕ່າງປະ​ເທດສະຫະລັດ ທີ່ເດີນທາງ ໄປນໍາລັດ​ຖະມົນຕີ Clinton ນັ້ນ ເວົ້າວ່າ ທ່ານນາງຈະເນັ້ນໜັກເຖິງປະ ຫວັດຄວາມປອດໄພຂອງບໍລິສັດ Westinghouse ຖ້າມກາງຄວາມ ເປັນຫ່ວງກັນ ກ່ຽວກັບເຕົາແຍກນີວເຄລຍຕ່າງໆ ລຸນ
ຫລັງທີ່ມີໄພພິບັດ ທີ່ໂຮງງານ Fukushima ໃນຍີ່ປຸ່ນ ໃນປີກາຍນີ້. ເຈົ້າໜ້າທີ່ດັ່ງກ່າວຍັງ ເວົ້າອີກວ່າ ການເລືອກບໍລິສັດສະຫະລັດ ຈະຊ່ວຍໃຫ້ສາທາລະນະລັດ Czech ມີຄວາມ
ສາມາດເຮັດໃຫ້ການຜະລິດພະລັງງານຂອງຕົນ ມາຈາກ ຫລາຍແຫລ່ງ ທີ່​ເຫີ​ນຫ່າງຈາກ
ຣັດເຊຍ.
XS
SM
MD
LG