ລິ້ງ ສຳຫລັບເຂົ້າຫາ

ສະຫະລັດວ່າ ເກົາຫລີເໜືອຕ້ອງປັບປຸງ ສາຍພົວພັນ ກັບເກົາຫລີໃຕ້ ກ່ອນການເຈລະຈາຫົກຝ່າຍ ຈະເລີ່ມຄືນໄດ້

  • ດາຣາ ບັກຄໍາ

ບັນດາລັດຖະມົນຕີຕ່າງປະເທດທີ່ເຂົ້າຮ່ວມໃນກອງປະຊຸມສຸດຍອດເອເຊຍຕາເວັນອອກ ທີ່ເກາະບາຫລີ, ອິນໂດເນເຊຍ, ວັນທີ 22 ກໍລະກົດ 2011. (AP Photo/Adi Weda, Pool)

ທ່ານນາງ Hillary Clinton ລັດຖະມົນຕີຕ່າງປະເທດສະຫະລັດ ກ່າວວ່າ ເກົາຫລີເໜືອຈະ ຕ້ອງດໍາເນີນການ ເພື່ອປັບປຸງສາຍສໍາພັນກັບເກົາຫລີໃຕ້ໃຫ້ດີຂຶ້ນ ກ່ອນທີ່ການປະຊຸມຫົກ ຝ່າຍກ່ຽວກັບໂຄງການນີວເຄລຍຂອງພຽງຢາງ ຈະສາມາດໄຂຂຶ້ນອີກໄດ້. ຄະນະເຈົ້າໜ້າທີ່ ເຈລະຈາເລຶ່ອງນີວເຄລຍຂອງທັງສອງເກົາຫລີ ໄດ້ພົບປະກັນຢູ່ນອກກອງປະຊຸມວ່າດ້ວຍ ຄວາມໝັ້ນຄົງຂອງພູມີພາກອາຊ່ຽນ ທີ່ເກາະບາຫລີ ປະເທດອິນໂດເນເຊຍ ເມື່ອວັນສຸກ ຜ່ານມາ(ທີ 22 ກໍລະກົດ) ຊຶ່ງນັບວ່າເປັນເທື່ອທໍາອິດ ນັບຕັ້ງການເຈລະຈາໄດ້ແຕກຫັກລົງ ໃນປີ 2008. ດາຣາມີເລຶ່ອງນີ້ມາສະເໜີທ່ານ.

ທ່ານນາງ Hillary Clinton ລັດຖະມົນຕີຕ່າງປະເທດສະຫະລັດ ກ່າວວ່າ ສະຫະລັດຮູ້ສຶກ​ມີກໍາລັງໃຈນໍາການໂອ້ລົມກັນ ລະຫວ່າງເກົາຫລີເໜືອແລະ ເກົາຫລີໃຕ້ ຢູ່ນອກກອງປະຊຸມ​ເວທີ​ພູມີພາກ​ອາ​ຊ່ຽນ ຫລື ASEAN Regional Forum ວ່າ​ດ້ວຍ​ຄວາມ​ໝັ້ນຄົງ​ຂອງ​ເຂດ ອາຊ່ຽນນັ້ນ.

ແຕ່ທ່ານນາງຄລິນຕັນກ່າວວ່າ ສະຫະລັດກໍຍັງຄົງໜັກແໜ້ນຢູ່ຕໍ່ໄປ ໃນການຢັນ​ຢັດ​ໃຫ້
ພຽງຢາງເອົາບາດກ້າວ ສ້າງຄວາມປອງດອງກັນຕຶ່ມອີກ ກັບລັດຖະບານໂຊລ ກ່ອນທີ່ການ
ເຈລະຈາເລຶ່ອງນີວເຄລຍ ທີ່ພົວພັນ ສະຫະລັດ ຣັດເຊຍ ຈີນ ຍີ່ປຸ່ນ ແລະສອງເກົາຫລີນັ້ນ
ຈະສາມາດ​ໄຂ​ຂຶ້ນຄືນ​ໃໝ່ໄດ້.

ທ່ານນາງຄລິນຕັນ ​ໄດ້ກ່າວ​ເຊ່ນ​ນັ້ນຢູ່ໃນກອງປະຊຸມປິດ​ລັບຂອງບັນດາ​ລັດຖະມົນຕີ​ຕ່າງປະ
ເທດອາຊ່ຽນ ແລະພວກລັດຖະມົນຕີຕ່າງປະເທດ ອື່ນໆ ​ໃນ​ວັນ​ເສົາ​ຜ່ານ​ມາ ນຶ່ງມື້ຫລັງຈາກ
ການ​ພົບ​ປະກັນຂອງພວກເຈລະຈາຂອງ​ສອງເກົາຫລີ ທີ່ເຈົ້າໜ້າທີ່ອາວຸໂສສະຫະລັດທ່ານນຶ່ງ
ກ່າວວ່າ ​ໄດ້​ດໍາ​ເນີນໄປແບບຈິງ​ໃຈ ແລະ​ໃຫ້ຄວາມກ້າວໜ້າບາງຢ່າງ.

ອົງການຂ່າວຊິນຫົວຂອງທາງການຈີນ ກ່າວວ່າ ພຽງຢາງໄດ້ສະເໜີໃຫ້ຮື້ຟື້ນການເຈລະຈາ
ຫົກຝ່າຍຄືນມາ ໃຫ້ໄວເທົ່າທີ່ຈະໄວໄດ້ ໂດຍປາດສະຈາກເງຶ່ອນໄຂລ່ວງໜ້າໃດໆ.

ແຕ່ໃນຄໍາຖະແຫລງຕໍ່​ກອງ​ປະຊຸມອາຊ່ຽນນັ້ນ ທ່ານນາງຄລິນຕັນກ່າວວ່າ ເກົາຫລີເໜືອຈະ
ຕ້ອງສະແດງໃຫ້ເຫັນ​ເຖິງ ການປ່ຽນແປງໃນຄວາມປະພຶດຂອງຕົນ​ເສຍ​ກ່ອນ ເປັນຕົ້ນວ່າ
ຍຸດ​ເຊົາການ​ເຄື່ອນ​ໄຫວ​ແບບເກາະຜິດຄິດຮ້າຍ ເອົາບາດກ້າວ​ໄປ​ສູ່ການ​ເຮັດ​ໃຫ້​ແຫລມເກົາ
ຫລີປອດນີວເຄລຍ ຢ່າງຕ່າວ​ປີ້ນ​ບໍ່​ໄດ້ ແລະປະຕິບັດຕາມມະຕິຕ່າງໆຂອງອົງການສະຫະ
ປະຊາຊາດ ແລະພັນທະ​ທີ່​ໄດ້​ໃຫ້​ໄວ້​ຕໍ່ກອງ​ປະຊຸມ​ເຈລະຈາຫົກຝ່າຍ ໃນປີ 2005 ນັ້ນ.

ສະຫະລັດວ່າ ເກົາຫລີເໜືອຕ້ອງປັບປຸງ ສາຍພົວພັນ ກັບເກົາຫລີໃຕ້ ກ່ອນການເຈລະຈາຫົກຝ່າຍ ຈະເລີ່ມຄືນໄດ້
ສະຫະລັດວ່າ ເກົາຫລີເໜືອຕ້ອງປັບປຸງ ສາຍພົວພັນ ກັບເກົາຫລີໃຕ້ ກ່ອນການເຈລະຈາຫົກຝ່າຍ ຈະເລີ່ມຄືນໄດ້

ໃນເວລາຕໍ່ມາ ທ່ານນາງຄລິນ
ຕັນໄດ້ພົບ​ປະ​ສົນທະນາ​ກັບ
ລັດຖະມົນຕີຕ່າງປະເທດຍີ່ປຸ່ນ
ທ່ານ Takeaki Matsumoto
ແລະທ່ານ Kim Sung-hwan
ຄູ່ຕໍ່າແໜ່ງເກົາຫລີໃຕ້ຂອງພວກ
ທ່ານ ກ່ຽວກັບເກົາຫລີເໜືອ.

ຖະແຫລງການຮ່ວມສາມຝ່າຍສະບັບນຶ່ງ ກ່າວວ່າ ການສົນທະນາໂອ້ລົມກັນລະຫວ່າງ​ສອງ
ເກົາຫລີນັ້ນ ຄວນເປັນຂັ້ນ​ຕອນທີ່ຍືນຍົງດໍາ​ເນີນ​ສືບ​ຕໍ່​ໄປ​ເລື້ອຍໆ. ນອກນີ້ແລ້ວ ຖະແຫລງ
ການຍັງເວົ້າອີກວ່າ ຈະບໍ່ມີການຮື້ຟື້ນການ​ເຈລະຈາຫົກຝ່າຍຄືນ​ມາ ຖ້າປາດສະຈາກ ກ່ອນ​
ອື່ນ​ໝົດ ການດໍາ​ເນີນຄວາມພະຍາຍາມຢ່າງ​ຈິງ​ໃຈ ໂດຍຝ່າຍພຽງຢາງ ເພື່ອປັບປຸງຄວາມ ສໍາພັນກັບເກົາຫລີໃຕ້ໃຫ້ດີຂຶ້ນນັ້ນ.

ໃນຄໍາປາໃສຕໍ່ກອງປະຊຸມສະມາຄົມອາຊ່ຽນນັ້ນ ທ່ານນາງຄລິນຕັນຍັງ​ໄດ້ກ່າວວ່າ ມຽນມາ ທີ່ມີລັດຖະບານພົນລະເຮືອນແຕ່ໃນນາມຊຸດໃໝ່ນັ້ນ ​ເວລາ​ນີ້ ​ແມ່ນຢູ່ໃນລະຫວ່າງ​ທາງ​ແຍກ
ທີ່ຫລໍ່ແຫລມທີ່ສຸດ ແລະວ່າ ພວກເຈົ້າໜ້າທີ່ຊຸດໃໝ່ຈະຕ້ອງຕັດຄວາມສໍາພັນກັບອະດີດລັດ
ຖະບານທະຫານ ໂດຍການສະໜອງຕອບຄວາມມຸ້ງມາດປາດຖະໜາຢາກມີປະຊາທິປະໄຕ ຂອງປະຊາຊົນມຽນມາ.

ທ່ານ Kurt Campbell ລັດຖະມົນຕີຊ່ວຍວ່າການ​ກະຊວງຕ່າງປະເທດສະຫະລັດ ຮັບຜິດ
ຊອບກິດຈະການເອເຊຍຕາເວັນອອກ ທີ່ໄດ້ນໍາພາຄວາມພະຍາຍາມຂອງສະຫະລັດ ​ໃນ​ການ
ຍື່ນມືໄປຫາມຽນມານັບຕັ້ງແຕ່ ປີ 2009 ເປັນຕົ້ນມານັ້ນ ໄດ້ກ່າວ​ຕໍ່​ພວກສື່ຂ່າວວ່າ ມຽນມາ
ຄວນຈະບໍ່ຮັບເອົາຜຽນຂອງຕົນ ​ໃນ​ການເປັນປະທານວຽນຂອງສະມາຄົມອາຊ່ຽນນັ້ນ ຈົນກວ່າ
ຈະມີການປະຕິຮູບດ້ານປະຊາທິປະໄຕ ເສຍກ່ອນ.

Campbell act//: “They need to make a decision about...
ທ່ານ ແຄມເບລ ​ເວົ້າວ່າ “ພວກເຂົາເຈົ້າຕ້ອງ​ໄດ້ທໍາການຕັດສິນໃຈ ກ່ຽວ​ກັບວ່າ
ພວກເຂົາເຈົ້າ
ກຽມພ້ອມ​ຫລື​ບໍ່ ທີ່​ຈະ​ເຮັດ​ໃຫ້​ຕົນ​ເອງຕກຕ່າງໄປ ຈາກພວກ​ຜູ້​
ນໍາ
ທະຫານທີ່ຜ່ານມາ ແລະເອົາບາດກ້າວທີ່ຈໍາ​ເປັນ​ຕ່າງໆ ເພື່ອສະແດງໃຫ້
ເຫັນວ່າ ພວກເຂົາເຈົ້າ
ກຽມພ້ອມ​ທີ່​ຈະເຂົ້າຮ່ວມກັບປະຊາຄົມນານາຊາດ. ແລະ
ພວກເຮົາກໍຄິດວ່າ
ບາດກ້າວເຫລົ່ານັ້ນ ແມ່ນຈໍາເປັນ ຖ້າຫາກວ່າມຽນມາຈະເຂົ້າ
ມາມີບົດບາດເປັນເຈົ້າພາບຈັດກອງ
ປະຊຸມອາຊ່ຽນໃນປີ 2014 ແລະຖ້າປາດສະ
ຈາກບາດກ້າວດັ່ງກ່າວ
ເຫລົ່ານັ້ນແລ້ວ ພວກເຮົາກໍຮູ້ສຶກວ່າ ພວກລັດຖະບານ
ຊຸດໃໝ່ຂອງມຽນມາ
ຈະຂາດຄວາມຖືກຕ້ອງຕາມກົດໝາຍ ທີ່ຈໍາເປັນສໍາລັບ​ ນາໆຊາດ.

ໃນຄໍາ​ປາ​ໃສຂອງທ່ານນາງນັ້ນ ລັດຖະມົນຕີ​ຕ່າງປະ​ເທດຄລິນຕັນ ຍັງໄດ້ຍ້ອງຍໍສັນລະເສີນ
ສະມາຄົມອາຊ່ຽນແລະຈີນ ທີ່​ໄດ້​ບັນລຸການຕົກລົງກັນ ເມື່ອວັນພຸດຜ່ານມາ ກ່ຽວກັບຫລັກ
ຊີ້ນໍາສໍາລັບການແກ້ໄຂບັນຫາເຂດນໍ້າແດນດິນທີ່ເປັນຂໍ້ຂັດແຍ້ງກັນ ຢູ່ເຂດທະເລຈີນໃຕ້ ​ໂດຍສັນຕິວິທີ.

ເກາະ Phan Vinh ໃນໝູ່ເກາະ Spratly ທີ່ ຫວຽດນາມອ້າງເອົາກໍາມະສິດ.(AFP PHOTO /Vietnam News Agency)
ເກາະ Phan Vinh ໃນໝູ່ເກາະ Spratly ທີ່ ຫວຽດນາມອ້າງເອົາກໍາມະສິດ.(AFP PHOTO /Vietnam News Agency)

ຈີນແລະສີ່​ປະ​ເທດສະມາຊິກ
ອາຊ່ຽນ ອັນ​ມີຫວຽດນາມ
ມາເລເຊຍ ບລູໄນ ແລະຟິລິບ
ປິນ ພ້ອມກັບ​ໄຕ້ຫວັນນໍາ
ໄດ້ພາກັນອ້າງເອົາກໍາມະສິດ
ທີ່ກວມກັນ ຢູ່​ໃນຂົງເຂດມະ
ຫາສະມຸດທີ່ສໍາຄັນ​ທາງຍຸທະ
ສາດ ແລະເຊື່ອວ່າ ອຸດົມສົມ
ບູນດ້ວຍນໍ້າມັນນັ້ນ ​ໂດຍ​ທີ່
ຈີນ​ເປັນ​ຝ່າຍ​ອ້າງເອົາກໍາມະ
ສິດ​ໃນຂອບ​ເຂດ​ທີ່​ກວ້າງ​ໃຫຍ່ ກວ່າໝູ່.

ທ່ານນາງຄລິນຕັນ ກ່າວວ່າ
ທ່ານນາງເປັນຫ່ວງນໍາເຫດການ
ຫລາຍໆ​ບັ້ນ ເມື່ອບໍ່ດົນມານີ້ ທີ່
ພົວພັນກັບເຮືອຂອງກອງທັບເຮືອ
ແລະຊັບສິນອື່ນໆຂອງພວກປະ
ເທດທີ່ຍາດ​ແຍ່ງ​ກັນອ້າງ​ເອົາ​ກໍາ
ມະສິດ ທີ່ຂົ່ມຂູ່ຕໍ່ສັນຕິພາບແລະສະຖຽນລະພາບ ອັນ​ເປັນ​ພື້ນຖານ​ຂອງຄວາມກ້າວໜ້າດ້ານ
ເສດຖະກິດ ທີ່ຂົງເຂດເອເຊຍ-ປາຊິຟິກ ໄດ້ຮ່ວມກັນສ້າງຂຶ້ນມານັ້ນ.

ທ່ານນາງຄລິນຕັນ ກ່າວຕໍ່ໄປວ່າ ທຸກ​ພັກ​ຝ່າຍໃນ​ເລື່ອງ​ນີ້ຄວນຈະດໍາເນີນການອ້າງເອົາກໍາ
ມະສິດຂອງ​ຕົນ ​ໂດຍໃຫ້ເປັນໄປຕາມກົດໝາຍສາກົນ ອັນໂຮມທັງກົດໝາຍວ່າດ້ວຍສົນທິ
ສັນຍາກ່ຽວ​ກັບທະເລ ສະບັບປີ 1982 ນັ້ນນໍາ.

ເຈົ້າໜ້າທີ່ອາວຸໂສສະຫະລັດທ່ານນຶ່ງ ທີ່​ເປັນ​ຜູ້​ຖະ​ແຫລ​ງຂ່າວຕໍ່ພວກສື່ ກ່າວວ່າ ເກືອບວ່າ
ໝົດທຸກປະເທດທີ່ຍາດ​ແຍ່ງກັນນັ້ນ ​ແມ່ນ​ໄດ້ທໍາການອ້າງເອົາເປັນກໍາມະສິດ ແບບເວົ້າເກີນ
ຄວາມຈິງຫລື​ເວົ້າ​ໂຍກເກີນໄປ ແຕ່ທ່ານບໍ່ຍອມ​ໃຫ້​ລາຍ​ວະ​ອຽດຫລາຍ​ໄປ​ກວ່າ​ນັ້ນ.

ເຈົ້າໜ້າທີ່ອາວຸໂສທ່ານ​ນີ້​ຍັງເວົ້າອີກວ່າ ສະຫະລັດຢາກຈະເຫັນພັກຝ່າຍຕ່າງໆ ​ໃນ​ຖານະ
ເປັນບາດກ້າວຕໍ່ໄປນັ້ນ ສະເໜີຂໍ້ອ້າງເອົາເປັນກໍາມະສິດແຂ່ງກັນຂອງ​ພວກ​ຕົນ ພ້ອມທັງ
ເຫດຜົນສະໜັບ​ສະ​ໜູນຢ່າງລະອຽດ ພາຍໃຕ້​ໂຄງ​ຮ່າງຂອງກົດໝາຍວ່າ​ດ້ວຍສົນທິສັນຍາ ກ່ຽວ​ກັບທະເລນັ້ນ.

ທ່ານກ່າວຕໍ່​ໄປວ່າ ພາກສ່ວນສໍາຄັນທີ່ສຸດຂອງສົນທິສັນຍາສະບັບດັ່ງກ່າວ ກໍຄືວ່າ ສົນທິ
ສັນຍານີ້ໄດ້​ບົ່ງ​ອອກ​ມາ​ຢ່າງແຈ້ງຂາວວ່າ ຊາຍແດນທາງທະເລນັ້ນ ແມ່ນກໍານົດຈາກໜ້າດິນ ບໍ່ແມ່ນຂີດແຕ້ມໝາຍເອົາຕາມ​ໃຈມັກ ຢູ່ໃນນ່ານນໍ້າມະຫາສະມຸດອັນກວ້າງໃຫຍ່ນັ້ນ.

ສະຫະລັດໄດ້ລົງ​ນາມ​ໃນສົນທິສັນຍາດັ່ງກ່າວໃນປີ 1994 ແຕ່ສະພາສູງ​ສະຫະລັດ​ຍັງບໍ່ໄດ້
ໃຫ້ສັດຕະຍາບັນ​ເທື່ອ. ຢ່າງ​ໃດ​ກໍ​ຕາມ ເຈົ້າໜ້າທີ່ອາວຸໂສທ່ານ​ນີ້ກ່າວວ່າ ສະຫະລັດ​ເຄົາລົບ​ແລະປະຕິບັດຕາມເງື່ອນໄຂຕ່າງໆ ຂອງສົນທິສັນຍາ ແລະວ່າ ການ​ບໍ່ໄດ້​ໃຫ້ສັດຕະຍາບັນ
ນັ້ນ ກໍບໍ່ໄດ້ໜ່ວງໜ່ຽວຂັດຂວາງການ​ດໍາ​ເນີນການທູດຂອງສະຫະລັດ ກ່ຽວກັບບັນຫານີ້ແຕ່ ຢ່າງໃດ.



XS
SM
MD
LG