ທ່ານນາງຮີນລາຣີ ຄລິນຕັນ ລັດຖະມຸນຕີການຕ່າງປະເທດຂອງສະຫະລັດເດີນທາງໄປຮອດກຸງປັກກິງແລ້ວ
ໃນວັນອາທິດມື້ນີ້ ກ່ອນການພົບປະເຈລະຈາກັນໃນລະດັບສູງດ້ານເສດຖະກິດແລະການຊຶ່ງຈະຮວມທັງ
ເລື້ອງກຳປັ່ນຣົບຂອງເກົາຫລີໃຕ້ຈົມນ້ຳໄປນັ້ນ.
ໃນລະຫວ່າງການຢ້ຽມຢາມສະຖານທ່ີບຳລຸງຮັກສາເຮືອບິນ Boeingໃນນະຄອນ Shanghaiໃນຕອນເຊົ້າວັນ
ອາທິດມື້ນີ້ ລັດຖະມຸນຕີການຕ່າງປະເທດສະຫະລັດໄດ້ທຳຄວາມກົດດັນຕໍ່ຈີນເພື່ອໃຫ້ອະເມຣິກັນເຂົ້າຫາພາກເສດຖະ
ກິດຂອງຈີນໄດ້ຫລາຍຂຶ້ນອີກ. ທ່ານນາງຄລິນຕັນໄດ້ກ່າວເນ້ນເຖິງຄວາມສຳຄັນສະຖານະການທ່ີພວກບໍລິສັດລະ
ຫວ່າງຊາດແຫ່ງຕ່າງໆຈະສາມາດແຂ່ງຂັນກັນໄດ້ຢ່າງເສຣີແລະຢ່າງເປີດກວ້າງໃນຈີນນັ້ນ.
ໃນວັນສຸກຜ່ານມານີ້ທ່ີກຸງໂຕກຽວ ທ່ານນາງຄລິນຕັນໄດ້ກ່າວປະນາມເກົາຫລີເໜືອທ່ີເຮັດໃຫ້ກຳປັ່ນຣົບລຳນຶ່ງ
ຂອງເກົາຫລີໃຕ້ຈົມນ້ຳໄປນັ້ນແລະທ່ານນາງເຕືອນວ່າ ການທຳການເຄື່ອນໄຫວທ່ີເປັນເກາະຜິດນີ້ມີຜົນກະທົບ
ທ່ີຈະຕິດຕາມມາ.
ເກົາຫລີເໜືອໄດ້ປະຕິເສດຕໍ່ການຮັບຜິດຊອບໃດໆໃນເຫດການດັ່ງກ່າວແລະໃຫ້ຄຳໝັ້ນສັນຍາວ່າ ຈະຕອບໂຕ້ຕໍ່
ການແກ້ແຄ້ນໃດໆ ໃນອັນທ່ີຕົນເອີ້ນວ່າ ເກີດສົງຄາມກັນນັ້ນ.
ວັນຈັນ, ໑໔ ຕຸລາ ໒໐໒໔
