ທ່ານນາງ ຮີນລາຣີ ຄລິນຕັນ ໄດ້ກ່າວຍ້ອງຍໍສັນລະເສິນ Kyrgyzstan ສໍາລັບຄວາມພະ
ຍາຍາມຂອງປະເທດດັ່ງກ່າວ ເພື່ອຈັດຕັ້ງຄະນະລັດຖະບານປະສົມຂຶ້ນຫລັງຈາກການເລືອກ
ຕັ້ງລັດຖະສະພາ ໃນເດືອນຕຸລາຜ່ານມານັ້ນ.
ຫລັງຈາກການພົບປະກັນກັບນາຍົກລັດຖະມົນຕີ ທ່ານນາງ Roza Otunbayeva ທີ່ນະ
ຄອນຫລວງ Bishkek ໃນວັນພະຫັດມື້ນີ້ ທ່ານນາງຄລິນຕັນກ່າວວ່າ Kyrgyzstan ກໍາລັງ
ປະດິດສ້າງລັດຖະບານຂອງຕົນຄືນໃໝ່ ເພື່ອໃຫ້ເປັນລັດຖະ ບານທີ່ຕາງໝ້າທຸກຊົນຊາດຊົນ
ເຜົ່າ ແລະສະແດງເຖິງຄວາມຫລາກຫລາຍຂອງ ປະຊາກອນ ແລະຊົງເຂດຕ່າງໆຂອງຕົນ.
ນອກນັ້ນ ທ່ານນາງຄລິນຕັນຍັງໄດ້ສົນທະນາກັບນາຍົກລັດຖະມົນຕີ Otunba-yeva ເຖິງເລື້ອງສະຖານະພາບຂອງຂໍ້ຕົກລົງ ທີ່ຈະອະນຸຍາດໃຫ້ເຮືອບິນທະຫານ ຂອງສະຫະລັດ ທີ່ຂະເດີນທາງໄປຍັງອັຟການິສຖານນັ້ນ ໄດ້ຢຸດແວ່ໃຊ້ຖານທັບ Manas ໄກ້ໆກັບນະຄອນ
ຫລວງ Bishkek ນັ້ນ.
ທ່ານນາງຄລິນຕັນໄດ້ເດີນທາງອອກຈາກກຽກກິສຖານໄປແລ້ວ ແລະເວລານີ້ ກໍາລັງມຸ່ງໜ້າ
ໄປຍັງປະເທດ Uzbekistan ບ່ອນຢ້ຽມຢາມແຫ່ງທີສາມ ໃນການ ຢ້ຽມຢາມທາງການທູດ
4 ປະເທດໃນເອເຊຍພາກກາງຄັ້ງນີ້ ຊຶ່ງປະເທດທໍາອິດ ທີ່ທ່ານນາງໄດ້ຢ້ຽມຢາມ ກ່ອນກຽກ
ກິສຖ່ນນັ້ນ ແມ່ນ Kazakhstan.