ທ່ານນາງຮີນລາຣີ ຄລິນຕັນ ລັດຖະມົນຕີການຕ່າງປະເທດສະຫະລັດ ກ່າວວ່າ ການເສີມຂະຫຍາຍຍຸດທະສາດຂອງສະຫະລັດໃນພາກພື້ນເອເຊຍປາຊີຟິກຈະເປັນເລື້ອງບູລິມະສິດ ໃນຂະນະທີ່ກຸງວໍຊິງຕັນຫັນປ່ຽນ ຈາກການດຳເນີນຄວາມພະຍາຍາມທາງທະຫານມາເປັນເວລານຶ່ງທົດສະວັດໃນອີຣັກແລະໃນອັຟການິສຖານນັ້ນ.
ທ່ານນາງຄລິນຕັນໃຫ້ຄວາມເຫັນດັ່ງກ່າວຕໍ່ບັນດານັກການທູດສະຫະລັດ ທີ່ພົບປະກັນ
ໃນກຸງວໍຊິງຕັນໃນວັນອັງຄານວານນີ້ ແລະວ່າ ອະນາຄົດຂອງເອເຊຍ ຈະສືບຕໍ່ເປັນເລື້ອງ
ສໍາຄັນທີ່ສຸດ ຕໍ່ຜົນປະໂຫຍດຂອງສະຫະລັດ ໂດຍກ່າວວ່າ ຄວາມພະຍາຍາມຢ່າງກວ້າງ
ຂວາງຂອງລັດຖະບານກໍາ ລັງດໍາເນີນໄປເພື່ອພັດທະນາຄວາມສໍາພັນແບບໃໝ່ໃນຂົງເຂດ
ຊຶ່ງທ່ານນາງຄລິນຕັນກ່າວວ່າ:
“ທ່ານນາງຄລິນຕັນກ່າວວ່າ ພວກເຮົາກໍາລັງເຮັດໃຫ້ ພວກພັນທະມິດຂອງເຮົາໃນເອເຊຍແຂງແຮງຂຶ້ນ ໂດຍເປີດສາກການໂອ້ລົມສົນທະນາຍຸດທະສາດແບບໃໝ່ແລະການລິເລີ້ມເສດຖະກິດ ຈັດຕັ້ງແລະເຂົ້າຮ່ວມໃນສະຖາບັນຫລາຍຝ່າຍທີ່ສໍາຄັນໆ ເພື່ອເນ້ນວ່າອາເມຣິກາ ກໍາລັງ ແລະຍັງຄົງຈະເປັນມະຫາອໍານາດໃນຂົງເຂດປາຊີຟິກນັ້ນຢູ່. ໃນສັດຕະວັດຕໍ່ໜ້ານີ້ ຈະບໍ່ມີຂົງເຂດອື່ນໃດສໍາຄັນໄປກ່ວາເຂດເອເຊຍ ສໍາລັບອະນາຄົດຂອງອາເມຣິກາ.”
ໃນຄໍາປາໄສໃນຂອບເຂດທີ່ກວ້າງຂວາງຕໍ່ກອງປະຊຸມຫົວໜ້ານັກການທູດຂອງສະຫະລັດ
ໃນທົ່ວໂລກນັ້ນ ທ່ານນາງຄລິນຄັນໄດ້ກ່າວເຖິງເລື້ອງບູລິມະສິດຕ່າງໆຂອງທ່ານນາງສໍາ
ລັບຄວາມພະຍາຍາມທາງການທູດອາເມຣິກາໃນຊ່ວງປີຕໍ່ໜ້ານີ້.
ທ່ານນາງກ່າວວ່າ ບັນດານັກການທູດສະຫະລັດຈະສືບຕໍ່ເພ່ງເລັງໃສ່ໂຄງການພັດທະນາທີ່
ຍືນຍົງຕ່າງໆໃນທົ່ວໂລກ ຊ່ອຍສ້າງຕັ້ງລະບົບເສດຖະກິດທີ່ໂປ່ງໃສແລະຍຸຕິທໍາຂອງ
ໂລກ ແລະສົ່ງເສີມລະບອບປະຊາທິປະໄຕໃນພາກຕາເວັນອອກກາງແລະໃນຂົງເຂດທີ່ກໍາ
ລັງພັດທະນາອື່ນໆ.