ລັດຖະມົນຕີການຕ່າງປະເທດສະຫະລັດ ທ່ານນາງ
Hillary Clinton ໄດ້ເດີນ ທາງໄປເຖິງປະເທດ
Brunei ຊຶ່ງເຮັດທ່ານນາງ ເປັນລັດຖະມົນຕີການຕ່າງ
ປະເທດສະຫະລັດຜູ້ທໍາອິດ ທີ່ໄດ້ໄປຢ້ຽມຢາມຄົບທັງ
10 ປະເທດສະມາຊິກ ຂອງ ສະມາຄົມບັນດາປະຊາ
ຊາດໃນເຂດເອເຊຍອາຄະເນຫຼືອາຊ່ຽນ.
ທ່ານນາງ Clinton ກໍາລັງຢ້ຽມຢາມຫົກປະເທດໃນເຂດເອເຊຍ ປາຊິຟິກ ຊຶ່ງສ່ວນໃຫຍ່ແລ້ວແມ່ນແນໃສ່ເພື່ອຮຽກຮ້ອງໃຫ້ສະມາຄົມອາຊ່ຽນ ພາກັນສະເໜີແຜນການ ທີ່ມີຄວາມປຸ້ມລຸມເປັນນໍ້ານຶ່ງໃຈດຽວກັນ ໃນການແກ້ໄຂບັນຫາຂັດແຍ້ງເລື່ອງເຂດນໍ້າແດນດີນກັບຈີນ.
Brunei ແມ່ນປະເທດນຶ່ງທີ່ອ້າງເອົາກຳມະສິດໃນເຂດຍຸດທະສາດທະເລຈີນໃຕ້ ຊຶ່ງເປັນຂົງເຂດອຸດົມສົມບູນໄປດ້ວຍພະລັງງານ ທີ່ໄດ້ກາຍມາເປັນເຂດທະເລທີ່ ມີການຂັດແຍ້ງກັນຮຸນແຮງຂຶ້ນນັບມື້ລະຫວ່າງຈີນແລະເພື່ອນບ້ານຂອງຕົນ.
ໃນຕອນເຊົ້າຂອງວັນພະຫັດມື້ນີ້ ທ່ານນາງ Clinton ໄດ້ຢຸດແວ່ເປັນເວລາສັ້ນໆທີ່ Timor ຕາເວັນອອກ ບ່ອນທີ່ທ່ານນາງເວົ້າວ່າ ການຢ້ຽມຢາມຂອງທ່່ານນາງ ແມ່ນ “ຈະແຈ້ງ ເປັນສັນຍານທີ່ບໍ່ຜິດພາດໃດໆ” ທີ່ວ່າ ສະຫະລັດ ຍັງຈະສືບຕໍ່ເປັນມະຫາອໍານາດ ໃນມະຫາສະມຸດປາຊິຟິກ.
ລຸນຫຼັງການພົບປະກັບບັນດາເຈົ້າໜ້າທີ່ຕີມໍຕາເວັນອອກແລ້ວ ທ່ານນາງໄດ້ກ່າວ ຍ້ອງຍໍປະເທດດັ່ງກ່າວຊຶ່ງເປັນປະເທດໃໝ່ສຸດຂອງເອເຊຍ ທີ່ໄດ້ຈັດການເລືອກຕັ້ງຢ່າງທ່ຽງທໍາໃນຕົ້ນປີນີ້ ໂດຍກ່າວວ່າ ປະຊາທິປະໄຕຄົງຈະຊ່ວຍໃຫ້ຕີມໍຕາ ເວັນອອກມີສະຖຽນລະພາບໝັ້ນຄົງຍິ່ງຂຶ້ນ.
Timor ຕາເວັນອອກຫາກໍ່ໄດ້ຮັບເອກກະລາດ ຈາກ Indonesia ພຽງແຕ່ສິບປີກ່ອນ ແລະໄດ້ບຸກບືນຕໍ່ສູ້ທາງດ້ານເສດຖະກິດ ເພື່ອໃຫ້ຕາມທັນບັນດາປະເທດເພື່ອນບ້ານໃນເຂດເອເຊຍອາຄະເນ.
Hillary Clinton ໄດ້ເດີນ ທາງໄປເຖິງປະເທດ
Brunei ຊຶ່ງເຮັດທ່ານນາງ ເປັນລັດຖະມົນຕີການຕ່າງ
ປະເທດສະຫະລັດຜູ້ທໍາອິດ ທີ່ໄດ້ໄປຢ້ຽມຢາມຄົບທັງ
10 ປະເທດສະມາຊິກ ຂອງ ສະມາຄົມບັນດາປະຊາ
ຊາດໃນເຂດເອເຊຍອາຄະເນຫຼືອາຊ່ຽນ.
ທ່ານນາງ Clinton ກໍາລັງຢ້ຽມຢາມຫົກປະເທດໃນເຂດເອເຊຍ ປາຊິຟິກ ຊຶ່ງສ່ວນໃຫຍ່ແລ້ວແມ່ນແນໃສ່ເພື່ອຮຽກຮ້ອງໃຫ້ສະມາຄົມອາຊ່ຽນ ພາກັນສະເໜີແຜນການ ທີ່ມີຄວາມປຸ້ມລຸມເປັນນໍ້ານຶ່ງໃຈດຽວກັນ ໃນການແກ້ໄຂບັນຫາຂັດແຍ້ງເລື່ອງເຂດນໍ້າແດນດີນກັບຈີນ.
Brunei ແມ່ນປະເທດນຶ່ງທີ່ອ້າງເອົາກຳມະສິດໃນເຂດຍຸດທະສາດທະເລຈີນໃຕ້ ຊຶ່ງເປັນຂົງເຂດອຸດົມສົມບູນໄປດ້ວຍພະລັງງານ ທີ່ໄດ້ກາຍມາເປັນເຂດທະເລທີ່ ມີການຂັດແຍ້ງກັນຮຸນແຮງຂຶ້ນນັບມື້ລະຫວ່າງຈີນແລະເພື່ອນບ້ານຂອງຕົນ.
ໃນຕອນເຊົ້າຂອງວັນພະຫັດມື້ນີ້ ທ່ານນາງ Clinton ໄດ້ຢຸດແວ່ເປັນເວລາສັ້ນໆທີ່ Timor ຕາເວັນອອກ ບ່ອນທີ່ທ່ານນາງເວົ້າວ່າ ການຢ້ຽມຢາມຂອງທ່່ານນາງ ແມ່ນ “ຈະແຈ້ງ ເປັນສັນຍານທີ່ບໍ່ຜິດພາດໃດໆ” ທີ່ວ່າ ສະຫະລັດ ຍັງຈະສືບຕໍ່ເປັນມະຫາອໍານາດ ໃນມະຫາສະມຸດປາຊິຟິກ.
ລຸນຫຼັງການພົບປະກັບບັນດາເຈົ້າໜ້າທີ່ຕີມໍຕາເວັນອອກແລ້ວ ທ່ານນາງໄດ້ກ່າວ ຍ້ອງຍໍປະເທດດັ່ງກ່າວຊຶ່ງເປັນປະເທດໃໝ່ສຸດຂອງເອເຊຍ ທີ່ໄດ້ຈັດການເລືອກຕັ້ງຢ່າງທ່ຽງທໍາໃນຕົ້ນປີນີ້ ໂດຍກ່າວວ່າ ປະຊາທິປະໄຕຄົງຈະຊ່ວຍໃຫ້ຕີມໍຕາ ເວັນອອກມີສະຖຽນລະພາບໝັ້ນຄົງຍິ່ງຂຶ້ນ.
Timor ຕາເວັນອອກຫາກໍ່ໄດ້ຮັບເອກກະລາດ ຈາກ Indonesia ພຽງແຕ່ສິບປີກ່ອນ ແລະໄດ້ບຸກບືນຕໍ່ສູ້ທາງດ້ານເສດຖະກິດ ເພື່ອໃຫ້ຕາມທັນບັນດາປະເທດເພື່ອນບ້ານໃນເຂດເອເຊຍອາຄະເນ.